Ajilanic 14:8 - Quiché Bible

⁸ We ri Ajawaxel cutok'obisaj ka wäch, cujuto' na che oquem chupam we ulew ri' cuya' c'u na chke. Are jun ulew ri cäbelel wi ri leche xukuje' juyubal räx cab jacha' ri ja'.

Ajilanic 14:8 ပူးပေါင်းရင်းမြစ်များ

Ucab Samuel 22:20

Xinresaj pa qui k'ab; ¡xinuto'tajisaj rumal rech chi in lok' chuwäch!

Nabe Ajawinelab 10:9

¡Tewichital ba' ri Ajawaxel ri Dios la, ri xkaj la chuwäch xujach c'ut ri ajawibal re Israel che la! ¡Rumal ri nimalaj u lok'obal c'u'x ri Ajawaxel ri c'o ruc' amak'el che ri Israel, u banom ajawinel che la rech cak'atan la tzij ruc' colomal xukuje' suq'uilal!”

Ucab Ajawinelab 18:32

C'äte c'u quixinc'am na bic pa jun ulew ri cajunamataj ruc' ri iwech ix, jun ulew ri cäwächin wi trico xukuje' tak uva, che u banic caxlanwa xukuje' u wa'l uva, jun ulew ri caq'uiy wi ri aseitun ri cuya' aseit ri xukuje' c'o wi u juyubal räx cab. Quiwoc'owisaj c'u na jun utzalaj c'aslemal man c'u quixcäm ta na. Miya' c'u i xiquin che ri cubij ri Ezequiy chiwe, xa' c'u subunic ri cubano aretak cubij chiwe chi are' ri Ajawaxel cäyo'w na ri ch'äcanic chiwe.

Salmib 22:8

je c'u caquibij wa': “Wa' xucu'ba' u c'u'x chrij ri Ajawaxel, chto'tajisax c'u rumal ri Ajawaxel. Sibalaj c'u lok' chuwäch, chto'tajisax c'u rumal.”

Elem 3:8

Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.

Ri Isaiy 62:4

Man catbinax ta chi na: “wonobam”, mawi cäbix chi na che ri awulew: “Etzeletajinak”, xane' ri a bi' ri cäbix na are: “Catkaj chnuwäch”, are c'u ri aj awulew wixokil. At c'ut ri catkaj chuwäch ri Ajawaxel, are c'u ri are cux na jacha' jun achajil che ri awulew.

Ri Jeremiy 32:41

In quinquicot na che u banic utzil chque, ruc' c'u ronojel wanima' xukuje' ruc' ronojel jicomal quinban na chque chi quejeki' chupam we ulew ri'.”

Ri Soponiy 3:17

Ri Ajawaxel ri a Dios c'o pa a niq'uiajil; ¡Ri are c'o ronojel u cuinem, catuto'tajisaj c'u na! Ri Ajawaxel caquicot na chawe. Rumal ri u lok'ok'ebal c'uxaj cuya' na c'ac' a c'aslemal; chupam ri u quicotemal cabixon na

Ajilanic 13:27

Xquibij che ri Moises: “Xujbe pa ri ulew ri xujatak wi bic. Kastzij are jun ulew jawije' ri cäbelel wi ri leche xukuje' juyubal räx cab jacha' ri ja', e are tak wächinic wa' ri cuya'.

Ajilanic 16:14

At man uj a c'amom ta bic chupam jun ulew jawije' cabelel ta wi ri leche xukuje' juyubal räx cab jacha' ri ja', mawi e a yo'm ta kulew mawi ticbal tak uva chke. ¿La are c'u cawaj chi conojel caquiya' ta quib quec'am bic e jacha' ta ne moyab? Jayi' man cujbe ta che awilic.”

Romanos 8:31

¿Jas c'u cäkabij che wa'? We c'o ri Dios kuc', ¿jachin ta ri cujc'ulelanic?

U Camulixic ri Pixab 10:15

Ri Ajawaxel xuwi c'u ne e utz xeril ri e i mam xebulok'ok'ej c'ut, c'äte chi c'u xebucha' ri e quija'lil, ix c'u ri', chquixo'l conojel ri niq'uiaj tinimit chic, je jas ri cuya' quil camic.

Ri Josue 14:12

Rumal ri' quintz'onoj chawe chi chaya' chwe camic ri c'ache'laj ulew ri xuchi'j ri Ajawaxel chwe. Ri at aweta'm ulok chi ri e rija'l ri tac'atic Anac e jekel chi', e c'o c'u ne qui tinimit tak ri co e c'olic ri jawije' ri e c'o wi q'uialaj winak. Are c'u ri in quinweyej chi ri Ajawaxel quinrachilaj quinuto' c'ut che quesaxic bic chila', jacha' ri u bim.”