Xubij c'u ri Moises che ri Josue: “Chebacha' bic jujun achijab, jät jatech'ojin cuc' ri aj amalesib. Are c'u ri in quinetac'al ulok c'ä puwi' ri juyub, quinwuc'aj ri ch'ämiy aj Dios pa nu k'ab.”
In quinkaj na bic quinch'aw c'u na awuc' chila', quinc'am c'u na niq'uiaj ri uxlabal ri c'o awuc' quinya' c'u na chque rech catquito' che u c'amic bic we tinimit ri'. Jeri' man xak ta a tuquiel catc'ojic.
E are' qui bi' wa' ri achijab ri xebutak bic ri Moises che retamaxic u wäch ri ulew. Ri Osey (u c'ojol ri Nun) xuq'uex ri u bi' xucoj c'u Josue che u bi'.
ri Pawl xuya' ri u k'ab paquiwi', te c'u ri' xpe ri Ruxlabal ri Dios paquiwi'. Xetzijon pa jule' tak ch'abal chic, xequik'axej tzij chque ri winak ri xya' chque rumal ri Dios.
Xinya' c'u we takanic ri' che ri Josue: ‘Cuc' ri e a bak'wäch awilom ronojel ri xuban ri Ajawaxel ri a Dios chque ri quieb ajawinel; junam cabana' na chque conojel ri ajawibal jawije' ri catoc'ow wi na.
Chabij che ri Josue jas ri rajawaxic cubano; chaya' u chuk'ab, chaya' chajin anima' che, are c'u cäc'amow na qui be ri tinimit, are cäjachow na ri ulew che quechbal ri cawila' na camic.’
Xubij chi c'u ri Ajawaxel che ri Moises: “Chatampe', nakaj chic c'o wi ri a cämical; chasiq'uij ba ri Josue, ix quieb chixoc pa ri Lic'om Rachoch Dios re rikoj ib rech quebenya' ri nu takanic che.” Ri Moises rachil ri Josue e quieb xeboc pa ri Lic'om Rachoch Dios re rikoj ib.
Ri Ajawaxel xuya' we takanic ri' che ri Josue, (ri u tat ri Josue are' ri Nun): “Chc'ol a chuk'ab xukuje' muban quieb a c'u'x, at c'ut catbanow na chi queboc ri aj israelib pa ri ulew ri nu bim chi quinya' chque, are c'u ri in quinc'oji' na pa a xcut.”
Are c'u ri Ajawaxel ri i Dios cänabej na chiwäch, conojel c'u ri nimak tak tinimit ri quebirik pa ri i be cusach na qui wäch, rech quiwechbej tak ri culew. Ri Josue are cänabej na chiwäch che c'amal i be, jas ri u bim ri Ajawaxel.
Ri Josue (u c'ojol ri Nun), xuc'am ri u no'j pa u k'ab ri Moises, ri Moises xuya' can ri u k'ab puwi' ri Josue; jeri' ri aj israelib xeniman che, je xquibano jas ri takanic ri u yo'm ri Ajawaxel che ri Moises.
Chatoc il che ri xsipax chawe rumal ri Dios. Are yo'm chawe rumal ri u tzij ri Dios ri xk'axex chawe aretak ri tatayib ri quetakan chque ri cojonelab xquiya' qui k'ab pawi'.
Aretak caya' ri a k'ab puwi' jun ri coc che c'amal qui be ri cojonelab, maban wa' xak ruc' aninakil. Maban awe ri mac ri cuban jun chic. Chabana' ronojel rech ch'ajch'oj ri a c'aslemal.
Amak'el cujniman na chawe, jacha' ri xkaban nabe xujniman che ri Moises. Xuwi wa' cakatz'onoj chi chatachilax rumal ri Ajawaxel ri a Dios jacha' ri xuban che rachilaxic ri Moises.
Ri ruxlabal ri Ajawaxel xpe puwi' ri Jepte, xubinibej c'u ri Galaad xukuje' ri Manases, xoc'ow pa Mizpa aj Galaad, xbe che u ch'äquic ri culew ri aj amonib.
Ri ruxlabal ri Ajawaxel xpe puwi' ri Otoniel, xuc'am c'u qui be ri aj israelib, xebe pa ri ch'o'j, ri Ajawaxel xuya' che chi xch'äcan puwi' ri Cusan-risataim.
Jun c'ut chque xubij: “In wilom chi jun chque ri u c'ojol ri Isayi, ri aj Belen, sibalaj reta'm cäk'ojomanic; xak c'u u tz'akat chic, chi jun cowilaj ajch'o'j, sibalaj cuchomaj na ri cubij; sibalaj je'lic ri u ca'yebal c'o c'ut ri u to'banic ri Ajawaxel ruc'.”