Ajilanic 3:9 - Quiché Bible

⁹ Chebatasa' ri aj levitib chquixo'l ri niq'uiaj aj israelib chic, rech kas quecanaj che u patanixic ri Aaron xukuje' tak ri e rija'lil,

Ajilanic 3:9 ပူးပေါင်းရင်းမြစ်များ

Nabe Tzijobelil 15:2

Xuya' c'u takanic: “Mawi jun, we man aj Levi, catelen ta bic ri u caxa ri Ajawaxel, are c'ut ri Ajawaxel e chowinak rech e are' quetelen ri u caxa ri Ajawaxel xukuje' rech amak'el e c'o chuwäch che ri u patanixic.”

Nabe Tzijobelil 6:33

Ri e c'o chila' e cachil tak ri e qui c'ojol e are': ri rija'lil ri Coat ri ajbix Heman, u c'ojol ri Joel u c'ojol ri Samuel,

Ri Esdras 2:43

Ri e pataninelab canok chupam ri Rachoch Dios e are' ri e rija'lil ri Ziha, ri e re ri Hasup, ri e re ri Tabaot,

Ri Esdras 6:18

Xequicoj c'ut ri e cojol tabal tok'ob pa tak ri qui chac ri takalic, xukuje' c'u tak ri aj levitib pa tak ri qui chac, che u ya'ic ri k'ijilanic che ri Dios pa Jerusalen, jacha' ri tz'ibatal chupam ri u wuj ri Moises.

Ri Esdras 8:20

Ri e pataninel tak re ri Rachoch Dios ri e cojom rumal ri David xukuje' ri c'ämal tak be ri e c'o chuxe' ri qui takanic tak ri aj levitib, e c'o quieb sient ruc' juwinak (220), conojel tz'ibatal ri qui bi'.

Ajilanic 16:9

¿La xa man nim ta qui wilo chi ri u Dios ri Israel ix u cha'om ix chuxo'l ri tinimit Israel, chi quixc'oji' c'u chunakaj quixpatanij c'u che qui cojic ri tabal tak tok'ob chupam ri u k'ijilabal ri Ajawaxel chibana' c'ut we patanijic ri' che ri tinimit?

Ajilanic 18:2

Rajawaxic cabano chi ri niq'uiaj e u tz'akatil chic ri ramak' ri Levi, ri c'o catux chque, chatquito' ri at xukuje' ri e a c'ojol che u banic ri patanijic chuwäch ri Lic'om Rachoch Dios re ri c'ulwächinic.

Ajilanic 3:8

Xukuje' quequichajij ri e u chaconisan ri Lic'om Rachoch Dios re rikoj ib, e c'o c'u che ri qui patanixic ri aj israelib pa conojel ri patanijic chupam ri k'ijilabal.

Ajilanic 8:14

jewa' ri qui tasic ri aj levitib caban na chquixo'l ri niq'uiaj aj israelib chic rech quebux wech.

Ajilanic 8:16

rumal rech chi chquixo'l conojel ri aj israelib, ri e are' e tastajinak chwe. In e nu c'amom che qui q'uexwäch conojel ri e nabeal tak qui c'ojol ri aj israelib,

Ajilanic 8:18

Che c'u ri qui q'uexwäch ri e are' xebenc'am ri aj levitib.

Ajilanic 8:19

In xebencha' ri aj levitib chquixo'l ri niq'uiaj aj israelib chic, xebenjach che ri Aaron xukuje' chque ri e u c'ojol, rech pa ri qui bi' ri aj israelib queboc che ri patanijic chupam ri Lic'om Rachoch Dios re rikoj ib, quirika' c'ut ri sachbal macaj ri cuya' ri Ajawaxel chque ri aj israelib. Jeri' ri aj israelib man rajawaxic ta chque quenakajin che ri k'ijilabal, man c'o ta c'u caquic'ulmaj na.”

Efesios 4:11

Jujun xebucoj che takomxenlab, niq'uiaj chic che k'axal tak u tzij ri Dios, jujun chic xuya' chque chi cäquitzijoj ri tzij re colobal ib, niq'uiaj chic xebucoj che ajyuk'ab xukuje' che tijonelab.

Efesios 4:8

Rumal ri' cubij ri Tz'ibatalic: “Xpaki' chicaj, xuban u bic rech chque ri e c'o ajchak'e, xuya' sipanic chque ri winak.”