Ajilanic 18:13 - Quiché Bible

¹³ Junam xukuje' ri nabe tak wächinic ri cuya' ri ulew ri quequichi'j chwe, quecanaj chawe. Apachique winak re ri aj u pa wachoch ri u ch'ajch'ojirisam rib cuya' quebutijo.

Ajilanic 18:13 ပူးပေါင်းရင်းမြစ်များ

Ucab Ajawinelab 4:42

Xopan c'ut jun achi aj Baal-salis xebuya' juwinak caxlanwa re sebad che ri Elisey ri c'ä te' relic ulok pa jorno, xukuje' ruc'am ulok jubik' trico iq'uel chupam jun c'olbal. Xubij c'ut ri Elisey che ri u pataninel: “Chaya' chque ri winak rech quewa'ic.”

Ucab Tzijobelil 31:5

Aretak c'u xjabun ri takanic, ri aj israelib xquiya' ruc' ronojel canima' ri sibalaj utz na che ri trico ri qui walijisam, ri u wa'l uva, ri caseit, ri juyubal räx cab xukuje' ronojel wächinic ri cuya' ri ulew. Xukuje' xquic'am ulok ri u lajujil ronojel ri cäquich'äco, man ruc' ta q'ueq'uenic.

Elem 22:29

Mabey awib che qui c'amic ulok ri a sipanic re ronojel ri a tico'n xukuje' re ronojel ri a uva. Ri a c'ojol ri nabeal caya' na chwe,

Elem 23:19

E are' ri nabe tak u wächinic ri awulew ri e je'l na, chebac'ama' bic pa ri rachoch ri Ajawaxel. Mebatzac alaj tak q'uisic' chupam ri u tu' ri u nan.”

Elem 34:26

Rajawaxic quebic'am bic ri nabe utzalaj tak qui wächinic ri e iwulew pa ri rachoch ri Ajawaxel. Mebitzac ri alaj tak q'uisic' chupam ri u leche ri qui nan.”

Ri Jeremiy 24:2

Jun chque e c'o higo chupam ri sibalaj e utz, ri nabe quechak'ajic, are chi c'u ri jun e c'o higo chupam ri sibalaj man e utz taj, sibalaj man e utz taj ri man cuya' taj quetijic.

Ri Ezequiel 44:30

Ri e cojol tabal tok'ob caquic'am na xukuje' ri nabe utzalaj tak qui wächinic tak ri ulew xukuje' conojel tak ri sipanic ri quebelyokok. Aretak c'u ri ix quisuc'umaj ri k'or che ri wa, ri sibalaj utz na are cäya' chque. Jeri' ri nu tewichibal cajeki' na paquiwi' tak ri iwachoch.

Ri Osey 9:10

Je wa' xubij ri Ajawaxel: “Aretak xinrik ri Israel, xinquicotic jacha' ri quebuban ri queburik uva chupam ri chaki'j uwo sak. Ri e i mam xebux tak che ri nu bak'wäch e jacha' ri nabe tak higo. Aretak c'u xebopan pa Baal-peor xquijach quib che qui patanixic ri e subunelab tak diosib, xquiban c'u quib chi xebux xawebal e jacha' ri diosib ri quequilok'ok'ej.

Aj Levitib 22:7

Cäjosk'itaj c'ut aretak cäkaj ri k'ij; cuya' chic cutij rech chque ri jastak ri tastalic, are c'u tzukbal re wa'.

Aj Levitib 23:17

Quic'am c'u na ulok cho tak iwachoch cacab caxlanwa re c'oc'alaj c'äj ri e chak'ajisam ri yo'm ch'am cuc' re belejeb libra c'äj chquijujunal, jacha' sipanic ri nim u banic quech ri nabe tak wächinic che ri Ajawaxel.

Ri Miquey 7:1

¡Tok'ob nu wäch! In jacha' banal pich'ol aretak cäyactaj ri u wäch ulew, man quenrik ta chi uva mawi higo, we wächinic tak ri' ri are ta quinwaj quebentijo.

U Camulixic ri Pixab 18:4

Xukuje' ya'tal chque ri nabe tak trico, ri nabe tak u wa'l uva, ri nabe tak aseit, xukuje' ri nabe quismal ri chij ri cäsocaxic;

U Camulixic ri Pixab 26:2

quebac'am ri nabe tak qui wächinic ri tico'n ri cuya' ri ulew chawe, quebaya' pa jun chicäch quebac'am bic pa ri c'olbal ri u cha'om ri Ajawaxel che u jekelibal ri u bi'.