Ajilanic 16:4 - Quiché Bible

⁴ Ri Moises, aretak xuta' wa' xumej rib c'ä xuya' na ri u palaj cho ri ulew,

Ajilanic 16:4 ပူးပေါင်းရင်းမြစ်များ

Ri Ezequiel 9:8

Aretak c'ut cätajin quecämisanic, ri in xincanaj nu tuquiel. Xinmej c'u wib c'ä xinya' na ri nu palaj cho ri ulew, in nojinak c'u che c'axc'obic xinrak nu chi', xinbij: “Ajawaxel, ¿La cäkasaj ri oyowal la puwi' ri Jerusalen c'a cäsachisaj na la u wäch ri jubik' ri canajinak chque ri aj israelib?”

Ajilanic 14:5

Ri Moises xukuje' ri Aaron xquimej quib c'ä xquiya' na ri qui palaj cho ri ulew chuwäch ronojel ri tinimit,

Ajilanic 16:22

Are c'u ri e are', xquimej quib xquiya' ri qui palaj c'ä cho ri ulew, je xquibij wa': “Oh Dios, lal ri caya' la ri qui c'aslemal conojel ri winak, ¿la cäpe oyowal la che ronojel ri tinimit u mac rech ri u mac xa jun winak?”

Ajilanic 16:45

“¡Chixel chquixo'l we winak ri', xa c'u pa jok'otaj quinsachisaj na qui wäch!” Ri Moises xukuje' ri Aaron xquimej quib c'ä xquiya' na ri qui palaj cho ri ulew,

Ajilanic 16:5

xubij c'u che ri Core xukuje' chque ri e teren chrij: “Chwek ak'abil ri Ajawaxel cuk'alajisaj na jachin ri rech xukuje' jachin ri u tasom rib che, cacuin c'ut quebujach tak ri sipanic chuwäch. Xuwi cacuinic quebujach tak ri sipanic chuwäch jachin ri cacha' rumal.

Ajilanic 20:6

Ri Moises xukuje' ri Aaron xenajtin che ri tinimit xebe chuchi' ri oquibal chupam ri Lic'om Rachoch Dios re rikoj ib, chila' c'u xquimej wi quib c'ä xquiya' na ri qui palaj cho ri ulew. Are c'u ri u juluwem ri Ajawaxel xuc'ut rib chquiwäch,

Ri Josue 7:6

Ri Josue xukuje' ri e nimak tak tatayib aj Israel xequijis tak ri catz'iak xquiya' ulew pa tak qui jolom che u c'utic ri c'axc'ol; xquimej c'u quib chuwäch ri u caxa ri Ajawaxel xquiya' ri qui palaj cho ri ulew, c'ä xpe na ri xk'ekal.