Ajilanic 14:3 - Quiché Bible

³ ¿Jasche xujuc'am ulok ri Ajawaxel chupam we ulew ri'? ¿Rech cujcäm chupam ri ch'o'j, e are' c'u ri kixokil xukuje' tak ri kalc'ual quekaj pa qui k'ab ri c'ulel? ¡Are utz na chke chi chujtzelej pa Ejipt!”

Ajilanic 14:3 ပူးပေါင်းရင်းမြစ်များ

Ri Nehemiy 9:17

Man xcaj taj xenimanic mawi xenataj chque ri nimak tak jastak ri xeban la che qui to'ic. Sibalaj c'u e c'osirinak chi xquicoj jun c'ämal qui be ri xec'amow ta bic che qui tzelejic chic pa ri patanijic pa Ejipt. Lal c'ut jun Dios ri sachal macaj, jun Dios ch'uch'uj, ri xukuje' quel u c'u'x, coch'onel xukuje' ronojel c'u ri lal lal lok'ok'ebal c'uxaj, man c'u xewonoba' ta la canok.

Salmib 78:40

¡Q'ui mul man xeniman ta che ri Dios, xquiya' k'ak'anibal anima' che pa ri chaki'j uwo sak!

Elem 16:3

Je c'u xquibij wa' chque: “¡C'o ta banom wi chi xuban ta ri Ajawaxel chi xujcäm ta pa Ejipt! Chila' xujt'uyi wi chquinakaj ri jujun tak t'uy ti'j, cuj wa' c'ut c'ä cujnoj na, ri ix c'ut xujic'am ulok pa we chaki'j uwo sak ri' che ka cämisaxic konojel rumal wi'jal.”

Elem 5:21

xquibij c'u chque: “Chrila' ri Ajawaxel ri i banom chke, xukuje' chuc'äjisaj i wäch. Ix ri ix ajchak'mac chi ri ajawinel e rachil ri e u takanelab itzel cujquilo. Kas ix ix yowinak ri ch'ich' re ch'o'j pa u k'ab che ka cämisaxic.”

Ri Jeremiy 42:14

je c'u quibij wa': ‘are utz na chke chi cujejekel pa Ejipt, ri man quekil ta wi ch'o'j, mawi cakata' rok'ebal su', mawi cujecäm ta che wi'jal’,

Ri Jeremiy 42:19

Chiwe ix ri c'ä ix canajinak pa Juda, cuya' takanic ri Ajawaxel chiwe chi man quixbe ta pa Ejipt. Kas ba' chiwetamaj, in quinya' apan u bixic chiwe camic:

Ri Jeremiy 9:3

Amak'el xak e c'o che qui bixic banoj tak tzij e jacha' ta ne chi quequitzokopij tak ch'ab cumal q'uiakbal ch'ab. Chupam ri ulew are cätakan ri banoj tzij man are ta ri kastzij; xa' cätajin quenimatajic, cujiquiba' c'u u bixic ri Ajawaxel: “Man cacaj ta chi c'ut caquich'ob nu wäch.”

Ajilanic 11:20

Jun ic' cäbeytaj na u tijic ri ti'j cumal, c'ä quebel na ulok pa tak qui tza'm chuya' c'u muluj c'uxaj chque, rumal rech chi in qui xutum in, ri Ajawaxel, ri in c'o pa qui niq'uiajil, e ok'inak quibim c'ut chnuwäch in: ‘¿Jasche xujel ulok pa Ejipt?’ ”

Ajilanic 16:13

¿La xa man nim ta cawilo chi xujawesaj ulok chupam jun ulew ri cabelel wi ri leche xukuje' ri juyubal räx cab jacha' ta ne ri ja', rech caban chke chi cujcäm chupam ri chaki'j uwo sak, ri are c'u cawaj catux nimalaj c'amal ka be?

Ajilanic 20:3

xquibij che ri Moises: “¡C'o ta banom wi xujcäm ta junam cuc' ri niq'uiaj aj israelib chic ri xuban ri Ajawaxel chi xecämic!

Ajilanic 21:5

xquichaplej c'u u c'ulelaxic ri Dios xukuje' ri Moises. Je c'u xquibij wa': “¿Jasche xujiwesaj ulok pa Ejipt, rech quiban chke chi cujcäm chupam ri chaki'j uwo sak? Mawi ta ne ka ja' c'olic mawi ka wa. ¡Q'uistajinak chic ka c'u'x che we wa ri' ri xak capatzowic!”

Hechos 7:39

“Ri e ka mam, man xcaj taj xquinimaj we tzij ri'. Xane' xquitzak canok, xquitzolk'omij ri canima' ruc' ri Ejipt.

U Camulixic ri Pixab 1:39

Pune' c'u ri ix xibij can nabe chi ri e i c'ulel quequitokij na ri iwixokil xukuje' ri alaj tak alabom e are' c'ut we alaj tak alabom ri' ri c'ä maja' cäquich'obo jas ri cäquibano, e are wa' ri queboc na pa ri ulew: quinya' c'u na che quechbal.