Ajilanic 18:5 - Quiché Bible

⁵ ix ri' ri ix ajekomal che ri u patanixic ri k'ijilabal xukuje' ri porobal. Jeri' man cäpe ta chi na woyowal cuc' ri aj israelib.

Ajilanic 18:5 ပူးပေါင်းရင်းမြစ်များ

Nabe Tzijobelil 23:24

E are' tak wa' ri rija'lil ri Levi, je jas ri qui cholajil ri rachalaxic, ri xetz'ibax tak ulok qui bi' pa ri ajilanic e jacha' c'amal tak qui be ri achalaxic, ri jutak winak qui junab capakic, ri latz'obinak qui wäch che ri patanijic chupam ri rachoch Dios.

Nabe Tzijobelil 23:32

Xukuje' jachom pa qui k'ab ri u chajixic ri Lic'om Rachoch Dios re rikoj ib ruc' ri Dios xukuje' ri k'ijilabal, quepatanij chupam ri rachoch Dios junam cuc' ri cachalal ri junam camak', ri e rija'lil ri Aaron.

Nabe Tzijobelil 24:5

Ri chac xejach rumal taklebenic tak chquixo'l conojel, chquixo'l c'ut ri e rija'lil ri Eleazar xukuje' chquixo'l ri e rija'lil ri Itamar e co tastalic tak pataninelab, pataninelab chuwäch ri Dios.

Nabe Tzijobelil 9:19

Ri Salum, u c'ojol ri Core, u c'ojol ri Ebiasap, u c'ojol ri Core, xukuje' tak ri rachalaxic ri e aj coretib, e are' tak wa' ri e cojom che u chajixic ri oquibal chupam ri k'ijilabal, jacha' ri e qui banom ulok ri e qui mam xquichajij canok ri oquibal pa ri u kajebal ri Ajawaxel.

Nabe Tzijobelil 9:23

Ri e are' e jacha' ri e qui c'ojol caquiq'uexela' tak quib che u chajixic ri oquibal chupam ri rachoch ri Ajawaxel, ri u bixic wa' ri k'ijilabal.

Nabe Tzijobelil 9:33

E c'o xukuje' bixonelab, c'amal tak qui be ri jujun tak ja winak aj levi ri e jekel pa tak ri ja ri e c'o pa tak u xcut ri rachoch Dios, man cuya' taj cäquiban jule' tak chac chic, rumal rech chipak'ij chi chak'ab latz' qui wäch e c'o chupam ri qui patanijic.

Elem 27:21

Ri Aaron e rachilam ri e u c'ojol e are' quesuc'uman ri yabal k'ak' rech quenicow jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chunakaj ri caxa re ri c'ulwächinic. Jun pixab wa' ri cäcanaj chque ri aj israelib xukuje' chque ri e quija'lil.”

Ri Jeremiy 23:15

Rumal ri' in, ri Ajawaxel ri c'o ronojel u cuinem, quinbij wa' we c'ax ri' ri caquikajbej tak na ri e k'axal tzij: Quenya' na jun c'ayilaj jasach chque pa tijic; quenya' na cuq'uia' ri c'o cämisabal chupam, rumal rech chi chque ri e k'axal tzij pa Jerusalen u lic'om rib ri etzelal pa ronojel ri ulew.”

Ri Ezequiel 44:15

“Ri e cojol tabal tok'ob ri e aj levitib ri e rija'lil ulok ri Sadoc, ri xquitakej patanijic pa ri wachoch aretak ri aj israelib xquitas tak quib chque tak ri nu be, je, cuya' quekeb chnuwäch che nu patanixic. Ri e are' quecuinic quekeb chnuwäch che u chi'xic ri xepo xukuje' ri qui quiq'uel ri tabal tak tok'ob. In, ri Ajawaxel, quinyo'w we takanic ri'.

Ri Ezequiel 44:16

Xukuje' cuya' queboc pa ri wachoch quekeb c'u che ri nu porobal che nu patanixic, pa qui k'ab c'u cäcanaj wi ri patanijic ri cäban chwe.

Aj Levitib 10:6

Xubij c'u ri Moises che ri Aaron, e rachil ri e u c'ojol ri Eleazar xukuje' ri Itamar: ri e u c'ojol ri Aaron: “Miquiyiba' ri i wi', mawi mebijis ri iwatz'iak che u c'utic ri i bis, mixecäm c'u ne, mäkaj ri royowal ri Ajawaxel paquiwi' ri aj israelib. Ri cuya' caquibisoj are ri cachalal ri cachalaxic quib, conojel ri aj israelib, chi ri Ajawaxel xuban na we c'atic ri'.

