Ajilanic 18:7 - Quiché Bible

⁷ xak xuwi c'u ri at xukuje' tak ri e a c'ojol cuya' cäquiban ri chac re ri u cojic ri tabal tok'ob jas ri rajawaxic u banic puwi' ri porobal o ri queban chrij ri ch'ukubal. We patanijic ri' rajawaxic are wa' ri rajawaxic u banic iwumal, in c'ut in jachowinak ri chac pa i k'ab re ri u cojic ri tabal tok'ob we c'o jachin jun capatanijic jacha' cojol tabal tok'ob, ri man cojol tabal tok'ob taj, cac'okox na che cämical.”

Ajilanic 18:7 ပူးပေါင်းရင်းမြစ်များ

Salmib 115:10

Cojol tak tabal tok'ob, ¡chicu'ba' i c'u'x chrij ri Ajawaxel! Are' cujto'wic xukuje' cujuch'uku.

Elem 28:1

“Chasiq'uij ri Aaron ri awachalal e rachilam ri e u c'ojol ri Nadab, ri Abiu, ri Eleazar, xukuje' ri Itamar, chebawesaj ulok chquixo'l ri aj israelib, rech queboc che cojol tabal tok'ob chnuwäch.

Elem 29:9

Utz u cojic ri u pas ri Aaron cabano xukuje' ri qui pas ri e u c'ojol, utz caban che u cojic ri pisbal jolomaj chqui jolom. Je caban wa' che u ya'ic ri takanic pa qui k'ab, xukuje' ri qui chac re cojol tabal tok'ob cäcanaj c'u can che jun pixab re chbe k'ij sak.

Ri Ezequiel 44:15

“Ri e cojol tabal tok'ob ri e aj levitib ri e rija'lil ulok ri Sadoc, ri xquitakej patanijic pa ri wachoch aretak ri aj israelib xquitas tak quib chque tak ri nu be, je, cuya' quekeb chnuwäch che nu patanixic. Ri e are' quecuinic quekeb chnuwäch che u chi'xic ri xepo xukuje' ri qui quiq'uel ri tabal tak tok'ob. In, ri Ajawaxel, quinyo'w we takanic ri'.

Ri Ezequiel 44:16

Xukuje' cuya' queboc pa ri wachoch quekeb c'u che ri nu porobal che nu patanixic, pa qui k'ab c'u cäcanaj wi ri patanijic ri cäban chwe.

Ri Ezequiel 44:8

Man e qui tz'akatisam ta c'ut ri tastalicalaj tak nu nak'atisabal, xane' e qui yo'm pa qui k'ab winak ri man e qui winakil taj.’

Aj Levitib 16:2

Ri Ajawaxel xubij che ri Moises: “Chabij che ri Aaron ri awachalal chi man xak ta apachique k'ijol coc chupam ri k'ijilabal ri c'o chrij ri ch'ukubal, mawi chuwäch ri tz'apibal ri c'o puwi' ri caxa', rech man cäcäm taj, quinc'ut c'u na wib pa jun sutz' puwi' ri tz'apibal.

Aj Levitib 7:35

Are wa' ri cärechbej ri Aaron xukuje' ri cäquechbej ri e rija'lil, ri quesax chque tak ri sipanic ri queporox chuwäch ri Ajawaxel, cachapletaj bic pa ri k'ij aretak quetas che cojol tabal tok'ob chuwäch ri Ajawaxel,

Ajilanic 1:51

Aretak c'u cajwataj u k'axexic, e are' queturuwic xukuje' e are' quewocowic aretak quekaj pa tak ri c'olbal. Ronojel winak ri man ya'tal ta chque quekeb che ri k'ijilabal, cac'okox na che cämical.

Ajilanic 16:40

Jun c'utbal wa' chque ri aj israelib chi man c'o ta jun, ri ma ta e are' ri e rija'lil ri Aaron, cuya' cakeb ta ruc' ri porobal che u chi'xic c'oc' k'ol che ri Ajawaxel; we c'u man jewa' cubano, je cuc'ulmaj na jas ri xuc'ulmaj ri Core xukuje' tak ri xerachilaj. Ronojel c'ut xbanic je jas ri takanic ri xuya' ri Ajawaxel che ri Eleazar rumal ri Moises.

Ajilanic 18:20

Ri Ajawaxel xubij che ri Aaron: “At man cac'oji' ta awulew mawi tak e wechbal pa Israel, jacha' ri niq'uiaj aj israelib chic. In ri in awechbal xukuje' quinux awech pa Israel.

