Ajilanic 18:23 - Quiché Bible

²³ Ri aj levitib xak xuwi ri e are' ri quepatanij na chupam ri Lic'om Rachoch Dios re rikoj ib, e are' c'u quekajaben na ri etzelal ri chequibana'. Are jun pixab wa' ri cajeki' na canok. Ri caquiban ri tataxelab xukuje' ri c'ojolaxelab. Ri aj levitib man cac'oji' ta kas culew pa Israel.

Ajilanic 18:23 ပူးပေါင်းရင်းမြစ်များ

Elem 27:21

Ri Aaron e rachilam ri e u c'ojol e are' quesuc'uman ri yabal k'ak' rech quenicow jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chunakaj ri caxa re ri c'ulwächinic. Jun pixab wa' ri cäcanaj chque ri aj israelib xukuje' chque ri e quija'lil.”

Ri Ezequiel 44:10

Ri e aj levitib, ri xenajtin chwe aretak ri aj israelib xquitas quib chque tak ri nu be xinquiya' c'u canok che qui k'ijilaxic tak ri diosib, rajawaxic caquitoj na tak ri macaj ri xequibano.

Ajilanic 18:1

Ri Ajawaxel xubij che ri Aaron: “At xukuje' ri e a c'ojol, junam cuc' ri niq'uiaj chi e u tz'akatil ri ramak' ri Levi, ri c'o catux chque, ix quixeklen tak na ri sachinakil ri queban che ri k'ijilabal; xuwi c'u ri at xukuje' ri e a c'ojol quixeklen tak na ri sachinakil ri quebiban ix chquipam tak ri e i patanijic aretak quebicoj ri tabal tok'ob.

Ajilanic 18:20

Ri Ajawaxel xubij che ri Aaron: “At man cac'oji' ta awulew mawi tak e wechbal pa Israel, jacha' ri niq'uiaj aj israelib chic. In ri in awechbal xukuje' quinux awech pa Israel.

Ajilanic 19:21

Are jun pixab wa' ri man cayubquen taj. Jachin ri cuchicoj jun chic ruc' ri ja' re ch'ajch'ojirisanic, rajawaxic cuch'aj ri ratz'iak. Ri cächapow ri ja' re ri ch'ajch'ojirisanic, cacanoj can tz'il c'ä benak k'ij.

Ajilanic 26:62

Ri achijab chnimalaj conojel ri e rija'lil ri Levi, ri jujun tak qui q'uil cäpakic, e juwinak oxib mil (23,000). Ri e are' man e ajilam ta cuc' ri niq'uiaj aj israelib chic, rumal rech chi ri e are' man yo'm ta jun quechbal.

Ajilanic 3:7

Quec'oji' c'u che u patanixic ri Aaron xukuje' ronojel ri tinimit, chuwäch ri Lic'om Rachoch Dios re rikoj ib, pa qui k'ab c'u cacanaj wi ri patanijic chupam ri k'ijilabal.

Ajilanic 35:29

We e chomanic tak ri' e jun pixab wa' chiwe ri quek'ax cuc' ri tataxelab quebopan c'u cuc' ri c'ojolaxelab, apawije' ta ne ri quixjeki' wi.”

U Camulixic ri Pixab 10:9

Rumal ri' ri aj Levi man xebajilax ta ri e are' junam cuc' ri aj israelib ri e cachalal, mawi yo'm quechbal, are c'u quechbal ri Ajawaxel, jacha' ri xuya' u bixic ri Ajawaxel.)

Ri Josue 13:14

Che ri ramak' ri Levi man e c'o ta echbal xuya' ri Moises chque, ri quechbal e are' ri tabal tak tok'ob ri queporox che u ya'ic u k'ij ri Ajawaxel xukuje' u Dios ri Israel, kas are' c'u ne bininak canok.