Ajilanic 18:12 - Quiché Bible

¹² Xukuje' quebenya' ri nabe tak wächinic ri quequic'am ulok ri aj israelib chwe chujunab: ri aseit ri utz na ri u wa'l uva, xukuje' ri re ri trico.

Ajilanic 18:12 ပူးပေါင်းရင်းမြစ်များ

Chapletajic 27:28

Chuya' ri Dios chawe ri jäb re ri caj, ri utzalaj tak u wächinic ri telechi'm trico xukuje' telechi'm u wa'l uva.

Ucab Ajawinelab 4:42

Xopan c'ut jun achi aj Baal-salis xebuya' juwinak caxlanwa re sebad che ri Elisey ri c'ä te' relic ulok pa jorno, xukuje' ruc'am ulok jubik' trico iq'uel chupam jun c'olbal. Xubij c'ut ri Elisey che ri u pataninel: “Chaya' chque ri winak rech quewa'ic.”

Ucab Tzijobelil 31:5

Aretak c'u xjabun ri takanic, ri aj israelib xquiya' ruc' ronojel canima' ri sibalaj utz na che ri trico ri qui walijisam, ri u wa'l uva, ri caseit, ri juyubal räx cab xukuje' ronojel wächinic ri cuya' ri ulew. Xukuje' xquic'am ulok ri u lajujil ronojel ri cäquich'äco, man ruc' ta q'ueq'uenic.

Salmib 147:14

Ri are' cuc'am ulok ri jamaril chupam ri awulew, xukuje' catutzuk ruc' ri trico ri sibalaj utz na.

Salmib 81:16

Ri Dios xutzuk ri u tinimit ruc' ri utzalaj trico, xresaj ri u chaki'j chi' ruc' ri juyubal räx cab.

Elem 22:29

Mabey awib che qui c'amic ulok ri a sipanic re ronojel ri a tico'n xukuje' re ronojel ri a uva. Ri a c'ojol ri nabeal caya' na chwe,

Elem 23:19

E are' ri nabe tak u wächinic ri awulew ri e je'l na, chebac'ama' bic pa ri rachoch ri Ajawaxel. Mebatzac alaj tak q'uisic' chupam ri u tu' ri u nan.”

Elem 34:26

Rajawaxic quebic'am bic ri nabe utzalaj tak qui wächinic ri e iwulew pa ri rachoch ri Ajawaxel. Mebitzac ri alaj tak q'uisic' chupam ri u leche ri qui nan.”

Ri Ezequiel 44:30

Ri e cojol tabal tok'ob caquic'am na xukuje' ri nabe utzalaj tak qui wächinic tak ri ulew xukuje' conojel tak ri sipanic ri quebelyokok. Aretak c'u ri ix quisuc'umaj ri k'or che ri wa, ri sibalaj utz na are cäya' chque. Jeri' ri nu tewichibal cajeki' na paquiwi' tak ri iwachoch.

Aj Levitib 2:12

Cuya' quic'am ulok ri ch'am ri juyubal räx cab che ri Ajawaxel jacha' che sipanic che ri nabe tak wächinic, man c'u quebichi'j ta puwi' ri porobal jacha' che c'oc'al ri cac'oc'atic.

Aj Levitib 2:14

We caya' jun sipanic che ri Ajawaxel quech c'äj quech ri nabe tak u wächinic ri awulew, rajawaxic e u jolom tak trico ri e chaki'j chic q'uilim puwi' ri k'ak' ri xukuje' e c'ac' u jolom tak trico k'ichom ri awesam che ri nabe tak u wächinic ri awulew.

Aj Levitib 23:17

Quic'am c'u na ulok cho tak iwachoch cacab caxlanwa re c'oc'alaj c'äj ri e chak'ajisam ri yo'm ch'am cuc' re belejeb libra c'äj chquijujunal, jacha' sipanic ri nim u banic quech ri nabe tak wächinic che ri Ajawaxel.

Aj Levitib 23:20

Ri cojol tabal tok'ob quebuchi'j ri awaj jacha' che sipanic ri nim u banic chuwäch ri Ajawaxel, cärachilaj ri caxlanwa que ri nabe tak wächinic xukuje' ri quieb alaj ama'ib tak chij. Quetas che u k'ijilaxic ri Ajawaxel, quecanaj c'u che ri cojol tabal tok'ob.

U Camulixic ri Pixab 18:3

Ri ya'tal chque ri cojol tabal tok'ob chi cäquic'am can chque ri wacax o ri chij ri quelquiya' ri winak che tabal tok'ob, are wa': ri e uwo rachak, ri qui cacate', ri ti'j chquipam.

U Camulixic ri Pixab 18:4

Xukuje' ya'tal chque ri nabe tak trico, ri nabe tak u wa'l uva, ri nabe tak aseit, xukuje' ri nabe quismal ri chij ri cäsocaxic;

U Camulixic ri Pixab 26:2

quebac'am ri nabe tak qui wächinic ri tico'n ri cuya' ri ulew chawe, quebaya' pa jun chicäch quebac'am bic pa ri c'olbal ri u cha'om ri Ajawaxel che u jekelibal ri u bi'.

U Camulixic ri Pixab 32:14

xya' qui leche cumal ri qui wacax xukuje' xya' qui quexu, xequitij ri alaj ama'ib tak chij ri e chomak na, ama'ib tak chij re Basan xukuje' ama'ib tak q'uisic'; xquiwe'j ri trico ri sibalaj utz na, xcuq'uiaj c'u u wa'l uva, ri u quiq'uel ri uva.