Ajilanic 23:9 - Quiché Bible

⁹ Kas paquiwi' we nimalaj tak abaj ri' quincuinic quinwilo, kas paquiwi' we u tza'm tak juyub ri' quinwil wi: are jun tinimit ri man u yujum ta rib, ri man cäjunamataj ta cuc' ri jule' tak tinimit chic.

Ajilanic 23:9 ပူးပေါင်းရင်းမြစ်များ

Ri Esdras 9:2

Ri e are' xukuje' tak ri e qui c'ojol xec'uli' cuc' tak ri qui mia'l tak we winak ri'; rumal c'u rech wa', ri u tinimit ri Dios u quichon rib cuc' ri winak ri e re jun tinimit chic. Ri xenabej che u banic we mac ri' e are' ri c'amal tak be xukuje' ri k'atal tak tzij.”

Ri Ester 3:8

Xubij c'ut ri Aman che ri ajawinel Asuer: “Chquixo'l conojel tak ri tinimit ri u tz'akatil ri ajawibal la, c'o jun ri u tasom rib chquixo'l ri niq'uiaj chic; e c'o u pixab ri man e junam ta cuc' ri niq'uiaj tinimit chic, man c'u caquinimaj taj ri e u takanic ri ajawinel. Man takal ta che ri ajawinel chi we tinimit ri' cutakej jekelem chupam ri ajawibal la.

Elem 33:16

We c'u ri lal, man cujachilaj ta la bic, ¿jas ta c'u ri cäban che retamaxic chi ri tinimit la xukuje' ri in uj lok' chwäch la? Xuwi c'u we lal c'o kuc', ri tinimit la xukuje' ri in, cujk'alajinic chi man uj ta junam cuc' conojel ri niq'uiaj tinimit chic ri e c'o cho ri uwächulew.”

Ri Jeremiy 46:28

In, ri Ajawaxel quinjiquiba' u bixic: Maxe'j awib u tinimit ri Jacob, pataninel wech, rumal rech chi ri in in c'o awuc'. Quinsachisaj na qui wäch conojel ri nimak tak tinimit ri xatinjabuj chquixo'l. Are c'u ri at man quinsachisaj ta a wäch; xuwi catinjic' na jas ri rajawaxic chawe; man catinya' ta c'u can xak chi jeri' we ta mat quinc'äjisaj na a wäch.”

Ri Jeremiy 49:31

In, ri Ajawaxel quinya' takanic chque: ¡Chixwalijok, aj caldeyib chixch'ojin ruc' we tinimit ri' ri jekel pa utzil ri man c'o ta jas coc ta wi il, ri man e c'o ta tz'apibal u chi' mawi e u c'opibal xak c'u u tuquelam rib!

Ri Amos 9:9

Quenya' takanic chi ri rachoch ri Israel cäseyic jacha' ri caban che ri u seyic ri trico pa jun seyebal, man c'o ta c'u jun u bak'wäch trico cätzak ta pa ulew.

Ri Miquey 7:14

¡Ajawaxel, chajij la ri tinimit la, ri e chij la ri e ech la, ri e c'o qui tuquiel pa ri c'ache'laj, ri e sutital quij cumal wächinelalaj tak ulew! Chec'ama' la bic jacha' ri xban la chque pa ri ojer tak k'ij, pa tak ri echabal ri c'o pa Basan xukuje' pa Galaad.

2 Corintios 6:17

Rumal ri' xukuje' cubij ri Ajawaxel: “Chixel chquixo'l, chitasa' iwib chquij, minak jun jasach tz'il. Ri in c'ut quixinc'am na,

U Camulixic ri Pixab 32:8

C'o jumul ri aj chicajil xujach qui wäch ri e winak tak xukuje' xujach qui wäch ri e nimak tak tinimit xucoj c'u ri qui c'ulbatil ri e tinimit tak Man c'u xesach ta ri aj israelib pa u jolom,

U Camulixic ri Pixab 33:28

Ri Israel cajeki' na ruc' cu'bisan c'uxaj, ri e rija'lil quejeki' na pa jamaril. Pa ri rulew quec'oji' wi na qui kajebal tak trico xukuje' ticbal tak uva, mawi ta c'u jubik' ma ta cäkaj ulok ri jäb cho ri caj paquiwi'.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

1 Pedro 2:9

Ri ix c'ut ix winak ix cha'om, ix ajawinelab xukuje' ix cojol tabal tok'ob, ix winak tastalicalaj tinimit, ix rech ri Dios, rech quiya' u tzijoxic ronojel u wäch utzalaj tak jastak ri cuban ri Dios, ri xixusiq'uij ulok pa ri k'eku'm, xixuya' pa ri u sakil ri sibalaj mayibal.