Ajilanic 17:10 - Quiché Bible

¹⁰ Xubij c'ut ri Ajawaxel che ri Moises: “Chatzelej ri u ch'amiy ri Aaron chuwäch ri caxa rech ri c'ulwächinic, chac'olo' c'u chi' jacha' che jun c'utbal che we tinimit ri' ri man cacaj ta ch'abexic. Jeri' caban na chi caquitanaba' na nu yok'ic chawäch, man c'u quecäm ta na.”

Ajilanic 17:10 ပူးပေါင်းရင်းမြစ်များ

Salmib 57:4

In liq'uin, cho ri ulew, chquixo'l tak coj ri e tijol tak winak; ri qui ware junam cuc' ri tz'imaj ch'ich' xukuje' tak ri ch'ab, ri cak' junam ruc' jun ch'ich' re ch'o'j ri banom u pa u chi'.

Elem 16:32

Xubij c'u ri Moises chque: “Are wa' ri takanic ri u yo'm ri Ajawaxel. ‘Chinojisaj jun pajbal re quieb tzima (2 litro) che jaswa', chic'olo' che u c'utic chquiwäch ri e u wi' tak i mam, rech caquetamaj u wäch ri wa ri xintzukbej iwe pa ri chaki'j uwo sak aretak xixinwesaj ulok pa Ejipt.’ ”

Elem 16:34

Ri Aaron je xubano jas ri takanic ri xuya' ri Ajawaxel che ri Moises, ri Aaron xuya' ri t'uy chuwäch ri caxa ri c'o wi ri c'ulwächinic rech cac'ol chupam.

Ri Isaiy 1:2

Caj xukuje' ulew, chitampe' ri cubij ri Ajawaxel: “Xebenq'uiyisaj alc'ualxelab c'ä xenimar na, xa c'u xquiyac quib chwij.

Ri Osey 10:9

Cacha' ri Ajawaxel: “Ri Israel man u tanabam ta macunic c'ä aretak xuchaplej ulok u banic pa Gabaa. ¡Jekel pa ri u mac! Rumal ri', ri ch'o'j cäkaj na paquiwi' ri e itzel tak winak ri' aj Gabaa.

Ajilanic 14:5

Ri Moises xukuje' ri Aaron xquimej quib c'ä xquiya' na ri qui palaj cho ri ulew chuwäch ronojel ri tinimit,

Ajilanic 16:21

“¡Chixel chuxo'l we tinimit ri', quebensachisaj c'u u wäch pa jok'otaj!”

Ajilanic 16:38

Ri e qui bukibal tak we achijab ri e cäminak rumal rech ri mac ri qui banom, e tastajinak canok rumal rech chi xecoj che u ya'ic c'oc' k'ol chnuwäch. Chibana' ba' ripirak tak ch'ich' che we ch'ich' ri', che u ch'ukic rij ri porobal, c'utbal c'u wa' ri chcanaj chque ri aj israelib.”

Ajilanic 16:40

Jun c'utbal wa' chque ri aj israelib chi man c'o ta jun, ri ma ta e are' ri e rija'lil ri Aaron, cuya' cakeb ta ruc' ri porobal che u chi'xic c'oc' k'ol che ri Ajawaxel; we c'u man jewa' cubano, je cuc'ulmaj na jas ri xuc'ulmaj ri Core xukuje' tak ri xerachilaj. Ronojel c'ut xbanic je jas ri takanic ri xuya' ri Ajawaxel che ri Eleazar rumal ri Moises.

Ajilanic 17:11

Ri Moises ronojel xubano je jacha' ri xtak wi rumal ri Ajawaxel,

Ajilanic 17:4

Quebaya' chupam ri Lic'om Rachoch Dios re rikoj ib, chuwäch ri caxa re ri c'ulwächinic, chila' c'ut ri quinrik wi wib iwuc'.

Ajilanic 17:9

Are c'u ri Moises xeresaj ulok conojel ri ch'amiy chuwäch ri Ajawaxel xuc'ut c'u chquiwäch ri aj israelib, aretak e qui nic'om chic, chquijujunal xequimajila' ri qui ch'amiy.

Ajilanic 20:9

Ri Moises xuc'am ri ch'amiy ri c'o chuwäch ri Ajawaxel, je jas ri takanic ri xya' che rumal;

Ajilanic 4:18

“Miya' c'olbal chi ri e u k'ab rachalaxic ri Coat cäsach ta qui wäch chquixo'l ri aj levitib.

1 Corintios 10:10

Mawi mixch'ach'atic, jacha' jujun chque xech'ach'atic, rumal ri' xecämisax rumal ri tako'n ajcämisanel.

Efesios 5:6

C'o jun mixsubuw ruc' tak tzij ri man c'o ta qui patan. Cumal c'u we jastak ri' cäpe ri royowal ri Dios paquiwi' ri man queniman taj.

U Camulixic ri Pixab 9:24

¡Kas aretak wetamam ulok i wäch, ri ix ix c'ulelaninak ulok che ri Ajawaxel!

U Camulixic ri Pixab 9:7

“Mawi jubik' mäsach pa i jolom chi i c'ulelam ulok ri Ajawaxel ri i Dios pa ri chaki'j uwo sak. Kas aretak xixel ulok pa Ejipt c'ä ix ulinak waral, amak'el ix uxinak man nimanelab ta che.

Hebreos 9:4

Chila' xc'oji' wi jun porobal coc'al re k'an puak, xukuje' ri u caxa ri c'ulwächinic. Ri u caxa ri c'ulwächinic ronojel ch'ukutal rij che k'an puak. Chupam c'u wa' xc'oji' wi jun tzima re k'an puak ri xc'oji' wi ri jaswa', ri u ch'imiy ri Aaron ri xtuxic, xukuje' ri tz'alam tak abaj ri tz'ibam wi ri c'ulwächinic.

Nabe Samuel 2:12

Ri e u c'ojol ri Eli e itzel tak achijab, man nim ta c'u cäquil wi ri Ajawaxel

Nabe Samuel 30:22

Jujun chque ri rachijab, ri e itzel tak winak xukuje' e banal tak etzelal, xek'ilonic xquibij c'ut chi jachin tak ri man xebe ta cuc' c'o maya' chque ri jastak ri e qui c'amom ulok, xuwi ri quixokil xukuje' ri calc'ual, xuwi c'u wa' che qui c'ama' bic chetzelejok.