2 Timoteo 3:3 - Quiché Bible

³ man c'o ta lok'ok'ebal qui c'u'x, man e cuyenelab taj, e bil tak tzijtal, man cäquijic' ta quib, e c'analaj tak winak ri cäquiban qui c'ulel che ri utz,

RI KꞌAKꞌ TESTAMENTO PA TZIJOBꞌAL KꞌICHEꞌ

³ maj kinaꞌoj, kꞌax kenoꞌjin na, bꞌanal taq tzij, kakibꞌan ri etzelal maj keqꞌatenik, man winaq taj kenoꞌjinik, uꞌkꞌulel ri utzilal,

K'iche'

³ Tzare wa' ri qui banic ri winak pa we q'uisbal tak k'ij ri'. Man quel tä na qui c'ux, man cäquitok'obisaj tä u wäch jachin jun, xane xak xuwi cäca'no jas ri cäcaj ri e are'. Cäquiyac tzijtal, man quecowin taj cäquik'il quib che ri itzel tak rayinic ri c'o pa canima'. Sibalaj e c'a'n, xukuje' tzel cäquil wi ronojel u wäch utzil, quec'ulelan na che.

K'iche' (New Orthography)

³ Tzare wa' ri ki b'anik ri winaq pa we k'isb'al taq q'ij ri'. Man kel tä na ki k'ux, man käkitoq'ob'isaj tä u wäch jachin jun, xane xaq xuwi käka'no jas ri käkaj ri e are'. Käkiyak tzijtal, man kekowin taj käkiq'il kib' che ri itzel taq rayinik ri k'o pa kanima'. Sib'alaj e k'a'n, xuquje' tzel käkil wi ronojel u wäch utzil, kek'ulelan na che.

2 Timoteo 3:3 ပူးပေါင်းရင်းမြစ်များ

Chapletajic 49:7

¡C'okotajinak, je, chc'okotaj ri awajalaj royowal! ¡In quebenjabuj na chnimalaj conojel pa ronojel ri tinimit Israel!

Salmib 15:4

ri cäretzelaj u wäch ri takal retzelaxic u wäch, nim c'u caril wi ri cuya' u k'ij ri Ajawaxel; ri quebutz'akatisaj ri e u chi'm pune' c'ax quelic;

Salmib 22:6

Ri in man in ta jun achi, xane xa in jun xjut; ¡xa in yacal qui tze' ri winak!

Ri Isaiy 53:3

ri winak cäquetzelaj u wäch xukuje' caquixutuj, Are jun achi q'uisnak pa ri k'oxomal, ri nak'atal che u rikic c'ax, Jacha' jun ri man takal ta u ca'yexic, xketzelaj u wäch, man xujoc ta il che.

Ri Isaiy 60:14

Ri calc'ual ri xebanow c'ax chawe quepe na quel qui meja' na quib chawäch, conojel ri xquetzelaj a wäch quexuqui' na chawäch, ‘U tinimit ri Ajawaxel’ catuchix c'u na. ‘U Sion ri Tastalicalaj u Dios ri Israel.’

Ri Daniel 8:23

Aretak c'ut ri cajawinic wa' quebopan pa ri qui q'uisbalil aretak c'u e chemowinak chic ri etzelal, jun ajawinel nimol rib xukuje' itzel cäno'jinic are cajawin na.

Ri Matey 10:21

Ri achalaxel quebujach na ri rachalal pa cämic, ri tataxelab quebujach na ri ralc'ual. Ri alc'ualaxelab cäquiwalijisaj na quib chquij ri qui tat qui nan, quequicämisaj c'u na.

Ri Matey 4:1

C'äte ri' ri Uxlabaxel xuc'am bic ri Jesus pa ri chaki'j uwo sak, rech cac'ambejex rumal ri itzel.

Ri Lucax 10:16

Apachin ri cutatabej ri i tzij, in ri' qui nu tatabej. Apachin ri man nim ta quixril wi, in ri' man nim ta quinrilo. Apachin ri man nim ta quinrilo, man nim ta cäril wi ri' ri xinutak ulok.”

Ri Lucax 16:14

Ri pariseyib, ri e lok'ok'el puak, xquitatabej conojel we jastak ri', xquetz'bej c'u u wäch ri Jesus.

Ri Xuan 6:70

Ri Jesus xutzelej u bixic chque: “¿La ma ta ix cablajuj xixincha'o? Jun c'ut chiwe are jun itzel.”

Romanos 1:29

E nojinak che ronojel qui wäch mac. Cäquiban ri man suc' taj. Quequirayij q'ui jastak. Cäquiban etzelal. Cäpe coyowal aretak jun chic curik utzil. Quecämisanic. E yacal tak ch'o'j. Quequisub tak winak. Man e suc' taj. E banal tak tzijtal.

