22 E are' chi c'u e benak ri ajch'ojab ri quebin chuxe' ri retal ri Eprain, are' c'u quicojom ri Elisam che c'amal qui be (ri u tat ri Elisam are' ri Amihud).
Ri u tat man xraj taj, xubij c'u che ri Jose: “¡Weta'm nu c'ojol, weta'm ri quinbano! Xukuje' ri are' cux na jun nim tinimit nim u k'ij. Are c'u ri Eprain ri u chak', are cänimar na u k'ij chuwäch. Ri e rija'lil cäquipok'osaj na nimak tak tinimit.”
Che ri quech ri camak' ri e u c'ojol ri Jose: ri Elisam (ri u tat ri Elisam are' ri Amihud) che ri rech ri Eprain; xukuje' ri Gamaliel (ri u tat ri Gamaliel are' ri Pedasur) che ri rech ri Manases.
Pa ri uwuk k'ij ri Elisam (u c'ojol ri Amihud, c'amal u be ri ramak' ri Eprain) xuc'am ulok ri u sipanic, xak c'u junam ri u sipanic cuc' ri xquiya' ri e nabe.