Ajilanic 13:20 - Quiché Bible

²⁰ awächinel o man wächinel taj, xukuje' we e c'o che' chuwäch o jayi'. Mixe'j iwib; chebic'ama' ulok jun tak qui wächinic ri ulew.” Xc'ulmataj c'u wa' pa ri k'ijol aretak queyac ri nabe tak uva.

Ajilanic 13:20 ပူးပေါင်းရင်းမြစ်များ

Nabe Tzijobelil 22:11

Are c'u ri camic, nu c'ojol, are' ba' ri Ajawaxel cac'oji' na awuc' rech catcuinic cayac ri ja che ri Ajawaxel ri a Dios, je jas ri u chi'm chi caban na.

Ri Nehemiy 9:25

Xukuje' xequiban quech chque tak ri tinimit ri e c'o tak tapia chquij xukuje' tak ulew ri sibalaj e wächinelab, u ja tak ri e nojinak je'lalaj tak jastak chquipam, c'ua' tak, ticbal tak uva, u che'al tak aseitun, xukuje' niq'uiaj wächinel tak che' chic; xewa'ic c'ä xenoj na, xechomakaric, xequicot ruc' ri nimalaj utzil la.

Ri Nehemiy 9:35

Man je ta c'u xc'ulmataj pa tak ri cajawinic, pune' c'u sibalaj q'ui ri utzil ri xya' la chque, xjach c'u ne la ri nimalaj ulew pa qui k'ab, ri sibalaj wächinel, man c'u xek'ijilan ta che la mawi xequitzak ta can ri e itzel tak qui banoj.

Ri Ezequiel 34:14

Quebenc'am na bic rech quebequitija' ri echa', ri sibalaj e utz na, pa tak ri echabal ri e c'o paquiwi' ri e tac'atak tak u juyub ri Israel. Cuya' quebuxlan chila' quequitij c'ut ri echa' ri sibalaj e je'l na.

Ri Daniel 11:24

Aretak man c'o ta jun nabeninak coc na pa tak ri ulew ri sibalaj c'o na qui k'inomal ri e c'o pa ri ajawibal cuban c'u na ri man c'o ta jun chque ri e u mam ri je ta xquibano: cujach na ri jastak xukuje' tak ri k'inomal ri e rikom pa ri ch'o'j chquiwäch tak ri e rajch'ojab. Cuchomaj na jas cuban na che qui ch'äquic ri cowilaj tak tinimit ri e kasan pa tapia, pune' c'u ne xa' re quieb oxib k'ij.

Ri Miquey 7:1

¡Tok'ob nu wäch! In jacha' banal pich'ol aretak cäyactaj ri u wäch ulew, man quenrik ta chi uva mawi higo, we wächinic tak ri' ri are ta quinwaj quebentijo.

Ajilanic 13:19

Chebiwila' we tak ri qui tinimit xa e cäbal ri lic'om o e co e tiq'uibam, xukuje' we utz ri ulew ri e jekel wi o man utz taj,

U Camulixic ri Pixab 1:24

Xebe c'ut xquitakej ri be ri cäk'ax pa tak ri c'ache'laj, xebopan c'u pa ri beya' re Escol, xquisolij c'u ronojel ri ulew.

U Camulixic ri Pixab 1:25

Xequic'am c'ut ri e qui wächinic we ulew ri', xequic'am c'u ulok chke, je c'u xquibij wa' chke: ‘Ri ulew ri cuya' ri Ajawaxel ri ka Dios chke sibalaj utz.’

U Camulixic ri Pixab 31:23

Ri Ajawaxel xuya' we takanic ri' che ri Josue, (ri u tat ri Josue are' ri Nun): “Chc'ol a chuk'ab xukuje' muban quieb a c'u'x, at c'ut catbanow na chi queboc ri aj israelib pa ri ulew ri nu bim chi quinya' chque, are c'u ri in quinc'oji' na pa a xcut.”

Hebreos 13:6

Je c'u ri' cäcu'bi ka c'u'x, cuya' cäkabij: “Ri Ajawaxel are to'l wech, man quinxe'j ta wib chuwäch ri cäquiban na ri winak chwe.”

Ri Josue 1:6

Chachajij anima' xukuje' co chattac'alok, at c'ut catjachow na ri ulew che we tinimit ri', are' c'u echbal wa' ri xinchi'j chque ri e a mam,

Ri Josue 1:9

In ri' ri catintako chi chachajij anima' xukuje' cochattac'alok. Maxe'j awib mawi maqueblaj a c'u'x rumal rech chi ri in, ri Awajawaxel xukuje' a Dios, quinc'oji' na awuc' apawije' ta ne ri catbe wi.”

Ri Josue 2:1

Kas pa Sitim, ri Josue xebutak bic quieb ya'l tak qui wäch chic'uyal, xubij c'u chque: “Jix che rilic ri ulew xukuje' ri tinimit Jerico.” Xebe c'ut, xebopan cho rachoch jun ixok re nim ch'utin ri jekel pa Jerico Rahab ri u bi', chila' c'u xcoc'owisaj wi ri jun ak'ab.

Ri Josue 2:3

Xutak c'u u bixic ri ajawinel che ri Rahab: “Chebawesaj ulok ri achijab ri xepe che awilic ri e c'o chupam ri awachoch, xa c'u e ya'l tak qui wäch.”