Ajilanic 11:23 - Quiché Bible

²³ Are c'u ri Ajawaxel xutzelej u bixic che: “¿La are' pa a c'u'x chi sibalaj ch'utin ri nu cuinem? Camic cawila' na we quetz'akatok o jayi' ri nu bim.”

Ajilanic 11:23 ပူးပေါင်းရင်းမြစ်များ

Chapletajic 18:14

¿La c'o ta c'u lo jun jasach ri ma ta cäcuin ri Ajawaxel che u banic? Che ri jun junab chic junab ak'anok quinpe na che a solixic, pa ri k'ij ri' ri Sara c'o chic jun ral ala.”

Ucab Ajawinelab 4:43

Ri pataninel xutzelej u bixic: “¿Jas quinban che u ya'ic wa' che qui tzukic jun sient winak?” Ri Elisey xutzelej u bixic: “Chaya' chque ri winak rech quewa'ic, u bim c'ut ri Ajawaxel chi quewa' na c'o c'u cäto'taj na.”

Ucab Ajawinelab 7:2

Ri to'l rech ri ajawinel xutzelej u bixic che ri k'axal tzij: “Pune' ta ne quebujak ta wenta'n ri Ajawaxel pa ri caj, man cuya' taj cac'ulmataj ri a bim.” Xutzelej c'ut u bixic ri Elisey che: “Ri at quebawil na cuc' tak ri a bak'wäch, man catij ta c'u na awe che.”

Salmib 78:41

Q'ui mul xquic'ambejej; ¡xquiya' bis che ri Tastalic ri c'o pa Israel!

Elem 6:1

Xubij c'ut ri Ajawaxel che ri Moises: “Cawil c'u na ri quinban che ri ajawinel, xak xuwi c'ut rumal ri chuk'ab cuya' na chiwe chi quixel bic pa ri rulew; c'o chi c'u na jubik', kas are' cäbin na chiwe chi quixel bic.”

Ri Isaiy 50:2

¿Jasche, aretak xinulic man c'o ta jachin xinriko? ¿Jasche, aretak xinsiq'uinic, man c'o ta jun xch'aw chwe? ¿La are pa i c'u'x chi man quincuin ta che i toric? ¿La are pa i c'u'x chi man quincuin ta che i tzokopixic? Cubana' jun takanic ri quinya'o chi cächaki'jar ri plo, e are tak c'ut ri nima' quebux chaki'j uwo sak rech quecäm ri cär rumal chakij chi', quepuk'pup c'ut rumal rech chi man c'o ta ja'.

Ri Isaiy 59:1

Ri u cuinem ri Ajawaxel man tzajinak taj rech ma ta cäcuin chic cäcolonic, mawi sibalaj ta t'oyirinak rech ma ta cäcuin chic cätatabenic.

Ri Jeremiy 14:9

¿Jasche lal je ta ne jun winak ri ma ta cuch'obo jas ri cubano, jacha' jun banal ch'o'j ri man cäcuin taj cätobanic? Are c'u ri camic, Ajawaxel, lal c'o la chkaxo'l, conojel ri winak queta'm chi uj tinimit la; ¡man cujtzak ta la canok!

Ri Jeremiy 32:17

‘Lal, Ajawaxel, ruc' nimalaj u liq'uic ri cuinem la xban la ri caj xukuje' ri ulew. Man c'o ta jun jasach ri ma ta cacuin la chubanic.

Ri Jeremiy 32:27

“In ri' ri Ajawaxel, ri u Dios ronojel c'aslic. Man c'o ta jun jasach ri ma ta quincuin chubanic.

Ri Ezequiel 12:25

Rumal rech chi ri in, ri Ajawaxel, quinch'aw na, are c'u ri chenbij na man cabeytaj ta ri u banic. Kas ix c'u quixilow na, tinimit ri man ch'abexic ta ri quiwaj; ri in quinch'aw na quinban c'u na chi quetz'akat na ri quinbij. In ri Ajawaxel, quinya' nu tzij.”

Ri Ezequiel 24:14

In, ri Ajawaxel, nu bim, je c'u cabantaj na. Kas in quinebanowok, man c'u quinya' ta canok ri ma ta quintz'akatisaj u banic; man quintok'obisan ta wächaj mawi quinq'uex nu c'u'x. Quinc'äjisaj na a wäch rumal ri a c'aslemal xukuje' ri e a banoj. In, ri Ajawaxel, quinjiquiba' u bixic.’ ”

Ri Daniel 6:20

Aretak nakaj chi c'o wi ri ajawinel, ruc' bis xusiq'uij ri Daniel, je xubij wa: “Daniel, pataninel rech ri c'aslic Dios, ¿la xcuin ri a Dios che a to'ic pa qui chi' ri coj?”

Ri Miquey 2:7

¿La xa' ta pu c'okotajinak ri u tinimit ri Jacob? ¿La xa' ta pu q'uistajinak ri u coch'onic ri Dios? ¿La je ta pu wa' ri cuban ri Dios? ¿La ma ta cuban utzil ri u tzij puwi' ri colom cabinic?

Ajilanic 11:22

¿Jawije' ta lo e c'o wi chij ri man e ajilatal ta xukuje' wacax ri cuya' taj quepilic ri chubana' ta chque conojel? Pune' ta c'u ne quekaya' ta conojel ri car chque ri e c'o chupam ri plo, man cubana' ta wa' chque.”

Ajilanic 23:19

Ri Dios man junam ta cuc' ri e cämel: man cuban ta tzij mawi cuq'uex ri u chomam u banic. Aretak ri are' cubij jun jasach, cutz'akatisaj u banic. Aretak cuban jun chi'nic, cutz'akatisaj.

Ri Matey 19:26

Ri Jesus xca'y chque, xubij: “Ri winak man quecuin ta wa' che u banic, are c'u ri Dios cäcuin che u banic ronojel.”

Ri Matey 24:35

Ri caj ulew casach na qui wäch. Are c'u ri nu tzij mawi jubik' casach u wäch.

Ri Lucax 1:37

Man c'o ta c'u jun jasach ri ma ta cäcuin ri Dios che u banic.”