Ajilanic 3:8 - Quiché Bible

⁸ Xukuje' quequichajij ri e u chaconisan ri Lic'om Rachoch Dios re rikoj ib, e c'o c'u che ri qui patanixic ri aj israelib pa conojel ri patanijic chupam ri k'ijilabal.

Ajilanic 3:8 ပူးပေါင်းရင်းမြစ်များ

Nabe Tzijobelil 23:27

Je c'u ri', je xbanic jas ri q'uisbal tak u chomanic ri David, xebajilax ri rija'lil ri Levi ri jujun tak winak qui junab cäpakic,

Ucab Tzijobelil 29:11

Are c'u ri camic, nu c'ojol tak mik'il iwib; ix u cha'om c'ut ri Ajawaxel rech amak'el ix c'o chuwäch quixpatanin c'u che, rech c'u quichi'j c'oc' k'ol chuwäch.”

Ri Isaiy 52:11

Chixel ulok, chixel ulok pa Babilon, mebinak chi tz'il tak jastak, chixel ulok pa Babilon. Chebux ch'ajch'oj ri quec'amow ulok ri e u chaconisan ri Ajawaxel.

Ajilanic 10:17

Xquitur c'ut ri k'ijilabal, e are' tak c'ut ri e rija'lil ri Jerson xukuje' ri Merar, ri are' quekle'n ri u c'amic bic xquitakej qui be.

Ajilanic 10:21

E benak chi c'ut ri e rija'lil ri Coat, ri e uc'aninak tak ri tastalicalaj tak chaconisan. Aretak c'u quebopanic, quequirika' chi ri k'ijilabal woctajinak chi apanok.

Ajilanic 3:7

Quec'oji' c'u che u patanixic ri Aaron xukuje' ronojel ri tinimit, chuwäch ri Lic'om Rachoch Dios re rikoj ib, pa qui k'ab c'u cacanaj wi ri patanijic chupam ri k'ijilabal.

Ajilanic 3:9

Chebatasa' ri aj levitib chquixo'l ri niq'uiaj aj israelib chic, rech kas quecanaj che u patanixic ri Aaron xukuje' tak ri e rija'lil,

Ajilanic 31:30

Ri pa niq'uiaj ri xya' chque ri niq'uiaj aj israelib chic, ri winak, ri wacax tak, xukuje' tak ri chij, o chque conojel ri awaj, cawesaj jun chque ri cawinak lajuj (50) quebaya' c'u chque ri aj levitib ri quebanow ri patanijic chupam ri quink'ijilax wi.”

Ajilanic 4:15

Aretak ri Aaron e rachil tak ri e u c'ojol qui q'uisom chic qui pisic conojel ri tastalicalaj tak jastak, e suc'umatal chi c'ut che u takexic ri qui be, cuya' quepe ri e rija'lil ri Coat che qui telexic bic tak we jastak ri'. Mäquinak c'u jun tastalicalaj jasach ruc' ri qui k'ab, rech man quecäm taj. Conojel c'ut we jastak ri' ri e rech ri Lic'om Rachoch Dios re rikoj ib e are' tak wa' ri rajawaxic quequitelej bic ri e rija'lil ri Coat.

Ajilanic 4:28

Are patanijic wa' ri caquiban na ri e rija'lil ri Jerson ri caquiban na chupam ri Lic'om Rachoch Dios re rikoj ib, chuxe' ri u takanic ri Itamar (ri u tat ri Itamar are' ri Aaron, ri cojol tabal tok'ob).

Ajilanic 4:33

Are' chac wa', ri cäban pa ri Lic'om Rachoch Dios re rikoj ib, ri cacanaj pa qui k'ab ri e achalaxic ri e ija'lil ri Merar ri cabantaj c'ut chuxe' ri u takanic ri Itamar (ri u tat ri Itamar are' ri cojol tabal tok'ob ri Aaron).”