Ajilanic 17:8 - Quiché Bible

⁸ chucab c'u k'ij, aretak xbe pa ri Lic'om Rachoch Dios, xrilo chi ri u ch'amiy ri Aaron, ri rech ri ramak' ri Levi, tuxirinak: e q'uiyinak tak ri u tux, cotz'ijaninak, e c'o c'u tak almendr chuwäch ri e chak'.

Ajilanic 17:8 ပူးပေါင်းရင်းမြစ်များ

Chapletajic 40:10

Ri e c'o oxib u k'ab, xetuxic xquiya' qui cotz'ijal, ri e qui cotz'ijal xebux jutak tzayaj chak' tak qui wäch.

Salmib 110:2

Kas puwi' ri Sion, ri Ajawaxel cujach wi ulok ri bara' pa k'ab la, che u q'uexwäch ri cuinem la; ¡chätakan ba la paquiwi' ri qui banom qui c'ulel che la!

Bixonic Tak 2:3

“Ri quinlok'ok'ej uxinak, chquixo'l tak ri achijab, jacha' ri u che'al mansa'n chquixo'l tak ri che' ri e c'o pa ri c'ache'laj. ¡Man c'o ta c'o wi aretak xint'uyi' chuxe' ri u mujal! ¡Sibalaj qui' xinna' ri u wächinic!

Ri Isaiy 4:2

Pa ri k'ij ri, ri tuxaj ri cuq'uiyisaj na ri Ajawaxel, cux na wikbal xukuje' juluwem chque ri quec'asi' na can pa Israel ri e wächinic ri quiquiq'uiyisaj ri ulew, are nimarisabal quib, are nimarisabal qui k'ij.

Ri Ezequiel 17:24

Conojel c'ut ri che' ri e c'o pa tak ri c'ache'laj cäquetamaj na chi in ri' ri Ajawaxel. In quint'akij ri juwi' che' ri cuban nimal, quiban c'ut chi are caq'uiy ri alaj juwi' che'. In quinchaki'jarisaj ri räxalaj juwi' che' quinräxarisaj c'ut ri chaki'jalaj juwi' che'. In ri Ajawaxel nu bim, quintz'akatisaj c'ut ri quinbij.’ ”

Ri Ezequiel 19:12

Xbok c'ut, ruc' nimalaj oyowal xbujix c'u cho ri ulew. Ri quiakik' ri cäpe pa elebal k'ij xchak'ijirisanic xepulpub tak c'ut ri uva; xechaki'jar c'ut ri cowilaj tak u k'ab xeq'uiak c'u pa ri k'ak'.

Ri Ezequiel 19:14

Chque tak ri u k'ab quel ulok jun k'ak' ri quebumatz'irisaj tak ri u tux xukuje' tak ri u wächinic. Man e c'o ta chi cowilaj tak u k'ab ri quebux ta qui ch'imiy tak ri ajawinelab.’ ” (Jun bix wa' re mukunajic, chcoj c'ut jacha' jun bix re mukunajic.)

Ajilanic 16:5

xubij c'u che ri Core xukuje' chque ri e teren chrij: “Chwek ak'abil ri Ajawaxel cuk'alajisaj na jachin ri rech xukuje' jachin ri u tasom rib che, cacuin c'ut quebujach tak ri sipanic chuwäch. Xuwi cacuinic quebujach tak ri sipanic chuwäch jachin ri cacha' rumal.

Ajilanic 17:5

Quinbana' chi cätux ri u ch'amiy ri nu cha'om, je c'u ri' ri aj israelib man cäquitakej ta chi na i yok'ic chnuwäch in.”

Ajilanic 17:9

Are c'u ri Moises xeresaj ulok conojel ri ch'amiy chuwäch ri Ajawaxel xuc'ut c'u chquiwäch ri aj israelib, aretak e qui nic'om chic, chquijujunal xequimajila' ri qui ch'amiy.

Hebreos 9:4

Chila' xc'oji' wi jun porobal coc'al re k'an puak, xukuje' ri u caxa ri c'ulwächinic. Ri u caxa ri c'ulwächinic ronojel ch'ukutal rij che k'an puak. Chupam c'u wa' xc'oji' wi jun tzima re k'an puak ri xc'oji' wi ri jaswa', ri u ch'imiy ri Aaron ri xtuxic, xukuje' ri tz'alam tak abaj ri tz'ibam wi ri c'ulwächinic.