Ajilanic 28:2 - Quiché Bible

² “Chaya' takanic chque ri aj israelib chi maquitanaba' qui chi'xic chwe ri wa' xukuje' tak ri e sipanic ri queporoxic pa ri qui k'ijol pa ri nimak tak ri nimak'ij ri nimak qui banic, e jacha' sipanic ri quec'oc'at ruxlab chwe.

Ajilanic 28:2 ပူးပေါင်းရင်းမြစ်များ

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Nabe Tzijobelil 23:31

xukuje' aretak quechi'x tak ri tabal tok'ob ri quechajirisax chuwäch ri Ajawaxel pa tak ri k'ij re uxlanem, pa tak ri nimak'ij re ri c'ac' ic' xukuje' pa tak ri nimak'ij ri nimak tak na qui banic, amak'el quepatanij chuwäch ri Ajawaxel je jas ri cajilabal ri c'utum che qui banic wa'.

Ucab Tzijobelil 23:18

Ri Joiad xebucoj c'ut chajinelab chupam ri rachoch ri Ajawaxel, ri xecanaj chuxe' ri qui takanic ri e cojol tabal tok'ob xukuje' ri aj levitib, ri xebujach wi ri David ri patanijic chupam ri rachoch Dios chquiwäch quequichi'j c'ut ri tabal tok'ob ri cachajirisaxic je jas ri tz'ibatal chupam ri u pixab ri Moises, quebixon c'ut ruc' quicotemal, je jas ri takanic ri xuya' ri David.

Ucab Tzijobelil 31:3

C'o chi c'u wi ri cuchuj ri xuya' ri ajawinel ri xresaj pa ri kas e u k'inomal che ri tabal tok'ob ri cächajirisaxic re ak'abibal xukuje' re xk'ekal chque tak ri tabal tok'ob ri quechajirisaxic pa ri k'ij re uxlanem, che ri nimak'ij re ri c'ac' ic' xukuje' chque tak ri nimak'ij ri nimak qui k'ij, jacha' ri tz'ibatal chupam ri u pixab ri Ajawaxel.

Ri Esdras 3:2

are' c'u ri Jexu, u c'ojol ri Josadac, xukuje' tak ri e rachil ri e cojol tabal tok'ob, xukuje' c'u ri Zorobabel, u c'ojol ri Salatiel, xukuje' tak ri e c'o quebux che, xeboc che u yaquic ri porobal ri re ri u Dios ri Israel, che qui chi'xic tak ri tabal tok'ob ri cächajirisaxic ri cätakan wi ri u pixab ri Moises, achi ri pataninel re ri Dios.

Ri Esdras 3:3

Utzalaj c'u u yaquic ri porobal xquibano, caquixe'j c'u quib chquiwäch tak ri winak ri e c'o chquinakaj, ronojel c'u ak'abil xukuje' ronojel que k'ij quequichi'j tabal tok'ob ri cächajirisaxic puwi'; che u ya'ic u k'ij ri Ajawaxel.

Ri Nehemiy 10:34

C'o c'u ne na wa', chi ri e cojol tabal tok'ob, ri aj levitib xukuje' ronojel ri tinimit, jas ri qui cholajil tak ri kachalaxic, xakaq'uiak ri taklebenic rech cakilo jachin ri cac'amow ulok ri si' re jun junab, ri cajwataj chupam ri rachoch Dios che u poroxic puwi' ri porobal ri rech ri Ajawaxel ri ka Dios, jacha' ri tz'ibatal chupam ri pixab.

Salmib 81:3

Chiwok'esaj trompet aretak cäpe ri c'ac' ic', xukuje' aretak cänoj ri ic', are c'u u k'ijol ri nimalaj ka nimak'ij.

Elem 23:15

Chawoc'owisaj ri nimak'ij re ri caxlanwa ri man cäya' ta ch'am ruc', je chabana' jacha' ri takanic ri nu yo'm chawe, pa we nimak'ij ri' wukub k'ij catij caxlanwa ri man cäya' ta ch'am ruc'. Cäban we nimak'ij ri' pa ri ic' Abib are c'u ic' wa' ri xatel ulok pa Ejipt. Man c'o ta c'u jun ri cuya' copan che wilic ri ma ta c'o jas ruc'am ulok.

