Ajilanic 12:2 - Quiché Bible

² Xquibij chi c'ut xukuje': “Ri Ajawaxel man xuwi ta ruc' ri Moises tzijoninak wi, xukuje' tzijoninak kuc'.” Xuta' c'ut ri Ajawaxel.

Ajilanic 12:2 ပူးပေါင်းရင်းမြစ်များ

Chapletajic 29:33

Ri Lea xc'oji' chi jun ral ala, xucoj Simeon che u bi', xubij c'ut: “Ri Ajawaxel xrilo chi quetzelax nu wäch, rumal ri' xuya' chi jun wal ala.”

Ucab Samuel 11:27

aretak c'u xoc'ow ri u bis, xtakan ri David che u c'amic ulok xuc'am c'u pa ri rachoch xuban rixokil che, xralaj c'u jun u c'ojol. Man xkaj ta c'u chuwäch ri Ajawaxel ri xuban ri David.

Ucab Ajawinelab 19:4

C'o ta banom wi chi ri Ajawaxel ri a Dios u tom ta we tzij ri' ri xebubij ri qui nimal ajch'ojab ri takom ulok rumal ri rajaw, ri ajawinel re Asiriy, che u yok'ic ri c'aslic Dios, c'o ta banom wi chc'äjisax ta u wäch rumal ri jastak ri xebuta' ri Ajawaxel ri a Dios. Chabana' ba' jun ch'awem ruc' paquiwi' ri c'ä e to'tajinak canok.”

Elem 4:14

Ri Ajawaxel sibalaj xpe royowal che ri Moises, xubij c'u che: “C'o ya' ri awachalal Aaron ri aj levit. Ri in weta'm chi sibalaj utz cäch'awic. Ri are' cäpe na che a c'ulaxic sibalaj c'u cäquicot na aretak cäril a wäch.

Elem 4:30

ri Aaron xutzijoj chque conojel ri winak ronojel ri u bim ri Ajawaxel che ri Moises, xukuje' xebuban ri mayibal chquiwäch ri u bim ri Dios chi quebubano.

Elem 5:1

Oc'owinak chi c'u wa', ri Moises rachilam ri Aaron xebe che u bixic che ri ajawinel ri paraon xquibij c'u che: “Jewa' u bim ri Ajawaxel ri u Dios ri Israel: ‘Chatzokopij bic ri nu tinimit pa ri chaki'j uwo sak, rech cubana' jun nimak'ij chila' che u ya'ic nu k'ij.’ ”

Elem 7:10

Ri Moises rachilam ri Aaron xebe che u ch'abexic ri ajawinel, je c'u xquibano jacha' ri takanic ri u yo'm ri Ajawaxel chque: ri Aaron xuq'uiak ri u ch'ämiy cho ri ulew chuwäch ri ajawinel xukuje' chquiwäch ri e rach k'atal tak tzij, xjalwächitaj c'u ri ch'ämiy pa jun cumätz.

E C'ambal tak Tzij 13:10

Ri banoj nimal xuwi cuc'am ulok ch'o'j; ri no'j c'o cuc' ri caquimach' quib.

Ri Isaiy 37:4

C'o ta banom wi xuta' ta ri Ajawaxel ri a Dios ri tzij ri xubij ri qui nimal ajch'ojab ri xtak ulok rumal ri rajaw, ri ajawinel aj Asiriy, che u yok'ic ri c'aslic Dios. C'o ta banom wi cäc'äjisax u wäch rumal rech ri tzij ri kas xuta' ri Ajawaxel ri a Dios. Chabana' ba jun ch'awem ruc' Dios paquiwi' ri c'ä e c'o canok.”

Ri Miquey 6:4

In xatinwesaj ulok pa Ejipt, xatinto'tajisaj man xatcanaj ta che lok'om pataninel; ri in xebentak bic ri Moises ri Aaron xukuje' ri Mariy, rech quequic'am i be.

Ajilanic 11:1

C'o jun k'ij ri aj israelib xech'ach'at chrij ri Ajawaxel qui mac quech tak ri c'axc'olil ri quequiriko. Aretak xetataj rumal, ri Ajawaxel sibalaj xoyowaric, xutak c'u ulok jun k'ak' ri xunicowisaj rij ri e jekel wi.

Ajilanic 11:29

Are c'u ri Moises xutzelej u bixic che: “¿La catachixoman chwe? ¡C'o ta banom wi chi ri Ajawaxel cuya' ta ri ruxlabal che ronojel ri u tinimit, conojel ta c'ut e k'axal tak u tzij ri Dios!”

Ajilanic 12:3

Kas c'u ne kastzij, ri Moises are' ri achi ri sibalaj mach'al na cho ri uwächulew.

Ajilanic 16:3

Conojel c'ut e are' xquimulij quib, xquic'ulelaj ri Moises rachil ri Aaron, xquibij c'u chque: “¡Chubana' wa' ri nimal ri quixc'amowic! Ronojel ri tinimit tastajinak rumal ri Dios, c'o c'ut ri Ajawaxel kuc' konojel. ¿Jasche qui walijisaj iwib ix jacha' k'atal tzij ri nim u banic puwi' ri u tinimit ri Ajawaxel?”

Romanos 12:10

Chilok'ok'ela iwib chi ix jacha' achalaxelab, chebiyala' tak i k'ij nim c'u chebiwila' wi tak iwib.

Romanos 12:3

Rumal c'u ri tok'ob ri yo'm chwe, quinbij chiwe chijujunal, c'o jun muchomaj chi nim u banic, xane xak jas ri takal che. Chijujunal chichomaj iwib ruc' utzalaj chomanic, jas ri cojonic ri xujach ri Dios chiwe chijujunal, we nim o xa jubik'.

Filipenses 2:14

Pa ronojel ri quibano, xak mixch'ach'atic, mixch'ojinic.

Filipenses 2:3

C'o jas mibano ri xa' ta che u nimarisaxic i k'ij, o rech quixux ta nimak i banic, xane' chi mach'arisaj iwib chich'obo' chi ri niq'uiaj chic e are' nimak na qui k'ij chiwäch ix.

1 Pedro 5:5

Xukuje' ri ix ri c'ä ix ac'alab k'apoj, c'ojolab, chiya' iwib pa takic chque ri quetakan pa ri comon cojonelab. Iwonojel chipatanila' iwib, minimarisaj iwib. Rumal rech chi cubij: “Ri Dios quebuc'ulelaj ri winak ri nimak cäquina' quib, cuban c'u tok'ob chque ri e mach'amoj.”