Ajilanic 22:7 - Quiché Bible

⁷ Ri e qui nimak tak tatayib ri aj moabib xukuje' ri quech ri aj madianib xebec xquic'am bic puak pa qui k'ab che qui tojic tak ri c'okonic, aretak c'u xebopanic jawije' c'o wi ri Balaam xquiya' u bixic ri takquil che ri xutak u bixic ri Balac che.

Ajilanic 22:7 ပူးပေါင်းရင်းမြစ်များ

Ri Isaiy 1:23

Ri e a takanelab man e tal ta tzij, e junam qui wäch cuc' ri eläk'omab. Conojel cäquic'ayij quib rumal puak xukuje' cäquitzucuj chi c'o cäsipax chque. Man cäquiban ta tok'ob che ri minor, mawi c'o cubij qui c'u'x che u to'ic ri malca'n ixok.

Ri Isaiy 56:11

E wijab tak tz'i' ri mawi jubik' quenojic, e ajyuk'ab ri man c'o ta jas cäquich'obo chquijujunal are caquitzucuj ri kas qui be, xuwi caquitzucuj ri kas utz chque.

Ri Ezequiel 13:19

Ri ix rumal jutak muk' sebad xukuje' jutak ba' wa', qui wesaj nu q'uixbal chuwäch ri nu tinimit; qui cämisaj winak ri man ya'tal ta che cacämic, qui c'asba' c'u winak ri man ya'tal ta che cäc'asi'c. Je u subic wa' ri nu tinimit qui bano, ri cuya' u xiquin chque tak ri banoj tzij.

Ri Ezequiel 21:21

Ri rajawinel ri Babilon xuya' rib jawije' ri cätiquita wi ri quieb be cuch'ob ri taklebenic: quebuyuj ri ch'ab, cutz'onoj u no'j chque tak ri e u diosib, quebunic'oj qui seseb awaj.

Ri Miquey 3:11

Ri k'atal tak tzij rech ri tinimit caquiya' quib cäban u pa qui k'ab, ri e cojol tabal tok'ob xuwi quetijonic we quetojic are c'u ri e k'axal tzij quequic'ayij tak ri quequiya' u bixic caquicoj c'u pa qui tzij chi e takom rumal ri Ajawaxel, je c'u caquibij wa': “Ri Ajawaxel c'o kuc'; man c'o ta lawaloyil cakataklebej ta na.”

Ajilanic 22:8

Ri Balaam xubij chque: “Chixcanaj can waral pa we ak'ab ri', quintzelej c'u na u bixic chiwe jachique ri quinutak wi ri Ajawaxel.” Xecanaj c'u can ri nimak tak tatayib aj moabib ruc'.

Ajilanic 23:23

Man cätakan ta ri itzinic che ri Jacob; man cäk'ijin ta ri caquiban ri ajk'ijab che ri Israel: ‘¡Joropa' ri mayibal ri e u banom ri Dios awuc'!’

Ajilanic 24:1

Rumal c'u rech chi xril ri Balaam chi ri Ajawaxel utz che chi cätewichi'x ri Israel, man xbe ta chic che u c'amic ri cäc'ulmataj na ri cubij ta na ri Dios che, jacha' ri u banom quieb oxib mul, xane' xuya' u wäch che ri chaki'j uwo sak.

Romanos 16:18

Ri e je tak wa' man cäquipatanij ta ri Crist Ajawaxel, xane' cäquibano jas ri cäcaj ri e are'. Ruc' ch'uch'ujalaj tak tzij xukuje' je'lalaj tak tzij quequisub ri winak ri man c'o ta quetamabal.

Ri Tit 1:11

Rajawaxic chi cätz'apix ri u pa qui chi'. Quequitijoj ri winak che jastak ri man ya'tal taj xa' rech cäquich'äc puak rumal. Quequituquij jujun tak ja winak.

Ri Josue 13:22

Ri aj israelib xquicämisaj c'u ne ri ch'obonel Balaam, ri u c'ojol ri Beor, xukuje' e q'ui niq'uiaj chic.

2 Pedro 2:15

Qui yo'm c'u can ri suc'alaj be, e sachinak, qui takem ri u be ri Balaam u c'ojol ri Beor, ri xulok'ok'ej ri tojbal re ri u banic ri etzelal.

Ri Juds 1:11

¡C'ax que! rumal rech chi pa ri u be ri Cain e benak wi. E sachinak. Rumal ri u rayixic puak xquiban que jas ri sachinakil ri Balaam. Cäsach c'u qui wäch jas ri Core', ri xuc'ulelaj ri takanic, man xunimaj taj.