Ajilanic 6:5 - Quiché Bible

⁵ Mawi cuya' cukopij ta ri u wi', xane' cuya' be che chi caq'uiyic c'ä quetz'akat na ri k'ij ri u k'atom che ri u chi'nic, rajawaxic c'ut cutakej u tasic rib che u ternexic ri Ajawaxel.

Ajilanic 6:5 ပူးပေါင်းရင်းမြစ်များ

Ri Ezequiel 44:20

Man caquiban ta tol che ri qui jolom, mawi caquiban nimak che ri qui wi'; xuwi caquikopij jubik'.

Ajilanic 6:4

Joropa' k'ij cäbeytaj ri u chi'nic man cuya' taj c'o ta jas cutij ta che ri cuya' ri u che'al uva, apachique ta ne.

Hechos 18:18

Q'ui k'ij xcanaj chi na' ri Pawl pa Corint. Xebuya' c'u can ri achalal, xbe puwi' ri plo, xbe pa Siriy. Xachilax bic cumal ri Prisil xukuje' ri Aquil. Xusocaj ri u wi' pa Sencrey, rumal rech chi u bim ulok jun kastzij.

K'atal tak Tzij 13:5

cäc'oji' c'u na jun awal ala ri man cäkopix ta ri u wi'. Rumal rech chi we alaj ala ri' cätastaj na che u patanixic ri Dios jacha' nazarey, c'ä majok calaxic, rech are' ri cächaplen ri qui to'tajisaxic ri aj israelib pa qui k'ab ri aj pilisteyib.”

K'atal tak Tzij 16:17

je c'u ri' chuq'uisbalil xuk'alajisaj chuwäch ri Dalil ri rawam: “Man c'o ta jun kopininak ta ri nu wi', kas c'ä majok chinalaxok xintas che u patanixic ri Dios jacha' nazarey. We cäkopix ri nu wi', quintzak na ri nu chuk'ab, quinux na sibalaj tuka'r jacha' jun apachique achi ri man c'o ta u chuk'ab.”

K'atal tak Tzij 16:19

Ri Dalil xuya' ri u jolom ri Sanson paquiwi' ri quieb u ch'ec xuwartasaj c'ut, xusiq'uij jun achi che u kopixic ri wukub u pach' ri u wi'. Ri ixok xuchaplej c'u u banic c'ax che.

Nabe Samuel 1:11

xuban c'u we chi'nic ri' che: “Ajawaxel ri c'o ronojel u cuinem: we ta quel c'u'x la che ri c'axc'olil ri c'o wi we pataninel ech la ri', quinnataj ta c'u che la, cäya' ta c'u la jun wal ala, in quinjach na che patanixic la, che c'u ri retal we tastajic ri' man cäsocax ta ri u wi' conojel ri k'ij ri cac'asi'c.”