Ajilanic 22:12 - Quiché Bible

¹² Ri Dios xubij che ri Balaam: “Man catbe ta cuc' mawi mac'okoj we tinimit ri', we tinimit ri' nu tewichi'm.”

Ajilanic 22:12 ပူးပေါင်းရင်းမြစ်များ

Chapletajic 12:2

Quinban na jun nim tinimit ri nim u k'ij chque ri e awija'lil; catintewichi'j na xukuje' quinnimarisaj na a k'ij, catux c'u na jun tewichibal chque niq'uiaj chic.

Ucab Tzijobelil 31:10

are c'u ri qui nimal e cojol tabal tok'ob ri Azariy, rija'lil ri Sadoc, xutzelej u bixic che: “Kas aretak xchaplex u c'amic ulok ri cuchuj pa ri rachoch ri Ajawaxel, c'o sibalaj cakatijo sibalaj c'u ne q'ui ri to'tajinak; conojel we jutak mulaj ri' e are wa' ri e to'tajinak, rumal rech chi ri Ajawaxel u tewichi'm ri u tinimit.”

Salmib 144:15

¡Utz rech ri tinimit ri e c'o ronojel wa' ruc'! ¡Utz rech ri tinimit ri are' u Dios ri Ajawaxel!

Salmib 146:5

Sibalaj utz rech ri cuc'am ri u to'banic ri u Dios ri Jacob, ri queyem che ri Ajawaxel ri u Dios.

Ri Isaiy 61:9

Ri e u k'ab tak cachalaxic quebux na nimak qui k'ij chquixo'l ri nimak tak tinimit conojel ri queilowic caquich'ob na chi e jun tinimit ri e tewichim rumal ri Ajawaxel.

Ri Miquey 6:5

Nu tinimit, chnataj chawe camic ri e u chomanic tak ri Balac, ajawinel re Moab, xukuje' ri xutzelej u bixic ri Balaam che ri u c'ojol ri Beor. Chnataj chawe aretak xatoc'ow pa Sitim xatopan pa Jilgal, chebaya' qui k'ij ri e u ch'äcanic ri Ajawaxel.”

Ajilanic 22:11

chi jun tinimit elinak ulok pa Ejipt u liq'uiq'uem c'u rib pa ronojel ri ulew. Ri Balac are craj chi quinbextax che qui c'okoxic, rech carilo we cacuin che qui ch'äquic queresaj ta c'u bic chupam ri rulew.”

Ajilanic 22:13

Chucab k'ij xwalij ri Balaam xubij chque ri c'amal tak be ri xebutak ulok ri Balac: “Chixtzelej pa ri iwulew. Ri Ajawaxel man cuya' ta chwe chi quinbe ta iwuc'.”

Ajilanic 22:6

Tasaj ba' chanim chel a c'okoj we tinimit ri' che nu to'ic, sibalaj c'u c'o na u chuk'ab chkawäch uj. Craj ne ruc' wa' quincuin in che qui ch'äquic quebenwesaj ta c'u bic chupam ri ulew. In weta'm chi ri e a tewichi'nic xukuje' ri e a c'okonic amak'el je quebelic.”

Ajilanic 23:23

Man cätakan ta ri itzinic che ri Jacob; man cäk'ijin ta ri caquiban ri ajk'ijab che ri Israel: ‘¡Joropa' ri mayibal ri e u banom ri Dios awuc'!’

Ajilanic 23:3

Xubij c'u ri Balaam che ri Balac: “Chatcanaj can ruc' ri tabal tok'ob, quinbe c'u na che rilic we cäpe ri Ajawaxel che u rikic rib wuc'. Quinbij c'u chawe jachique ri cuya' retamaxic chwe.”

Ajilanic 23:8

¿Jas ta c'u, cäban che u c'okoxic ri man cuc'okoj ta ri Dios? ¿Jas cäban che u rayixic ri etzelal we ri Ajawaxel man cuban taj?

Ajilanic 24:9

Aretak cacoti' che uxlanem, jeri' cäbantaj jun coj: man c'o ta jachin jun cuchajij ta anima' cuc'asuj. ¡Chtewichitaj ri cattewichinic, xukuje' chc'okotaj ri catc'okonic!”

Ri Matey 27:19

Aretak ri Pilat t'uyul puwi' ri tem jawije' cuk'at wi tzij, ri rixokil xtakan bic ruc' che u bixic che: “C'o jas maban che we suc'alaj achi ri'. Q'uialaj c'ax c'ut xinrik pa ichic' mier rumal rech ri are.”

Romanos 11:29

Ri Dios man c'u q'uex ta u c'u'x chi u cha'om jun xukuje' u tewichi'm ri winak, man cuq'uex ta ri u chomanic.

Efesios 1:3

Ka k'ijilaj ri Dios ri u Tat ri Kajaw Jesucrist, chupam c'ut ri ka junaxic ruc' ri Crist uj u tewichi'm pa ri caj cuc' tak conojel qui wäch tak tewichibal e aj uxlabal.

U Camulixic ri Pixab 2:7

Ri Ajawaxel ri i Dios ix u tewichi'm pa ronojel ri i banom, cawinak junab c'ut c'olinak iwuc'. Ix u chajin pa ronojel ri i binem pa we nimalaj chaki'j uwo sak ri', man c'o ta c'u xajwataj chiwe.

U Camulixic ri Pixab 23:5

Are c'u ri Ajawaxel ri i Dios man xuya' ta u tzij che ri xubij ri Balaam, xane' xuq'uex ri u c'okonic pa tewichibal chiwe, rumal rech chi quixulok'ok'ej.

U Camulixic ri Pixab 28:6

at c'u tewichital pa ronojel ri cabano.

U Camulixic ri Pixab 33:29

Utz awech at Israel, ¿Jachin ta ri cujunamaj rib awuc'? Kas are' ri Ajawaxel at to'tajisanic; are' catc'uxlanic, catuto' c'ut, ¡are' ri a ch'ich' re ch'o'j ch'äcanel! Ri e a c'ulel cäquijach na quib pa ak'ab, ri at caxak'alej na ri nimal ri quec'amowic.”

U Camulixic ri Pixab 7:14

Ri ix sibalaj quixtewichi'x na chquiwäch conojel tak ri tinimit; man c'o ta jun ixok chixo'l ri ma ta calc'ualanic, mawi jun achi ri ma ta calc'ualanic, mawi e c'o ama'ib chquixo'l ri iwawaj ri ma ta quebalc'ualanic mawi ati'tab ri ma ta quebalanic.