Aj Levitib 24:3

Ri Aaron are quekle'n ri qui suc'umaxic, rech quenicow ronojel ri jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chuxcut ri caxa' re ri c'ulwächinic. Are jun pixab wa' ri cajeki'c ri caquiban ri tataxelab xukuje' alc'ualaxelab.

Ri Zacariy 10:3

Rumal ri' cubij ri Ajawaxel: “Ri nu c'anal nicowinak chquij tak ri ajyuk'ab, quinc'äjisaj c'u na qui wäch ri e c'amal tak u be ri nu tinimit.” Ri Ajawaxel ri c'o ronojel u cuinem, quebuchajij ri e u jumulaj, chque ri e rija'lil ri Juda, cubana' na cowilaj u quiej chque, pa ri ch'o'j.

Ajilanic 1:50

Ri aj levitib rajawaxic e are' quebacojo rech quepatanij chupam ri k'ijilabal rech ri c'ulwächinic, e are' ri quek'axen ri k'ijilabal e rachil tak ri e u chaconisan, xukuje' ronojel ri cajwataj che ri u patanixic. Xukuje' rajawaxic chi chrij ri k'ijilabal quekaj wi.

Ajilanic 1:53

E are' c'u tak ri aj levitib, chrij ri k'ijilabal re ri c'ulwächinic quekaj wi, e are' c'u quechajinic, rech man cäpe ta royowal ri Ajawaxel chquij ri aj israelib.”

Ajilanic 16:46

xubij c'ut ri Moises che ri Aaron: “Chac'ama' ulok ri a bukibal, chaya' ri rachak k'ak' chupam ri c'o puwi' ri porobal chaya' c'u c'oc' k'ol chupam; jät c'u chanim jawije' c'o wi ri tinimit chatz'onoj c'u sachbal macaj che ri Dios paquiwi', nicowinak c'ut ri royowal ri Ajawaxel, ri cämisanel yabil chaptajinak.”

Ajilanic 18:4

Rajawaxic catcachilaj che ri patanijic chupam ri Lic'om Rachoch Dios re rikoj ib xukuje' conojel ri patanijic ri cachil tak quib. Man c'o ta c'u jun apachique winak cäkeb ta iwuc';

Ajilanic 4:18

“Miya' c'olbal chi ri e u k'ab rachalaxic ri Coat cäsach ta qui wäch chquixo'l ri aj levitib.

Ajilanic 8:19

In xebencha' ri aj levitib chquixo'l ri niq'uiaj aj israelib chic, xebenjach che ri Aaron xukuje' chque ri e u c'ojol, rech pa ri qui bi' ri aj israelib queboc che ri patanijic chupam ri Lic'om Rachoch Dios re rikoj ib, quirika' c'ut ri sachbal macaj ri cuya' ri Ajawaxel chque ri aj israelib. Jeri' ri aj israelib man rajawaxic ta chque quenakajin che ri k'ijilabal, man c'o ta c'u caquic'ulmaj na.”

Ajilanic 8:2

“Chabij che ri Aaron chi, aretak quebucolomaj tak ri cätzij wi ri kak', chubana' chi che tunun chuwäch ri tzuc'ulibal.”

1 Timoteo 1:18

Nu c'ojol Timotey, quinjach we takanic ri' pa a k'ab, rech cacoj a chuk'ab che ri utzalaj ch'o'j, jas ri bim ulok chawij cumal ri xquik'axej ri u tzij ri Dios chke.

1 Timoteo 3:15

we ne quinbeytajic, rech cawetamaj jas caban pa ri rachoch ri Dios, are wa' ri e u comon cojonelab ri c'aslic Dios, ri rakan ja xukuje' ri to'bal re ri kastzij.

1 Timoteo 5:21

Catinbochi'j chuwäch ri Dios, chuwäch ri Ajawaxel Jesucrist xukuje' chquiwäch ri tako'n aj caj ri e cha'talic, chi chatakej we jastak ri', maban c'u jalan tak wächaj maya' c'u u k'ij jachin jun.

1 Timoteo 6:20

Timotey, chachajij ri yo'm pa a k'ab. Maya' qui k'ij ri tz'ilalaj tak tzijonic ri man c'o ta qui patan. Maya' qui k'ij tak ri tijonic ri man je taj jas ri caya' at, ri xak cäbix che chi utzalaj no'j.