Ajilanic 22:6 - Quiché Bible

⁶ Tasaj ba' chanim chel a c'okoj we tinimit ri' che nu to'ic, sibalaj c'u c'o na u chuk'ab chkawäch uj. Craj ne ruc' wa' quincuin in che qui ch'äquic quebenwesaj ta c'u bic chupam ri ulew. In weta'm chi ri e a tewichi'nic xukuje' ri e a c'okonic amak'el je quebelic.”

Ajilanic 22:6 ပူးပေါင်းရင်းမြစ်များ

Chapletajic 12:3

Quebentewichi'j na ri catquitewichi'j, quebenc'okoj na ri catquic'okoj; conojel ri winak cho ri uwächulew cäquirik na tewichibal rumal awech.”

Chapletajic 27:29

Tinimit winak chatpatanin na; chi ri nimak tak tinimit chiquixucu' quib chawäch. Chattakan paquiwi' ri kas e awachalal; ¡cäquimej quib chawäch! Ri catquic'okoj na, quec'okotaj na, ri catquitewichi'j, quetewichitaj na.”

Nabe Ajawinelab 22:13

Ri tako'n ri xesiq'uin ulok ri Micaiy, xubij che wa': “Chnimalaj conojel ri e k'axal tzij, utz ri quiyo'm u bixic che ri ajawinel. Je c'u ri' catinbochi'j chi je chabij jacha' ri quibim ri e are' chaya' u bixic jun utzalaj jasach.”

Nabe Ajawinelab 22:6

Ri ajawinel re Israel xebumulij tak ri e k'axal tzij, cäraj ne e c'o quiejeb sient (400) xuc'ot c'u qui chi': “¿La ya'talic quinbe che u banic ch'o'j ruc' ri Ramot re Galaad o jayi'?” We winak ri' xquitzelej u bixic che: “Chech'ojin la ruc', cujach c'u na ri Ajawaxel pa k'ab la.”

Nabe Ajawinelab 22:8

Ri rajawinel ri Israel xutzelej u bixic che ri Josapat: “C'o chi na jun, ri cuya' cakata' che jas cubij ri Ajawaxel. Are' ri Micaiy (ri u tat ri Micaiy are' ri Imla). Quinwetzelaj c'u u wäch, rumal rech chi mawi jumul cuya' ta qui bixic utzalaj tak jastak chwe, xane' xak xuwi jastak ri man e utz taj.” Xubij c'ut ri Josapat che: “mabij we tzij ri'.”

Ri Nehemiy 13:2

(Rumal rech chi ri e are' man xebel ta ulok che qui c'ulaxic ri aj israelib man xquiya' ta c'u qui wa cuq'uia', xane' xquitoj ri Balaam chquij rech quebuc'okoj, xuq'uex c'u ne ri ka Dios ri c'okonic pa tewichi'nic.)

Salmib 109:28

Pune' ta ne quinquic'okoj, xuwi ta ne we quintewichi'j la. Chel qui q'uixbal ri e are' are' c'u ri pataninel ech la cäquicot na.

E C'ambal tak Tzij 26:2

Jacha' ri tz'unun sachinak o ri xipicar ri man c'o ta u soc, jeri' ri c'okonic ri man c'o ta rumal mawi jubik' copanic.

Ri Ezequiel 13:6

Ri qui c'utwächinic xa' e u cawäch xukuje' tak ri tzij ri quequik'axej xa' e banoj tzij. Caquibij chi in in bininak chque, man e nu takom ta, c'u bic. ¡Caqueyej c'ut chi quebetz'akat tak ri qui tzij ri e qui bim!

Ri Miquey 6:5

Nu tinimit, chnataj chawe camic ri e u chomanic tak ri Balac, ajawinel re Moab, xukuje' ri xutzelej u bixic ri Balaam che ri u c'ojol ri Beor. Chnataj chawe aretak xatoc'ow pa Sitim xatopan pa Jilgal, chebaya' qui k'ij ri e u ch'äcanic ri Ajawaxel.”

Ajilanic 22:12

Ri Dios xubij che ri Balaam: “Man catbe ta cuc' mawi mac'okoj we tinimit ri', we tinimit ri' nu tewichi'm.”

Ajilanic 22:17

In quinya' na ri sibalaj nimarisabal a k'ij, quinban c'u na ronojel ri chatz'onoj ta chwe; chatpet ba' chabana' ri tok'ob chwe che u c'okoxic we tinimit ri'.’ ”

Ajilanic 23:13

Xucoj c'u u chuk'ab ri Balac: “Tasaj wuc' pa jun c'olbal chic, kas jawije' xak xuwi catcuinic cawil wi ri u chi' ri u setelibal ri tinimit, man cawil ta c'u ri tinimit tz'akat chebac'okoj apan kas chila' quincha' chawe.”

Ajilanic 23:27

Xubij c'ut ri Balac che: “Tasaj, catinc'am chi c'u bic pa jun c'olbal chic. Craj ne man cäpe ta royowal ri Dios chi cac'okoj ri Israel kas chila'.”

Ajilanic 24:9

Aretak cacoti' che uxlanem, jeri' cäbantaj jun coj: man c'o ta jachin jun cuchajij ta anima' cuc'asuj. ¡Chtewichitaj ri cattewichinic, xukuje' chc'okotaj ri catc'okonic!”

Hechos 16:16

Xc'ulmataj c'u jumul chi uj benak pa jun c'olbal che u banic ch'awem ruc' Dios, xkarik kib ruc' jun ali ri c'o uxlabal re ch'obonic ruc'. Ri e rajaw cäquich'äc nimalaj puak chrij rumal ri u ch'obonic.

U Camulixic ri Pixab 23:4

rumal rech chi aretak xixk'ax pa ri culew, aretak ix elinak chi ulok pa Ejipt, man xquiya' ta i ja' mawi i wa; xane' are xquitoj ri Balaam (u c'ojol ri Beor), ri aj Petor ri c'o pa Mesopotam, che i c'okoxic.

Ri Josue 24:9

Are' chi c'u ri Balac, ri u c'ojol ri Zipor, ajawinel pa Moab, xpe che u banic ch'o'j iwuc'. Ri Balac xutak ri Balaam, u c'ojol ri Beor, rech qui xuc'okoj.

Nabe Samuel 17:43

xane' xubij che: “¿La xa pa u in jun tz'i', chi catpe che nu ch'ayic cuc' che'?” Xuc'okoj c'u ri David pa u bi' ri u dios.