Ajilanic 12:8 - Quiché Bible

⁸ ruc' c'ut ri are' quinch'aw chwinakil xukuje' pa jun ch'abal ri q'uiakalic. We c'u ri are' quinuca'yej chi winakil, ¿jasche qui chajij anima' quixyok'on che?”

Ajilanic 12:8 ပူးပေါင်းရင်းမြစ်များ

Chapletajic 32:30

Ri Jacob xucoj Penuel che u bi' ri c'olbal ri', xubij: “Wilom ri u palaj ri Dios, man c'u in cäminak taj.”

Salmib 17:15

Are c'u ri in, kastzij cäcu'bi nu c'u'x ruc' ri rilic rib ka wäch uc' la, ¡ruc' ri nu c'olem chwäch la aretak chinc'astajic!

Salmib 49:4

quinya' na nu xiquin che qui tatabexic ri c'ambal tak u pa chi'aj, quinya' na u bixic ri nu c'u'm ruc' rok'ebal arp.

Elem 19:19

Nojimal c'ut sibalaj co chic cätataj ri cok'ibal ri trompet; cäch'aw ri Moises, are c'u ri Dios ruc' cakulja cuch'abej ulok.

Elem 20:4

C'o jun a dios maban chawe mawi u wächbal ri c'o ajsic chupam ri caj mawi u wächbal ri c'o iquim chuwäch ri ulew mawi u wächbal ri c'o chupam ri plo chuxe' ri ulew.

Elem 33:11

Ri Dios cätzijon ruc' ri Moises chwinakil, jacha' ri cuban apachique winak ri cätzijon ruc' ri rachil cätzelej c'u ri Moises pa ri c'olbal ri e c'o wi ri aj israelib. Are c'u ri Josue ri u c'ojol ri Nun, ri c'o che to'l rech ri Moises, mawi jubik' quel pa ri Lic'om.

Elem 33:19

Xutzelej c'u u bixic ri Ajawaxel: “Quinban c'ut chi coc'ow ronojel ri wutzil chawäch, chawäch c'ut at quinya' wi na u k'alajisaxic ri nu bi'. Quel na nu c'u'x che apachin ri quinwaj wi, quintok'obisaj u wäch apachin ri quinwaj wi.

Elem 33:23

Quinwesaj c'ut ri nu k'ab rech cawil ri wij, are c'u ri nu palaj man ya'tal taj chi cawilo.”

Elem 34:30

Aretak ri Aaron xukuje' conojel ri aj israelib xquil ri u palaj ri Moises chi cäjuluwic, xquixe'j quib, man xekeb ta ruc'.

E C'ambal tak Tzij 1:6

che qui ch'obic ri cäquibij ri ajno'jab, xukuje' tak ri qui tzij, ri e c'utbal ri cäquiya' xukuje' tak ri caquibij chi rajawaxic qui ch'obic.

Ri Isaiy 40:18

¿Jachin ruc' qui junamaj wi ix ri Dios? ¿Ruc' jachique wächbal qui c'utbej re ri u banic?

Ri Isaiy 46:5

¿Jachin ruc' quixcuinic quinijunamaj? ¿Jachin ri quichomaj chi quinjunamataj ruc'?

Ri Ezequiel 17:2

“At, winak, chatzijoj jun c'ambal no'j che ri nu tinimit Israel.

Ri Ezequiel 20:49

Ri in xintzelej u wäch u tzij: “¡Ay, Ajawaxel, ri winak cäquitzijola' caquibij chi ri in xuwi quebenbij jastak ri man c'o ta jun cäch'obowic!”

Ri Osey 12:13

Rumal jun k'axal tzij, ri Ajawaxel xresaj ulok ri tinimit Israel pa Ejipt; ¡rumal c'ut jun k'axal tzij, xuchajij!

Ajilanic 14:14

quequitzijoj na chque ri winak ri e c'o pa Canaan. Xukuje' ri e are' quitom u bixic chi ri lal, Ajawaxel, lal c'o pa u niq'uiajil we tinimit ri', cac'ut c'u ib la chwinakil chquiwäch are c'u ri sutz' la c'o paquiwi', are c'u ri pa k'ij canabej la chquiwäch pa jutac'aj sutz' xukuje' ri chak'ab pa jutac'aj k'ak'.

Ajilanic 7:89

Aretak xoc ri Moises chupam ri Lic'om Rachoch Dios re rikoj ib che tzijonem ruc' ri Ajawaxel, xuto chi ri Ajawaxel cäch'aw ulok ruc' kas puwi' ri tz'apibal ri c'o puwi' ri caxa re ri c'ulwächinic, ri c'o chquixo'l ri quieb aj cajalaj tak to'banelab ri e c'o qui xic'.

Ri Matey 13:35

Je xbantajic jas ri u tzijom can ri k'axal tzij, ri xubij: “Quintzijon na cuc' c'ambal tak no'j. Quinbij na ri jastak ri man etamatal taj aretak ri Dios xuban ri uwächulew.”

