Ajilanic 21:34 - Quiché Bible

³⁴ Ri Ajawaxel xubij c'u che ri Moises: “Maxe'j awib, ri in quinjach pa a k'ab, junam cuc' conojel ri rajch'ojab xukuje' ri rulew, ri at caban c'u na che junam jas ri xaban che ri Sehon, ri cajawinel ri aj amoreyib ri xjeki' can pa Hesbon.”

Ajilanic 21:34 ပူးပေါင်းရင်းမြစ်များ

Ucab Samuel 5:19

Rumal ri', ri David xuta' u no'j che ri Ajawaxel, xubij c'u che: “¿La quincuin che qui ch'äquic ri e aj pilisteyib we quinbe chquij? ¿La cäya' la chwe chi quinch'äcan paquiwi'?” Xutzelej u bixic ri Ajawaxel che, xubij: “Je', chatch'ojin cuc', quinya' c'u na ri ch'äcanic chawe paquiwi'.”

Nabe Ajawinelab 20:13

Xopan c'u jun k'axal tzij ruc' ri Acab, rajawinel ri Israel, xubij che: “Ri Ajawaxel u bim: ‘Pune quebawil we tinimit c'ulel ri', in quebenjach na pa a k'ab camic, rech cawetamaj chi in ri' ri Ajawaxel.’ ”

Nabe Ajawinelab 20:28

Xopan c'ut jun k'axal tzij ruc' ri ajawinel re Israel, xubij c'u che: “Jewa' cubij ri Ajawaxel: ‘Rumal rech chi qui bim ri aj siriyab chi ri in in jun dios quech ri c'ache'laj, chi ri in man in jun dios taj c'ut quech ri beya', quebenjach we q'uialaj winak ri' pa a k'ab. Jeri' cawetamaj na chi in ri' ri Ajawaxel.’ ”

Ucab Ajawinelab 3:18

Xa' c'u jun ch'utinalaj c'utbal wa' che ri cacuin ri Ajawaxel che u banic, quebujach c'u ne na ri aj Moab pa i k'ab,

Ri Isaiy 41:13

Rumal rech chi ri in, ri Ajawaxel ri a Dios at nu yukem che ri a k'ab; in nu bim chawe: ‘Man caxe'j ta awib, in catinto'.’ ”

Ajilanic 14:9

Mixc'ulelan c'u che ri Ajawaxel, mawi mixe'j iwib chquiwäch ri winak re ri ulew ri', rumal rech chi we winak ri' quebux na ka wa; we winak ri' man c'o ta jachin ta queto'wic, are c'u ri uj c'o ri Ajawaxel kuc'. ¡Mixe'j iwib!”

Ajilanic 32:4

ri u ch'äcom ri Ajawaxel che ri tinimit re Israel, e ulew ri e yuk'bal tak wacax, e c'o c'ut qui wacax ri e pataninel tak awech.

U Camulixic ri Pixab 2:30

Are c'u ri ajawinel Sehon man xraj ta chi cujoc'ow pa ri rulew, rumal rech chi ri Ajawaxel ri i Dios ix, xubano chi cuk'il rib che ri koc'owem, rech cujach pa i k'ab ix, c'ä jacha' c'u ne ri u banom camic.

U Camulixic ri Pixab 20:3

cubij chque: ‘Chitampe', aj israelib, camic quitij i chuk'ab cuc' ri i c'ulel. Muban quieb i c'u'x, mawi mixe'j iwib; mixbirbitic, mawi mäsach i c'u'x;

U Camulixic ri Pixab 3:1

“Xkatakej chi c'u jun be xujbe pa Basan, are c'u ri Og ri ajawinel re Basan xel ulok chkij e rachil ri e rajch'ojab che u banic ch'o'j kuc' pa Edrey.

U Camulixic ri Pixab 3:11

(Ri ajawinel Og xuwi chi c'u wa' canajinak can chque ri aj repaitab, ri u ch'at re ch'ich' job bara' u rabic, quieb bara' ruc' jun k'abaj u wäch, ri c'ä cuya' quilitaj camic pa ri tinimit aj amorey re Raba.)”

U Camulixic ri Pixab 31:6

Chc'ol i chuk'ab xukuje' co chixc'olok; mixe'j iwib maoc xibriquil iwuc', aretak quixch'ojin cuc', c'o c'u ri Ajawaxel ri i Dios iwuc', man quixutzak ta c'u canok mawi quixuxutuj canok.”

U Camulixic ri Pixab 7:17

Craj ne cuya' rib pa i jolom quibij: ‘We nimak tak tinimit ri' sibalaj quebuchuw na chkawäch uj; ¿jas ta ri cäkaban che quesaxic bic?’

U Camulixic ri Pixab 7:18

Mixe'j ba iwib chquiwäch. Chenataj chiwe ri xuban ri Ajawaxel ri i Dios ruc' ri ajawinel re Ejipt xukuje' ri xuban chque conojel ri aj ejiptib;

U Camulixic ri Pixab 7:21

Mixe'j ba iwib chquiwäch, ri Ajawaxel ri i Dios ri nimalaj Dios ri xukuje' mayibal c'o iwuc'.

U Camulixic ri Pixab 7:24

Ri e cajawinelab quebujach na pa i k'ab, ix c'ut quiban na chi man c'o ta chi jun cho ri uwächulew ri quenatan ta chic. Man c'o ta c'u jun chque cäcuinic cutac'aba' ta rib che u banic ch'o'j iwuc', quisach c'u na qui wäch conojel.

Ri Josue 10:25

xubij c'u ri Josue chque: “Man quixe'j ta iwib mawi maquieblaj i c'u'x; xa ne, chi chajij anima' co chixc'olok, je c'u xukuje' cuban na ri Ajawaxel cuc' conojel tak ri e i c'ulel.”

Ri Josue 10:8

are' c'u ri Ajawaxel xubij che: “Maxe'j awib, quebenjach na pa a k'ab, man c'o ta jun chque ri cacuin ta che a ch'äquic.”

Ri Josue 8:7

Quixel c'u ulok ix pa ri c'ubal iwib qui majij c'u na ri tinimit, are' c'ut ri Ajawaxel ri i Dios cujach na pa i k'ab.

K'atal tak Tzij 11:30

Ri Jepte xuban we chi'nic ri' che ri Ajawaxel: “We cäya' la chwe chi quinch'äcan paquiwi' ri aj amonib,

Nabe Samuel 23:4

Ri David xutz'onoj chi u no'j che ri Ajawaxel. Ri Ajawaxel xutzelej u bixic che: “Chatakej a be jät pa Keil, quebenjach na ri aj pilisteyib pa k'ab.”