Ajilanic 27:13 - Quiché Bible

¹³ Aretak c'u ilitajinak chic awumal, catcäm na cärika c'u na awib cuc' ri e a mam, jacha' ri xuban ri awachalal Aaron,

Ajilanic 27:13 ပူးပေါင်းရင်းမြစ်များ

Chapletajic 25:17

Jun sient ruc' juwinak wuklajuj (137) u junab ri Ismael aretak xcämic, xurika' rib cuc' ri e u mam.

Chapletajic 25:8

xcäm c'u ri Abraham aretak sibalaj nim winak chic. Xurika' c'u rib cuc' ri e u mam.

Ajilanic 31:2

“Chatz'alk'omij awib chquij ri aj madianib, pa qui bi' ri aj israelib, chwi chi c'u wa' catecämok.”

Ajilanic 33:38

Rumal ri u takanic ri Ajawaxel, ri Aaron ri cojol tabal tok'ob xpaki' puwi' ri juyub Hor, chila' c'u xecäm wi chupam ri nabe k'ij rech ri ro' ic' re ri junab cawinak, chapom ulok rajilaxic pa ri k'ij ri xebel bic ri aj israelib pa Ejipt.

U Camulixic ri Pixab 1:37

U mac c'u iwech ix, ri Ajawaxel xpe royowal chwe in, xubij c'u chwe: ‘Xukuje' ri at man catoc ta pa ri ulew.

U Camulixic ri Pixab 10:6

(Ri aj israelib xebel bic pa Beerot-bene-jaacan, xebe pa Moser. Chila' xcäm wi ri Aaron, xmuk c'ut, are c'u ri Eleazar u c'ojol ri Aaron are' xcanaj che u q'uexel che cojol tabal tok'ob.

U Camulixic ri Pixab 31:14

Xubij chi c'u ri Ajawaxel che ri Moises: “Chatampe', nakaj chic c'o wi ri a cämical; chasiq'uij ba ri Josue, ix quieb chixoc pa ri Lic'om Rachoch Dios re rikoj ib rech quebenya' ri nu takanic che.” Ri Moises rachil ri Josue e quieb xeboc pa ri Lic'om Rachoch Dios re rikoj ib.

U Camulixic ri Pixab 31:16

Xubij c'u ri Ajawaxel che ri Moises: “Xa' pa quieb oxib k'ij catcäm na, we tinimit ri' cuchuwirisaj na rib cuc' ri qui diosib ri ulew ri man queta'm ta u wäch ri queboc na che rechbexic; quinquixutuj na canok, quinpaxij c'u na ri c'ulwächinic ri nu banom ruc'.

U Camulixic ri Pixab 32:50

Chila' c'ut catcäm wi canok, puwi' ri juyub ri catpaki' wi na, quebarika' na ri k'etz tak awachalaxic jas ri xuban ri Aaron ri xcäm puwi' ri juyub Hor, xeburika' c'u ri k'etz tak rachalaxic.

U Camulixic ri Pixab 4:22

Je c'u ri', pune' ri in quinecäm pa we ulew ri', man quink'ax ta c'u chupam ri nima' Jordan; ri ix c'ut quixk'ax na chupam, quiwechbej na ri utzalaj ulew.