Ajilanic 6:23 - Quiché Bible

²³ “Chabij che ri Aaron xukuje' chque ri e u c'ojol chi aretak que qui tewichi'j ri aj israelib je u banic wa' chquibana':

Ajilanic 6:23 ပူးပေါင်းရင်းမြစ်များ

Chapletajic 24:60

Je u tewichi'xic ri Rebec wa' xquinban bic: “Kanab, chatoc ta na che qui nan tinimit winak ri e u wi' tak a mam chech'äcan ta na paquiwi' ri e qui c'ulel.”

Chapletajic 47:10

Ri Jacob xuya' can rutzil u wäch ri ajawinel, xel c'u ulok chuwäch.

Chapletajic 47:7

Ri Jose xukuje' xuc'am bic ri Jacob ri u tat rech quetamax u wäch rumal ri ajawinel. Ri Jacob xuya' rutzil u wäch ri ajawinel ruc' nimalaj mejow ib,

Chapletajic 48:20

Kas pa ri k'ij ri' ri Jacob xebutewichi'j cuc' tak we tzij ri': “Ri tinimit re Israel cucoj na ri i bi' ix che tak tewichi'nic, cäquibij c'u na: ‘Chubana' ri Dios chawe jas ri xuban che ri Eprain xukuje' che ri Manases.’ ” Ri Jacob ri cäbix Israel che are xuya' u k'ij ri Eprain chuwäch ri Manases.

Nabe Ajawinelab 8:55

xwalijic xtaq'ui'c xebutewichi'j c'u conojel ri tinimit aj israelib, co xurak u chi' xubij:

Nabe Tzijobelil 23:13

Ri e u c'ojol ri Amram are' ri Aaron xukuje' ri Moises. Ri Aaron xcha' rumal ri Dios che qui cojic tak ri sipanic ri sibalaj e tastal na, che u c'atisaxic ri c'oc' k'ol chuwäch ri Ajawaxel che u patanixic xukuje' che u tewichi'xic amak'el, ekle'n wa' ri rajawaxic u banic rumal ri Aaron xukuje' cumal ri e u c'ojol re amak'el.

Ucab Tzijobelil 30:27

Chuq'uisbalil c'ut ri e cojol tabal tok'ob xukuje' ri aj levitib, xetaq'ui'c xquitewichi'j ri tinimit; xetatabex c'ut rumal ri Ajawaxel, ri qui ch'awem ruc' Dios xopan c'ä pa ri caj, pa ri c'olbal jawije' ri jekel wi ri Dios tastalic ri man cuban taj etzelal.

Elem 39:43

aretak xril ri Moises chi je u banic wa' qui banom, xebutewichi'j.

Ajilanic 6:22

Ri Ajawaxel xutzijobej ri Moises xubij c'u che:

Romanos 1:7

Quintz'ibaj c'u we wuj ri' chiwe iwonojel ri ix c'o pa Rom. Ri Dios quixulok'ok'ej, xixusiq'uij rech quixux tastalic tak winak. Ri Dios ka Tat xukuje' ri Ajawaxel Jesucrist chubana' tok'ob chiwe xukuje' chuya' jamaril chixo'l.

1 Corintios 1:3

Ri Dios ri ka Tat xukuje' rech ri Ajawaxel Jesucrist chujamij piwi' ix ri u tok'ob xukuje' ri u jamaril.

2 Corintios 13:14

Ri u tok'ob ri Ajawaxel Jesucrist, ri lok'ok'ebal u c'u'x ri Dios, xukuje' ri u wächbal ri Ruxlabal ri Dios cäc'oji' iwuc' chnimalaj iwonojel.

U Camulixic ri Pixab 10:8

Chi' aretak ri Ajawaxel xebucha' ri ramak' ri Levi che u c'amic bic ri caxa re ri u c'ulwächinic, rech quec'oji' chuwäch ri Ajawaxel che u ya'ic k'ijilanic, cäquiya' c'u ri tewichibal pa ri u bi', jacha' ri qui takem u banic camic.

U Camulixic ri Pixab 21:5

Quekeb c'u na ri e cojol tabal tok'ob aj levitib, e are c'u tak wa' e cojom rumal ri Ajawaxel che u banic ri k'ijilanic chetewichi'n c'u pa ri u bi' ri Ajawaxel. Pa ronojel ri cäc'ulmatajic we ch'o'j, o yajow ib, pa apachique ch'o'j o c'ulelam ib ri caquichomaj are', are ri cabanic.

U Camulixic ri Pixab 33:1

Aretak xa co'l man cäcäm ri Moises, ri nimanel che ri Dios, xebutewichi'j ri aj israelib, je qui tewichi'xic wa' xubano.

Hebreos 7:1

Are c'u we Melquisedec ri', rajawinel ri Salem xukuje' cojol tabal tok'ob rech ri Dios ri c'o pa ri caj. Xel ulok che u c'ulaxic ri Abraham, aretak tzelejinak chi ulok che qui ch'äquic ri ajawinelab. Xutewichi'j c'u ri Abraham.

Hebreos 7:7

Man c'o ta jachin cac'ulelanic chi ri cayo'w ri tewichi'nic are' nim na u k'ij chuwäch ri cac'amow ri tewichi'nic.

Ri Josue 8:33

Ronojel c'ut ri tinimit, ri e rija'lil ri Israel jacha' xukuje' ri man e qui winakil taj, xukuje' ri e qui rija'l, ri takanelab xukuje' ri k'atal tak tzij xquiya' quib pa tak u xcut ri caxa ri c'o wi ri u c'ulwächinic ri Ajawaxel, chquiwäch ri e cojol tabal tok'ob aj levitib ri e uc'aninak puwi' qui teleb. Che ri u tewichibal ri tinimit Israel, pa niq'uiaj chque e c'o pa u xcut ri juyub Jerizim, ri jun pa niq'uiaj chic pa u xcut ri juyub Ebal, je jacha' ri takanic ri xuya' ri Moises kas pa ri chaplebal, ri pataninel rech ri Ajawaxel.

1 Pedro 1:2

ri e cha'tal jas ri xuchomaj ulok ojer ri Dios Tataxel. Ri are' u banom tastalic tak winak chiwe rumal ri Uxlabaxel, rech quixniman che xukuje' quixchiquichax ruc' ri u quiq'uel ri Crist: are ta ri Dios sibalaj cuban tok'ob chiwe xukuje' sibalaj cuya' jamaril chixo'l.

2 Juan 1:3

Are ta ri Dios Tataxel xukuje' ri Ajaw Jesucrist ri u C'ojol ri Tataxel, cuban tok'ob chiwe, quel u c'u'x chiwe, xukuje' cuya' jamaril chixo'l, pa kastzij xukuje' pa lok'ok'ebal c'uxaj.