Ajilanic 22:41 - Quiché Bible

⁴¹ Ak'ab chucab k'ij, ri Balac xutzucuj ri Balaam xuban c'u che chi capaki' puwi' ri Bamot-baal, kas chila' c'ut xcuin wi che rilic ri u setelibal ri qui kajebal ri aj israelib.

Ajilanic 22:41 ပူးပေါင်းရင်းမြစ်များ

Ucab Tzijobelil 11:15

Ri Jeroboam xebucha' ri kas e u cojol tabal tok'ob rech quepatanij chquipam ri quek'ijilax wi diosib xukuje' ri quek'ijilax wi itzel tak uxlabal xukuje' ri quek'ijilax wi ri alaj ama'ib tak wacax ri e u banom.

Ri Jeremiy 19:5

Quequiyac c'u ne xukuje' tak porobal che qui poroxic tak ri e qui c'ojol chetabal tok'ob ri cächajirisaxic che ri Baal, we jasach ri' man xintak ta u banic mawi xinbij chque, ri mawi ne xukuje' xoc'ow ta pa ri nu chomabal.

Ri Jeremiy 48:35

Ri Ajawaxel cujiquiba' u bixic: “In quinsachisaj na qui wäch ri winak ri e c'o pa Moab ri quepaki' paquiwi' tak ri juyub, che qui k'ijilaxic diosib, che qui chi'xic tabal tak tok'ob xukuje' c'oc' k'ol chque tak ri e qui diosib.”

Ajilanic 21:28

Kas pa Hesbon, ri u tinimit ri Sehon, xewalij wi ulok ri rak' jun c'atic, ri xesachow u wäch ri Ar re Moab xukuje' tak ri chicajil ri cätakan puwi' ri Arnon.

Ajilanic 22:40

jawije' ri xtakan wi ri Balac che qui pilic ati'tab tak wacax xukuje' ati'tab tak chij checoj c'u chuwäch ri Balaam xukuje' chquiwäch ri c'amal tak be ri e achilaninak.

Ajilanic 23:1

Xubij c'ut ri Balaam che: “Chebawoco' wukub porobal waral, chebacha' wukub c'ojol tak wacax xukuje' wukub ama'ib tak chij.”

Ajilanic 23:13

Xucoj c'u u chuk'ab ri Balac: “Tasaj wuc' pa jun c'olbal chic, kas jawije' xak xuwi catcuinic cawil wi ri u chi' ri u setelibal ri tinimit, man cawil ta c'u ri tinimit tz'akat chebac'okoj apan kas chila' quincha' chawe.”

U Camulixic ri Pixab 12:2

Kas tz'akat qui sachisaxic qui wäch conojel tak ri c'olbal ri quequik'ijilaj wi diosib, ri tinimit ri quixbe che qui ch'äquic: pa tak ri juyub, paquiwi' ri alaj tak juyub xukuje' chquixe' tak ri che' ri k'eku'm qui xak.