Ajilanic 18:3

Ri e are' e c'o che ri a patanixic xukuje' che u patanixic ri Lic'om Rachoch Dios, man c'u quenakajin ta chque tak ri chaconisan rech ri k'ijilabal mawi che ri porobal; we c'u man je caquibano, quecäm na ri e are' xukuje' c'u ri ix.

Ajilanic 3:10

chajacha' can ri u cojic ri tabal tok'ob pa u k'ab ri Aaron xukuje' pa qui k'ab ri e rija'lil. We c'o jachin jun cäpatanijic jacha' jun cojol tabal tok'ob ri man are ta u chac, cac'okox na che cämical.”

Ajilanic 3:38

Pa ri elebal k'ij, chuwäch ri k'ijilabal churawäch ri Lic'om Rachoch Dios re rikoj ib, quekaj wi ri Moises ri Aaron xukuje' ri e u c'ojol ri Aaron, e are' c'u quechajin ri k'ijilabal che qui q'uexwäch ri aj israelib. We c'o jachin jun cäpatanijic jacha' jun cojol tabal tok'ob ri man cojol ta tabal tok'ob, cäc'okox che cämical.

Ri Matey 10:8

Chebicunaj yawabib, chebic'astajisaj cäminakib, chebicunaj ri c'o ch'a'c chquij, rech quebux ch'ajch'oj, chebiwesaj itzel tak uxlabal. Man c'o ta xiya' che ri xic'amo; chiya' c'u chque ri winak, man c'o ta jas quitok'ij chque.

Ri Xuan 3:27

Ri Xuan xubij chque: “Man cäcuin ta jun winak c'o cuc'amo, we ta ma ta cäyataj che chicaj.

Efesios 3:8

In ri man nim ta nu banic chuwäch ri man nim ta u banic chquixo'l ri e aj u tinimit ri Dios, are' c'ut ri are' yowinak we nimarisabal ib ri' chwe chi quinya' u tzijoxic chque ri man aj judeyib taj ri utzalaj tzijol che qui k'alajisaxic tak ri e u k'inomal ri Crist ri man e ch'obel taj.

U Camulixic ri Pixab 18:2

Man c'o ta echbal cäquic'amo jacha' ri niq'uiaj qui winakil chic, are c'u quechbal ri Ajawaxel jacha' ri u bim.

Hebreos 5:4

Man c'o ta jun ri xak ta pa re wi coc ta pa we chac ri' ri nim u k'ij, xane' are coc ri cäsiq'uix rumal ri Dios, jas ri Aaron.

Ri Josue 18:7

Chque ri aj levitib man c'o ta jun ch'akap caya' ta chque, ri ya'tajinak chque are', are' ri u chac ri cojol tabal tok'ob chuwäch ri Ajawaxel. E are' c'ut ri ramak' ri Gad ri ramak' ri Ruben xukuje' ri pa niq'uiaj ramak' ri Manases, c'o chic ri quechbal pa ri ulew ri c'o pa ri elebal k'ij che ri nima' Jordan ri xuya' ri Moises chque, ri pataninel rech ri Ajawaxel.”

1 Pedro 5:2

Chebiyuk'uj ri jumulaj chij re ri Dios ri c'o chixo'l. Chichajij man xa' ta rumal rech chi quixch'ij che u banic, xane' chichajij ruc' ronojel iwanima' jas ri cubij ri Dios. Mitzucuj q'uixbalalaj ch'äcoj, xane' chichajij ri jumulaj chij ruc' jun utzalaj iwanima'.

1 Pedro 5:3

Miban chque je ta ne c'o i takanic paquiwi', xane' chixux jun c'utbal chquiwäch ri chij, rech ri e are' cäquiban que jas ri quiban ix.

Nabe Samuel 2:28

Xebencha' c'u chquixo'l conojel ri camak' ri aj Israel rech quebux na e nu cojol tabal tok'ob, rech quequichi'j tabal tak tok'ob ri quechajirisaxic puwi' ri nu porobal, xukuje' quequiporoj c'u na c'oc' k'ol, caquicoj ri catz'iak ri nim u k'ij chnuwäch. Xinya' c'u xukuje' chque ri e i mam conojel tak ri sipanic ri quequiporoj tak ri aj israelib che u ya'ic u k'ij ri Ajawaxel.