Romanos 1:31

Man cäcaj taj quech'obonic, man e jic ta pa ri qui tzij, man quelok'ok'en taj, man quecuyun taj, man quel ta qui c'u'x.

1 Corintios 7:5

Miya' can ri u rikic iwib we man i chomam ix quieb. We ne quichomaj quiya' na can joropa' k'ij ri u rikic iwib rech quiban ch'awem ruc' Dios. Chirika' chi c'u iwib, rech man quixutakchi'j ta ri Satanas che mac, we man quixcuinic quik'il iwib.

1 Corintios 7:9

We c'u man quecuinic cäquik'il quib, chec'ulanok. Utz na we quec'uli'c chuwäch ri cäquiq'uis quib che rayinic.

1 Tesalonicenses 4:8

Je c'u ri' xa apachin ri man nim ta cäril wi we tzij ri', man are' ta ri winak ri man nim ta cärilo, xane' are' man nim ta cäril wi ri Dios ri yowinak ri Ruxlabal chke.

1 Timoteo 3:11

Jeri' xukuje' ri ixokib, rajawaxic caquirik ri'jobalil, man cäquiban ta tzijtal, cäquichomaj jas cäquibano, e jic pa ronojel.

Ri Tit 1:8

xane' cuya' okxanibal chque niq'uiaj chic, culok'ok'ej ronojel ri utz, utz u chomanic, cuban ri suc', are tastalic winak, cätakan puwi' ri u c'aslemal.

Ri Tit 2:3

Junam ri chuchuyib ri e nimak tak winak chquirika' ri'jobic, mebux banal tak tzijtal, mawi quek'abaric. Rajawaxic caquiya' utzalaj c'utbal,

Santiago 2:6

Ri ix c'ut man nim ta quiwil wi ri meba'. ¿La ma ta e are ri k'inomab ri e c'analaj tak winak ri e c'o piwi', ri quixquicharchatej bic pa ri k'atbal tzij?

2 Pedro 2:14

Nojinak ri qui bak'wäch che quikajic pa mac cuc' niq'uiaj chic aretak quequil ri ixokib. Man cäquitänaba' ta ri macunic, cäquicoj qui c'u'x ri winak ri e tukar pa ri qui chomanic, quequiquiäk rayij ri jastak quech ri winak, e c'o chuxe' c'okonic.

2 Pedro 2:19

Cäquibij chi quequitzokopij ri winak, e ximital c'u ne ri e are' rumal ri etzelal. Ri jun ri xch'äcataj rumal jun chic, cäc'oji' ri' chuxe' ri u takanic ri jun ri xch'äcowic.

2 Pedro 3:3

Iweta'm chi c'u wa', chi pa ri q'uisbal tak k'ij quepe na winak ri cäquetz'bej u wäch ri jastak aj Dios, are cäquiban na ri etzelal re qui rayibal ri e are',

Ri Juds 1:16

E are tak wa' ri xak quech'ach'atic, queyok'onic, xuwi cäquilij u banic ri itzel tak qui rayinic, cäquitzijoj nimak tak tzij, xukuje' cäquibij utzalaj tak tzij chque ri winak xa rumal rech chi c'o cäcaj chque.

Ri Juds 1:18

jas ri xquibij can chiwe: “Pa ri q'uisbal tak k'ij quec'oji' na winak ri xak cäquetz'bej qui wäch niq'uiaj chic, ri xuwi cäquilij u banic ri itzel tak qui rayinic, man cäquiya' ta c'u u k'ij ri Dios.”

Apocalipsis 13:15

Xya' cuinem che chi cuc'asba' ri u wächbal ri nabe xibibal awaj, rech cätzijonic, cuban c'u na chi quecämisax conojel ri man cacajtaj caquik'ijilaj ri wächbal.

Apocalipsis 13:17

Man c'o ta c'u jun cäcuinic cälok'omanic mawi cäc'ayinic, xuwi ri e c'o quetal, we are ri u bi' ri awaj, o ri rajilabal ri u bi'.

Apocalipsis 16:6

U mac rech chi we winak ri' xquituruwisaj ri qui quiq'uel ri tastalic tak winak aj Dios, xukuje' ri quech ri e k'axal tzij, yo'm c'u la quic' chque pa u q'uiaxic. ¡Takal c'u chque!”

Apocalipsis 17:6

Xinwilo chi ri ixok k'abarel rumal ri qui quiq'uel ri e tastalic tak winak aj Dios xukuje' rumal ri qui quiq'uel ri e u k'alajisanelab ri Jesus. Aretak xinwilo, sibalaj xinmayo.