Ajilanic 30:2 - Quiché Bible

² “Ri Ajawaxel u yo'm takanic chi aretak c'o jun winak cuban jun chi'nic che o cuya' u tzij che u banic jun jasach chi'nic ri kas cäban na, rajawaxic cutz'akatisaj ri u tzij chubana' c'u ronojel ri u chi'm u banic.

Ajilanic 30:2 ပူးပေါင်းရင်းမြစ်များ

Ri Job 22:27

We c'o jas catz'onoj che, ri are' catutatabej na, are' c'u ri at quebatz'akatisaj na ri quebachi'j che.

Salmib 116:14

Quebentz'akatisaj na ri xinchi'j che ri Ajawaxel chuwäch ronojel ri u tinimit.

Salmib 116:18

Quebentz'akatisaj na ri xinchi'j che ri Ajawaxel chuwäch ronojel ri u tinimit,

Salmib 119:106

Xinban jun chi'nic ri kas cäban na, quintz'akatisaj c'ut: ¡quebenbana' ri caquibij ri e suc'alaj tak colomibal la!

Salmib 15:3

ri man c'o ta jun rajil u tz'akat cuyok'o, ri man cuban ta c'ax che ri rachil, mawi cäretzelaj u wäch ri u c'ulja;

Salmib 22:25

Chuwäch ri tinimit la ri man c'o ta cajilabal quink'ijilaj ri jiquil la; chquiwäch ri queyo'w k'ij la quintz'akatisaj na ri e nu chi'nic.

Salmib 50:14

¡Ri a sipanic chux maltioxibal che ri Dios; chebatz'akatisaj che ri Dios aj chicaj ri e a chi'nic!

Salmib 55:20

Caquiwalijisaj ri qui k'ab chquij ri cachil; man caquitz'akatisaj ta ri qui chi'nic chi canima' quib cuc'.

Salmib 56:12

Ri chi'nic ri xebenchi'j che la nu Dios, quebentz'akatisaj cuc' tak bix.

Salmib 76:11

Chibana' chi'nic chuwäch ri Ajawaxel, ri i Dios, chebitz'akatisaj c'ut; ix ri i mulin iwib chrij ri ya'tal u ya'ic u k'ij, ¡chebic'ama ulok sipanic che!

Elem 20:7

Itzel u cojic ri u bi' ri Ajawaxel ri a Dios mabano, ri are' c'ut man cuya' ta c'u can ri winak chi xak ta jeri' chi ma ta cuc'äjisaj u wäch ri itzel u cojic ri u bi' cubano.

E C'ambal tak Tzij 20:25

Xak quieb cubij puwi' ri winak ri cuchi'j jun jasach che ri Dios ri c'äte c'u cuchomaj chi canok chi man utz taj ri xubano.

Aj Levitib 5:4

We c'o jachin jun quel ulok pa u chi' ruc' aninakil jun chi'nic ri kas cäban na, cacha' che u banic ri utz o ri man utz taj (chque we chi'nic ri' ri kas cäban na ri quebixic ri man cächomax ta na), man c'u cunabej taj pa ri jok'otaj ri' we c'u c'äte' cunabej na cux na aj chak'maquil che jun we jastak ri'.

Ri Nahum 1:15

¡Chiwila'! ¡Petinak chic paquiwi' tak ri juyub ri ya'l takquil ri ruc'am ulok tzijol re jamaril! Chebawoc'owisaj tak ri e a nimak'ij Juda; chebatz'akatisaj tak ri chi'nic ri e a banom. Mawi ta chi c'u jumul catkaj ta chi na pa qui k'ab ri e banal tak etzelal; sachinak qui wäch chnimalaj conojel.

Ajilanic 21:2

E are' c'ut ri aj israelib xquichi'j che ri Ajawaxel chi, we ri are' quebuto' che u ch'äquic we ulew ri', ri e are' kas caquichupisaj na qui wäch conojel tak ri qui tinimit.

Ajilanic 30:10

Aretak jun c'ulanic ixok cuban jun chi'nic o cuya' u tzij che u banic jun chi'nic ri kas cäban na c'o c'u ne cho rachoch ri rachajil,

Ajilanic 32:24

Chebiyaca' ba' ri tinimit tak chque tak ri e iwachalal xukuje' tak warabal chque tak ri e i chij, chi tz'akatisaj c'ut ri i tzij.”

Ri Matey 23:16

¡C'ax iwech, ix moyab tak c'amal tak be! Ri ix quibij: ‘Apachin ri cucoj ri u bi' ri rachoch Dios che u banic jun chi'nic ri kas cäban na, man c'o ta cubij, apachin c'u ri cucoj ri u bi' ri kan puak ri c'o pa ri rachoch Dios che u banic jun chi'nic ri kas cäban na, rajawaxic cubano jas ri xubij.’

Ri Matey 23:18

Xukuje' quibij: ‘Apachin ri cucoj ri u bi' ri porobal che u banic jun chi'nic ri kas cäban na, man c'o ta cubij. Apachin c'u ri cucoj ri u bi' ri sipanic ri c'o puwi' ri porobal che u banic jun chi'nic ri kas cäban na, ri are rajawaxic cubano jas ri xubij.’

Hechos 23:12

Aretak xsakaric, jujun chque ri aj judeyib xquimulij quib. Xequiban ri chi'nic ri kas cäban na chuxe' c'okonic. Xquibij chi man quewa' ta na mawi quebuq'uian na c'ä cäquicämisaj na ri Pawl.

Hechos 23:14

Ri e are' xebopan cuc' ri e c'amal qui be ri e cojol tabal tok'ob xukuje' ri e qui nimak tak tatayib ri aj judeyib, xquibij: “Ri uj ka banom ri chi'nic ri kas cäban na chuxe' c'okonic chi man c'o ta jas cäkatij na, c'ä cäkacämisaj na ri Pawl.

Hechos 23:21

Macoj c'u la jas ri cäquibij, rumal rech chi e c'o na chquiwäch cawinak (40) cachijab queyem quic'u'm quib, qui banom ri chi'nic ri kas cäban na chuxe' c'okonic chi man quewa' ta na mawi quebuq'uian na, we man nabe cäquicämisaj na ri Pawl. Camic c'ut e c'o chic, cäqueyej chi caya' la tzij la che wa'.”

2 Corintios 1:23

Quincoj ri Dios che k'alajisanel puwi' ri wanima', chi man in benak ta pa Corint, rumal rech chi quintok'obisaj i wäch.

K'atal tak Tzij 11:11

Xpe c'u ri Jepte cuc', ri tinimit xquicoj che c'amal qui be xukuje' che qui nimal. Pa Mizpa, ri Jepte xubij chi jumul chuwäch ri Ajawaxel jas ri u bim can nabe.

K'atal tak Tzij 11:39

Aretak xtz'akat ri quieb ic', ri ali xtzelej cho rachoch ri u tat, ri are' xuban che ri u mia'l jas ri xuch'ij che ri Ajawaxel. Ri u mia'l ri Jepte, k'apoj xcämic.