2 Timoteo 2:2 - Quiché Bible

² Ri nu bim chawe chquiwäch e q'ui k'alajisanelab, are ri' chajacha' chque ri e jicalaj tak winak ri xukuje' quecuin che qui tijoxic niq'uiaj chic.

RI KꞌAKꞌ TESTAMENTO PA TZIJOBꞌAL KꞌICHEꞌ

² Ri atom, nubꞌim chkiwach e kꞌi winaq, chaꞌtaqchiꞌj ri kojonelabꞌ e kuꞌlibꞌal taq kuꞌx, xuqujeꞌ qas kꞌo ketaꞌmabꞌal chukꞌutik chkiwach nikꞌaj winaq chik.

K'iche'

² Ri tijonic ri a tom aretak quintzijon chquiwäch q'uialaj winak, chaya wa' pa qui k'ab achijab cojonelab ri jicom canima', ri quecowin che qui tijoxic niq'uiaj chic.

K'iche' (New Orthography)

² Ri tijonik ri a tom aretaq kintzijon chkiwäch k'ialaj winaq, chaya wa' pa ki q'ab' achijab' kojonelab' ri jikom kanima', ri kekowin che ki tijoxik nik'iaj chik.

2 Timoteo 2:2 ပူးပေါင်းရင်းမြစ်များ

Ri Esdras 7:10

Ri Esdras c'o ri chomanic ruc' che u ch'obic xukuje' che u banic ri cubij ri u pixab ri Ajawaxel, xukuje' che u c'utic chquiwäch ri aj israelib ri e u pixab xukuje' tak ri e u takanic.

Ri Esdras 7:25

Are c'u ri at, Esdras, je, jacha' ri etamanic ri e u yo'm ri a Dios chawe, chebacojo' k'atal tak tzij xukuje' takanelab chquibana' c'u ri suq'uil chque conojel ri winak pa ri ajawibal ri c'o pa ri u kajebal k'ij che ri nima' Euprats, we chque conojel ri queta'm ri u pixab ri a Dios; xukuje' are' tak c'u ri man queta'm ta chetijox che.

Ri Nehemiy 7:2

Are' c'u xincoj ri wachalaxic Hanani che c'amal u be ri Jerusalen, xukuje' ri Hananiy, ri takanel pa ri tinimit, jun achi wa' ri ya'tal che chi cacu'bisax c'uxaj chrij, ri are' nim c'u na caril wi ri Dios man e je ta c'ut ri niq'uiaj winak chic.

Salmib 101:6

Are quinya' na nu wäch chque ri winak ri utz quechomanic, rech quec'oji' junam wuc'; xuwi cäc'oji' junam wuc'; xuwi cäc'oji' na che nu patanixic ri cäruc'aj jun suc'alaj c'aslemal.

E C'ambal tak Tzij 13:17

Ri itzel tako'n quebuc'am ulok u q'ueyowal, are' c'u ri jicalaj tako'n cutzirisanic.

Ri Jeremiy 23:28

¡We jun k'axal tzij c'o jun richic', chubij chi jun ichic', we c'u cuc'am ri nu tzij chuya' u bixic ruc' jicomal! Man cuya' taj cajunamataj ta ri pajo ruc' ri trico. Ri nu tzij jacha' ri k'ak', jacha' jun bajibal ri cuban ch'akatak che ri abaj. In ri Ajawaxel quinjiquiba' u bixic.

Aj Levitib 14:42

Quec'am chi niq'uiaj abaj, quecoj che qui q'uexwäch ri xebesaxic, xukuje' cäban c'ac' xok'ol che u c'ojoxic ri ja.

Ri Malaquiy 2:7

Are wa' ri takal u banic cumal ri e cojol tabal tak tok'ob ri quitijoxic ri winak rech caquetamaj nu wäch, conojel c'ut rajawaxic quebetzucun chque che u c'amic tijonic, e are' tak c'ut ri e u tako'n ri Ajawaxel ri c'o ronojel u cuinem.

Ajilanic 12:7

ruc' c'ut ri pataninel wech ri Moises man je ta quiban wa'. Are' ri sibalaj jic na chquiwäch conojel ri e nu pataninelab,

Ri Matey 13:52

Ri Jesus xubij chque: “Aretak jun ajtij re ri pixab u tijom rib che ri rajawibal ri Dios, cajunamataj ruc' jun achi rajaw ja, ri queresaj ulok chupam ri u k'inomal c'ac'alaj tak jastak xukuje' k'elalaj tak jastak.”