Elem 29:18

Chachi'j c'u ri ama' chij puwi' ri porobal, jacha' tabal tok'ob ri cächajirisaxic che u ya'ic u k'ij ri Ajawaxel, jacha' sipanic porom ri cäc'oc'atic.

Ri Ezequiel 16:19

Ri wa ri nu yo'm chawe, ri re coc'alaj c'äj, rachil ri aseit xukuje' u juyubal räx cab ri nu tzukubem awech, xebachi'j chquiwäch jacha' c'oc'alaj tak sipanic. In ri Ajawaxel, quinjiquiba' u bixic.

Ri Ezequiel 20:41

Aretak chebenmulij ulok pa tak ri ulew chquixo'l ri nimak tak tinimit ri e jabutal wi camic, quinc'ut c'ut ri nu tastajic chixo'l chquiwäch conojel tak ri tinimit, c'äte ri' quebenc'amowaj na tak ri e qui sipanic ri cäc'oc'at cuxlab.

Ri Ezequiel 45:17

Pa u k'ab c'u c'o wi ri qui jachic ri awaj ri quechajirisaxic, xukuje' ri quebajwataj chque ri sipanic quech c'äj xukuje' ri rech u wa'l uva chquipam ri c'ac' tak ic', chquipam tak ri k'ij re uxlanem xukuje' chquipam conojel tak ri nimak'ij aj Israel. Rajawaxic xukuje' quequijach ri tabal tok'ob che u q'uexwäch ri macaj, ri sipanic tak que c'äj, ri quechajirisaxic xukuje' ri tabal tak tok'ob re utzirisan ib, rech quecuyutaj ri e u mac ri Israel.”

Aj Levitib 1:13

Are' c'ut ri cäjachow ri tabal tok'ob pa cachajirisaxic quebuch'aj ri ixco'l xukuje' ri e ra' ri awaj ruc' ja', ronojel c'ut cuchi'j ri cojol tabal tok'ob, cuporoj ronojel puwi' ri porobal; jacha' sipanic ri caporoxic ri cäc'oc'atic ri cäkaj chuwäch ri Ajawaxel.

Aj Levitib 1:17

Cujak'ij c'u na ri chicop ri e c'o u xic', quebuc'am c'u che ri quieb u xic', man cuban ta c'u quieb che chuq'uisbalil cuporoj na ri chicop ri e c'o u xic' puwi' ri si' ri c'o puwi' ri porobal jacha' tabal tok'ob ri cächajirisaxic, jacha' sipanic ri canicowisaxic ri cäc'oc'at che ri Ajawaxel.”

Aj Levitib 1:9

Ri cäjachow ri tabal tok'ob ri cächajirisaxic, rajawaxic quebuch'aj ri ixco'l, xukuje' ri e ra' ri awaj ruc' ja'; ronojel c'ut cuporoj ri cojol tabal tok'ob puwi' ri porobal jacha' sipanic ri caporoxic ri cäc'oc'atic, ri cäkaj chuwäch ri Ajawaxel.

Aj Levitib 21:6

xane' kas chi quitasa' quib che u patanixic ri qui Dios, maquiban c'u che ri u bi' chi man nim ta cäquil wi, rumal rech chi e are' quejachow ri sipanic ri cäporox che ri Ajawaxel, xukuje' e are' quejachow ri wa chuwäch ri Dios, amak'el c'ut checanaj tastalic che patanijic.

Aj Levitib 21:8

Chebatasa' che ronojel wa', rumal rech chi e are' ri quechi'n ri wa che ri a Dios. E tastal c'u chawe, rumal rech chi ri in, ri Ajawaxel, in tastalic, man quinban ta etzelal, in c'ut ri quinbanowic chi quetastaj chwe.

Aj Levitib 3:11

Ri cojol tabal tok'ob cunicowisaj ronojel wa' puwi' ri porobal, jacha' che sipanic re wa ja' che u ya'ic u k'ij ri Ajawaxel.

