Ajilanic 13:2 - Quiché Bible

² “Chebataka' bic jujun achijab che retamaxic u wäch ri ulew re Canaan, ri quenya' chque ri aj israelib. Chataka' bic jun achi re jujun amak' ri c'o u takanic.”

Ajilanic 13:2 ပူးပေါင်းရင်းမြစ်များ

Elem 18:25

Xebucha' achijab ri c'o qui no'j chquixo'l conojel ri aj israelib, xuya' takanic pa qui k'ab paquiwi' jujun mil winak, jujun tak sient, cawinak lajuj, xukuje' lajujitak winak.

Ajilanic 1:4

xukuje' ri re jun c'amal be re jun ja winak che jujun amak'.

Ajilanic 11:16

Are c'u ri Ajawaxel xutzelej u bixic chwe: “Chebamulij oxc'al lajuj nimak tak tatayib aj israelib, ri e aweta'm qui wäch chi c'o qui takanic chquixo'l ri winak, chebac'ama' c'u ulok chupam ri Lic'om Rachoch Dios re rikoj ib che eyem c'u chila' awuc'.

Ajilanic 13:16

E are' qui bi' wa' ri achijab ri xebutak bic ri Moises che retamaxic u wäch ri ulew. Ri Osey (u c'ojol ri Nun) xuq'uex ri u bi' xucoj c'u Josue che u bi'.

Ajilanic 13:3

Jacha' ri takanic ri xuya' ri Ajawaxel che, ri Moises xebutak bic kas aretak e c'o chupam ri chaki'j uwo sak ri c'o pa Paran. Conojel e achijab ri c'o qui takanic chquixo'l ri aj israelib,

Ajilanic 32:8

Are jewa' ri xquiban ri e i tat aretak xebantak bic pa Cades-barney che rilic we ulew ri'.

Ajilanic 34:18

Chisiq'uij xukuje' jun c'amal be re jujun amak', che u jachic ri ulew.

U Camulixic ri Pixab 1:15

Xebenwesaj c'u pa jujun tak amak' achijab ri c'o na qui no'j, xukuje' elinak chic qui no'j, xinya' c'u takanic pa qui k'ab rech quetakan piwi'; jujun xebencoj puwi' jun mil (1000) achijab, niq'uiaj chic xebencoj puwi' jun sient (100), niq'uiaj chic puwi' cawinak lajuj (50), niq'uiaj chic puwi' lajuj (10) jujun chi c'ut xinya' takanic pa qui k'ab rech quetakan paquiwi' jujun tak amak'.

U Camulixic ri Pixab 9:23

Aretak c'ut ri Ajawaxel xuya' takanic chiwe chi quixel bic pa Cades-barney che rechbexic ri ulew ri cuya' chiwe, xic'ulelaj, man xinimaj ta ri xubij chiwe, man xixcojon ta che mawi xiwaj xixniman che.

Ri Josue 3:12

Rumal ri', chebicha' ba' cablajuj achijab, jun che qui jujunal ri cablajuj amak' aj israelib.