Ajilanic 18:3 - Quiché Bible

³ Ri e are' e c'o che ri a patanixic xukuje' che u patanixic ri Lic'om Rachoch Dios, man c'u quenakajin ta chque tak ri chaconisan rech ri k'ijilabal mawi che ri porobal; we c'u man je caquibano, quecäm na ri e are' xukuje' c'u ri ix.

Ajilanic 18:3 ပူးပေါင်းရင်းမြစ်များ

Ri Ezequiel 44:13

Man ya'tal ta chi chque chi quec'oji' pa ri nu patanijic jacha' e cojol tabal tok'ob mawi quekeb ta chque ri tastalicalaj tak jastak wech, mawi ta c'u ne cäyataj ta chque chi quekeb ta chque ri jastak ri sibalaj e tastal na. Caquekaj na ri qui q'uixbal cumal quech ri jastak ri sibalaj itzel quebenwil wi ri e qui banom.

Ajilanic 1:51

Aretak c'u cajwataj u k'axexic, e are' queturuwic xukuje' e are' quewocowic aretak quekaj pa tak ri c'olbal. Ronojel winak ri man ya'tal ta chque quekeb che ri k'ijilabal, cac'okox na che cämical.

Ajilanic 1:53

E are' c'u tak ri aj levitib, chrij ri k'ijilabal re ri c'ulwächinic quekaj wi, e are' c'u quechajinic, rech man cäpe ta royowal ri Ajawaxel chquij ri aj israelib.”

Ajilanic 16:40

Jun c'utbal wa' chque ri aj israelib chi man c'o ta jun, ri ma ta e are' ri e rija'lil ri Aaron, cuya' cakeb ta ruc' ri porobal che u chi'xic c'oc' k'ol che ri Ajawaxel; we c'u man jewa' cubano, je cuc'ulmaj na jas ri xuc'ulmaj ri Core xukuje' tak ri xerachilaj. Ronojel c'ut xbanic je jas ri takanic ri xuya' ri Ajawaxel che ri Eleazar rumal ri Moises.

Ajilanic 18:4

Rajawaxic catcachilaj che ri patanijic chupam ri Lic'om Rachoch Dios re rikoj ib xukuje' conojel ri patanijic ri cachil tak quib. Man c'o ta c'u jun apachique winak cäkeb ta iwuc';

Ajilanic 18:7

xak xuwi c'u ri at xukuje' tak ri e a c'ojol cuya' cäquiban ri chac re ri u cojic ri tabal tok'ob jas ri rajawaxic u banic puwi' ri porobal o ri queban chrij ri ch'ukubal. We patanijic ri' rajawaxic are wa' ri rajawaxic u banic iwumal, in c'ut in jachowinak ri chac pa i k'ab re ri u cojic ri tabal tok'ob we c'o jachin jun capatanijic jacha' cojol tabal tok'ob, ri man cojol tabal tok'ob taj, cac'okox na che cämical.”

Ajilanic 3:25

Chupam ri Lic'om Rachoch Dios re rikoj ib e are' e ekleninak ri e rilixic ri k'ijilabal, re ri Lic'om Rachoch Dios, ri ch'ukubal tak u wi' re tz'um, re ri k'atibal ri c'o chuchi' ri oquibal chupam ri Lic'om Rachoch Dios,

Ajilanic 3:31

We u k'ab achalaxic tak ri' e are' ri queilin ri caxa re ri c'ulwächinic, ri mexa, ri tzuc'ulibal, ri e tak porobal, ri tastalicalaj tak jastak ri quebajwataj che ri patanijic re k'ijilanic, ri ch'ukubal xukuje' conojel ri chaconisan ri quebajwatajic.

Ajilanic 3:36

Pa qui k'ab ri e u c'ojol ri Merar xecanaj wi ri quilixic tak ri tz'alam re ri k'ijilabal, xukuje' tak ri e u balul, ri e tak rakan ri e tak u tac'alibal xukuje' conojel tak ri e u chaconisan,

Ajilanic 31:30

Ri pa niq'uiaj ri xya' chque ri niq'uiaj aj israelib chic, ri winak, ri wacax tak, xukuje' tak ri chij, o chque conojel ri awaj, cawesaj jun chque ri cawinak lajuj (50) quebaya' c'u chque ri aj levitib ri quebanow ri patanijic chupam ri quink'ijilax wi.”

Ajilanic 4:15

Aretak ri Aaron e rachil tak ri e u c'ojol qui q'uisom chic qui pisic conojel ri tastalicalaj tak jastak, e suc'umatal chi c'ut che u takexic ri qui be, cuya' quepe ri e rija'lil ri Coat che qui telexic bic tak we jastak ri'. Mäquinak c'u jun tastalicalaj jasach ruc' ri qui k'ab, rech man quecäm taj. Conojel c'ut we jastak ri' ri e rech ri Lic'om Rachoch Dios re rikoj ib e are' tak wa' ri rajawaxic quequitelej bic ri e rija'lil ri Coat.