Ri Matey 24:25

Chiwilampe', nu bim chi can chiwe.

Ri Lucax 12:42

Xubij ri Ajawaxel: “¿Jachin ri jicalaj pataninel wech ri utz u chomanic, ri cäcoj na rumal ri rajaw paquiwi' ri rajchaquib che u ya'ic ri qui wa ronojel k'ij?

1 Corintios 4:2

Ri c'o jas yo'm pa qui k'ab, rajawaxic chi kas e jic chquijujunal.

2 Corintios 2:14

Maltiox ba' che ri Dios, chi amak'el cujuc'am bic pa ri ch'äcanic pa ri Crist Jesus chi rumal c'u kech cuya' retamaxic ri u tijonic ri cäjabun, pa conojel c'olbal jacha' jun c'oc'alaj uxlab.

2 Corintios 3:5

Man cäkachomaj taj chi cujcuin che u banic jun jasach xa' ka tuquiel. Xane' are ri Dios cäyo'w ka chuk'ab che u banic ri cäkabano.

Colosenses 1:7

Are wa' ri xitijoj wi iwib ruc' ri Epapras, ri lok'alaj kach ajchac. Are jun jicalaj pataninel re ri Crist c'o chixo'l.

1 Timoteo 1:12

Quinmaltioxin che ri Crist Jesus ri Kajaw, ri xyo'w nu chuk'ab, rumal rech chi jic xinrilo, xinucoj c'u che pataninel re.

1 Timoteo 1:18

Nu c'ojol Timotey, quinjach we takanic ri' pa a k'ab, rech cacoj a chuk'ab che ri utzalaj ch'o'j, jas ri bim ulok chawij cumal ri xquik'axej ri u tzij ri Dios chke.

1 Timoteo 4:14

Chatoc il che ri xsipax chawe rumal ri Dios. Are yo'm chawe rumal ri u tzij ri Dios ri xk'axex chawe aretak ri tatayib ri quetakan chque ri cojonelab xquiya' qui k'ab pawi'.

1 Timoteo 4:6

We quebatijoj we jastak ri' chque tak ri kachalal queq'uiy c'ut cumal tak ri tzij re ri cojonic xukuje' cumal tak ri e utzalaj tak tijonic ri e a takem, at jun utzalaj pataninel rech ri' Jesucrist.

1 Timoteo 5:22

Aretak caya' ri a k'ab puwi' jun ri coc che c'amal qui be ri cojonelab, maban wa' xak ruc' aninakil. Maban awe ri mac ri cuban jun chic. Chabana' ronojel rech ch'ajch'oj ri a c'aslemal.

1 Timoteo 6:12

Chatija' a k'ij che ri utzalaj ch'o'j re ri cojonic. Chachapa' ri c'aslemal ri man cäq'uis taj. Che c'u wa' xatsiq'uix wi aretak xak'alajisaj ri utzalaj a cojonic chquiwäch e q'ui winak ri xquita' ri a tzij.

2 Timoteo 3:10

Are c'u ri at chaterenej ri nu tijonic, ri u cholajil ri nu c'aslemal, ri nu chomam u banic, ri nu cojonic, ri nu coch'onic, ri nu lok'ok'ebal c'uxaj xukuje' ri nu chuk'ab che takanic,

2 Timoteo 3:14

Chabana' ba at jas ri awetamam xukuje' ri a cojom. Aweta'm c'ut jachin ruc' a tijom wi awib.

Hebreos 2:17

Rumal c'u rech wa', rajawaxic chi cajunamataj na pa ronojel cuc' ri e rachalal. Jewa' xubano rech cux qui nimal ri cojol tak tabal tok'ob chuwäch ri Dios, jic, ri quil u c'u'x chque ri winak, rech cäcäm che qui q'uexwäch che u sachic ri qui mac.

Nabe Samuel 2:35

Quincoj c'u na jun cojol tabal tok'ob ri ya'tal u jiquibaxic c'uxaj chrij cuban na jas ri nu rayinic xukuje' ri nu chomanic, ri quinya' jun rija'lil ri cataken na quinban c'u na che chi cac'oji' che u patanixic ri ajawinel ri quincha' na.