Ajilanic 10:32 - Quiché Bible

³² We catpe kuc', cakaya' na awe ri utzil ri cuya' na ri Ajawaxel chke.”

Ajilanic 10:32 ပူးပေါင်းရင်းမြစ်များ

Aj Levitib 19:34

Je chibana' che ri man i winakil taj jacha' ri quiban che ri i winakil; chilok'ok'ej, xäk c'u junam iwuc', je c'u ne xiban ix xa xiwokxanij na iwib pa Ejipt. In ri' ri Ajawaxel ri i Dios.

U Camulixic ri Pixab 10:18

ri cuban suc'alaj k'atan tzij puwi' ri minor xukuje' ri malca'n; ri quel u c'u'x, cuya' u wa' xukuje' ratz'iak ri man u winakil ta ri jekel chixo'l.

1 Juan 1:3

Cäkaya' c'ut u bixic chiwe ri kilom xukuje' ri ka tom, rech xukuje' ri ix quixjunamataj kuc', jacha' ri uj uj junamatajinak ruc' ri Dios ri Tataxel, xukuje' ruc' ri u C'ojol ri are' ri Jesucrist.

K'atal tak Tzij 1:16

Ri e rija'lil ri Hobab ri aj quenit, u ji' ri Moises, xebel bic pa ri tinimit ri e c'o wi tut xcachilaj ri ramak' ri Juda, xebe pa ri chaki'j uwo sak re Juda, iquim che ri Arad, xecanaj c'u cuc' ri winak ri e c'o chila'.

K'atal tak Tzij 4:11

Chunakaj ri Seds, chuxcut ri bakit ri c'o pa Zaanaim, e c'o wi ri e u cäbal ri lic'om ri Heber ri aj quenit, ri xutas rib chquij ri niq'uiaj aj quenit chic, ri e rija'lil jacha' ri are' xukuje' aj quenit are qui mam ri Hobab ri u ji' ri Moises.

Nabe Samuel 14:6

Ri Jonatan xubij che ri to'l rech: “Tasaj, chujk'axok jawije' ri c'o wi ri juk'at ajch'ojab ri e k'ijilal tak diosib. Craj ne c'o jas cuban ri Ajawaxel che ka to'ic, man c'u c'ax ta cuban ri are' che u ya'ic ri ch'äcanic chke we e c'o q'ui winak o xa e quieb oxib.”