Ri Malaquiy 1:12

Are' c'u ri ix, quinic'axc'obisaj, are c'u pa i c'u'x chi ri nu porobal, ri are nu mexa, cuya' man nim ta quil wi, xukuje' chi man nim ta quil wi ri wa ri c'o puwi'.

Ri Malaquiy 1:7

Ri ix quebilicojo' wa puwi' ri nu porobal ri wech ri man ya'tal ta u c'amic ulok, c'ä quixc'otow c'u ne chi'aj: ‘¿Jas ri cakac'axc'obisaj wi la?’ Ri ix quinic'axc'obisaj aretak qui chomaj chi ri nu porobal ri wech cuya' man nim ta quil wi.

Ajilanic 15:24

We ri sachinakil man xnabex ta are' c'u banowinak ronojel ri tinimit, ronojel ri tinimit cuchi'j na jun c'ojol ama' wacax chwe jacha' tabal tok'ob ri cachajirisaxic ri cac'oc'at ruxlab, cärachilaj ri rach tak sipanic que c'äj xukuje' ri re u wa'l uva, jacha' ri takanic ri u yo'm ri Dios; qui chi'j chi c'u na jun ama' quisic' chwe jacha' che tabal tok'ob che u josk'ixic ri macaj.

Ajilanic 15:3

qui chi'j c'u jun ama' wacax o jun chij che u poroxic che u ya'ic nu k'ij jacha' che tabal tok'ob o tabal tok'ob ri cachajirisaxic ri sibalaj cäc'oc'atic, we che u tz'akatisaxic jun chi'nic o jacha' sipanic ri pa ech wi, o rumal jun nimak'ij,

Ajilanic 15:7

Xukuje' jun litro u wa'l uva ruc' jubik', jacha' che sipanic ri sibalaj cäc'oc'at ruxlab chwe in.

Ajilanic 28:1

Ri Ajawaxel xutzijobej ri Moises, xubij c'u che:

Ajilanic 29:39

E are tak tabal tok'ob wa' ri rajawaxic quebiban che ri Ajawaxel pa tak ri k'ij ri e ch'icom, e c'o c'u wi na ri' tak ri qui sipanic che u tz'akatisaxic jun chi'nic o jacha' ne jun sipanic pa ech wi, we e tz'onobal tok'ob ri quechajirisaxic o sipanic que c'äj rachil u wa'l uva, o tabal tok'ob re utzirisan ib.”

Ajilanic 9:13

Jachin c'ut ri cutanaba' u banic ri nimak'ij re ri Oc'owem ri ch'ajch'oj c'u ne man naj ta c'u benak wi, rajawaxic quesax chquixo'l ri e u winakil. Man xpe ta c'u che u ya'ic ri sipanic chuwäch ri Ajawaxel pa ri k'ijol ri k'atom, cuc'am na ri c'äjisabal wächaj u mac rech ri u mac.

Ajilanic 9:7

xquibij c'u che ri Moises: “Uj ka chapom jun cäminak, rumal c'u ri' uj uxinak tz'il. ¿La ma ta c'u lo cäyataj chke chi quel kaya' ri sipanic chuwäch ri Ajawaxel pa ri k'ijol ri k'atom, junam cuc' ri niq'uiaj aj israelib chic?”

2 Corintios 2:15

Uj je ta ne ri c'oc'alaj ruxlab jun c'oc'al ri cuya' ri Crist chuwäch ri Dios; we uxlab ri' c'o chquixo'l ri winak ri quecolotajic xukuje' chquixo'l ri winak ri cäsach qui wäch.

Efesios 5:2

chiwuc'aj ri c'aslemal aj lok'ok'ebal c'uxaj, jas ri Crist xujulok'ok'ej. Xuya' ri u c'aslemal rumal kech, jacha' sipanic, tabal tok'ob cho ri Dios, are jun c'oc'alaj uxlab ri cäkaj chuwäch.

Filipenses 4:18

Ronojel c'o wuc', q'ui ri jastak we c'olic. Xinc'am ri xitak ulok rumal ri Epaprodit, c'o ronojel ri rajawaxic chwe ruc' u wi'. Ri xiya' chwe, are je ta ne jun c'oc'alaj c'oc'al sipam cho ri Dios, ri cäc'am rumal ri Dios ri cäkaj chuwäch.