Ri Lucax 10:16

Apachin ri cutatabej ri i tzij, in ri' qui nu tatabej. Apachin ri man nim ta quixril wi, in ri' man nim ta quinrilo. Apachin ri man nim ta quinrilo, man nim ta cäril wi ri' ri xinutak ulok.”

Ri Xuan 1:18

Mawi jubik' c'o ta jun ilowinak ta u wäch ri Dios; are' c'u ri xa' jun chi C'ojolaxel, ri c'o pa uxcut ri Tataxel, are' ri xk'alajisanic.

Ri Xuan 15:15

Man quinbij ta chi pataninel tak wech chiwe. Are c'u ri pataninel man reta'm taj jas ri cuban ri rajaw. Xane' quinbij wachil chiwe. Conojel c'u ri jastak ri nu tom ruc' ri nu Tat nu bim chiwe rech quiwetamaj.

Ri Xuan 15:24

We ta ma ta e nu banom tak ri chac chquixo'l ri man c'o ta jun chic banowinak, ma ta c'o qui mac ri'. Camic c'ut quilom chic ri nu chac, xukuje' cäquetzelaj nu wäch xukuje' cäquetzelaj u wäch ri nu Tat.

1 Corintios 13:12

Camic je ta ne cujca'y pa jun ilbal ib ri man kas ta k'alaj. Cäpe c'u na ri k'ij aretak kas quel na ronojel chi sak chkawäch. Camic weta'm jubik', c'äte c'u kas quinwetamaj na ronojel, jas ri retamaxic nu wäch rumal ri Dios.

2 Corintios 3:18

Ri uj c'ut konojel man ch'ukutal ta chic ri ka palaj. Cäkak'alajisaj ri u juluwem ri Ajawaxel jas jun ilbal ib. Je c'u ri' cujq'uextajic, ronojel k'ij nim na ri u juluwem c'o kuc', rech cujux na jacha' ri Crist. Are ri Uxlabaxel re ri Ajawaxel cäbanow wa'.

U Camulixic ri Pixab 18:15

“Ri Ajawaxel ri i Dios cuban na chi cäwalij na jun k'axal tzij chixo'l jacha' ri in, rajawaxic c'ut quixniman che.

U Camulixic ri Pixab 34:10

Mawi chi c'u jumul xc'oji' ta jun chi k'axal tzij pa Israel jacha' ri Moises, ri xch'aw ta ri Ajawaxel ruc' chwinakil,

U Camulixic ri Pixab 4:15

“Pa ri k'ij aretak ri Ajawaxel xch'aw iwuc' pa u niq'uiajil ri k'ak', puwi' ri juyub Horeb, man c'o ta jun wächbal xiwilo. Rumal ba ri' sibalaj chichajij iwib

U Camulixic ri Pixab 5:8

Maban jun a dios mawi u wächbal ri' ri c'o ajsic pa ri caj, mawi u wächbal ri c'o iquim chuwäch ri uwächulew, mawi u wächbal ri c'o chupam ri plo chuxe' ri ulew.

Colosenses 1:15

Ri Crist ri quilatajic are' wa' ri u wächbal ri Dios, ri man quilitaj taj; are' ri u c'ojol are' ri c'o nabe chuwäch ronojel ri banom.

1 Tesalonicenses 4:8

Je c'u ri' xa apachin ri man nim ta cäril wi we tzij ri', man are' ta ri winak ri man nim ta cärilo, xane' are' man nim ta cäril wi ri Dios ri yowinak ri Ruxlabal chke.

1 Timoteo 6:16

ri xa' Jun ri man cäcäm taj, ri cäc'oji' pa ri sakil, ri man c'o ta jun cäcuinic cänakajin ruc', ri mawi ne jun winak ilowinak mawi cäcuinic cärilo. ¡Che ri are chyok wi ri nim ilic cumal conojel! ¡Ri are c'o u takanic ri man cäq'uis taj! Je chbanok.

Hebreos 1:1

Ri Dios q'ui mul xebuch'abej can ri e ka mam ojer, q'ui qui ch'abexic xubano cumal ri k'axal tak tzij.

Hebreos 1:3

Rumal ri are' cäjuluw ri u juluwem ri Dios. Are u wächbal ri kas u ca'yebal ri Dios. Ri are' ruc'am ronojel ri jastak rumal ri tzij re ri u cuinem. Aretak xujujosk'ij pa ri ka mac, xt'uyi' pa ri u wiquiak'ab ri Dios ri nim u k'ij chicaj.

2 Pedro 2:10

Sibalaj cuc'äjisaj c'u na qui wäch ri winak ri cäquiban ri itzelalaj u rayibal ri qui ti'jal, xukuje' cäquiban tz'ilalaj tak jastak, ri man cäquiya' ta quib pa takic. Ri e are' man c'o ta cäquixe'j wi quib, xane' cäquibano jachique ri cäcaj, xukuje' man cäquixe'j ta quib che u bixic c'axalaj tak tzij chque ri c'o quekle'n.

Ri Juds 1:8

Junam xukuje' we ichic'anelab ri' cäquitz'iloj ri qui cuerp, man nim ta cäquil wi ri ajawinic, quequiyok' ri c'o qui takanic ri aj chicaj.