2 Timoteo 1:1 - Quiché Bible

¹ Ri in Pawl, u takom ri Crist Jesus rumal ri u rayibal ri Dios, jas ri u beya'l ri chi'm, ri u junaxic ib ruc' ri Crist Jesus,

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Ri Pablo, taqoꞌn rech ri Cristo Jesús rumal ri rayibꞌal ukꞌuꞌx ri Dios, rumal ri kꞌaslemal ri chiꞌtal loq, ri yaꞌtal chaqe pa Cristo Jesús,

K'iche'

¹ In wa', ri Pablo, in apóstol. In jun chque ru tako'n ri Jesucristo. Je wa' nu banic rumal chi are u rayinic ri Dios chi quintzijoj ri c'aslemal ri man c'o tä u q'uisic, ri xuchi'j lok chke. Ri c'aslemal ri' cäkarik na rumal chi xa uj jun ruc' ri Cristo Jesús.

K'iche' (New Orthography)

¹ In wa', ri Pablo, in apóstol. In jun chke ru taqo'n ri Jesucristo. Je wa' nu b'anik rumal chi are u rayinik ri Dios chi kintzijoj ri k'aslemal ri man k'o tä u k'isik, ri xuchi'j loq chqe. Ri k'aslemal ri' käqariq na rumal chi xa uj jun ruk' ri Cristo Jesús.

2 Timoteo 1:1 ပူးပေါင်းရင်းမြစ်များ

Hebreos 9:15

Rumal ri' ri Crist are ri ch'awenel aj jun c'ac' c'ulwächinic, rech ri e siq'uitalic caquic'am ri junalic echbal ri chi'talic, camic c'ut cäminak ri are' che quesaxic ri macaj ri e ban tajinak chuxe' ri nabe c'ulwächinic.

Ri Xuan 17:3

Are c'u wa' ri junalic c'aslemal: Chi cäquich'ob wäch la, xuwi ri lal kas Dios, xukuje' cäquich'ob u wäch ri Jesucrist, ri takom la ulok.

2 Corintios 1:1

Ri in Pawl, in takom rech ri Jesucrist rumal ri u rayibal ri Dios. In xukuje' ri kachalal Timotey cäkatz'ibaj we wuj ri' chque ri e re ri u comon cojonelab ri Dios ri c'o pa Corint, xukuje' chque conojel ri winak ri e rech ri Dios ri e c'o pa Acay.

Ri Xuan 10:28

In quinya' junalic c'aslemal chque. Mawi jumul cäsach na qui wäch chbe k'ij sak. Man c'o ta jun quetokin na pa nu k'ab.

Ri Tit 1:2

rech cu'l qui c'u'x chi c'o junalic qui c'aslemal, ri u bim ulok ri Dios chi cuya' na. Are ri Dios man banal ta tzij, u bim c'u ulok wa' c'ä majok cätiquitaj ulok ri uwächulew.

Efesios 3:6

che u bixic wa': chi rumal ri tijonic aj colobal ib, ri man aj judeyib taj cäquic'am na ri junam echbal cuc' ri aj judeyib, e u tz'akatil c'ut ri junam cuerp, junam c'ut cäquic'am que ri chi'nic ri xuban ri Dios rumal ri Crist Jesus.

Ri Xuan 6:40

Are c'u wa' ri u rayibal ri nu Tat, chi conojel ri queca'y che ri C'ojolaxel, quecojon c'u che ri are', cäc'oji' junalic qui c'aslemal, ri in quebenc'astajisaj na pa ri q'uisbal k'ij.”

1 Juan 2:25

Are c'u wa' ri kas u chi'm ri Jesucrist chke: ri junalic c'aslemal.

1 Timoteo 6:19

Jeri' cäquimulij k'inomal chbil quib xukuje' cäquiyac jun utzalaj tac'alibal chque ri k'ij ri quepe na, rech cäquichap ri kastzij c'aslemal.

2 Corintios 1:20

Conojel ri jastak ri u bim ri Dios chi cuya' chke, queyataj chke rumal ri Jesucrist. Rumal ri', aretak cäkanimarisaj u k'ij ri Dios, cäkabij “je chbanok” rumal ri Jesucrist.

1 Corintios 1:1

In, Pawl, in siq'uim che takom rech ri Jesucrist rumal ri u rayibal ri Dios, wachil ri kachalal Sostens,

Romanos 6:23

Ri tojbal ri cuya' ri macaj, are ri cämical; are c'u ri cochinic ri cuya' ri Dios, junalic c'aslemal pa ri u rikic kib ruc' ri Crist Jesus, ri Kajaw.

Romanos 5:21

Rech jeri', jacha' chi ri mac xajawin che cämical, je c'u ri' xukuje' ri tok'ob chajawin che suq'uilal che junalic qui c'aslemal rumal ri Jesucrist, ri Kajaw.

Romanos 1:1

In Pawl, in pataninel rech ri Jesucrist. In siq'uim xukuje' in tasom rumal ri Dios che takom, rech quintzijoj ri utzalaj tak tzij re colobal ib.

Ri Xuan 6:54

Ri cutij ri nu cuerp, ri cuq'uian ri nu quiq'uel, are ri' c'o junalic u c'aslemal; quinc'astajisaj c'u na pa ri q'uisbal k'ij.

Ri Xuan 5:24

Kastzij, kastzij quinbij chiwe: Apachin ri cutatabej ri nu tzij, ri cäcojon che ri xintakow ulok, c'o junalic u c'aslemal. Man cäc'äjisax ta u wäch, xane' xel pa cämical, xk'ax pa c'aslemal.

Gálatas 3:26

Iwonojel c'ut ix ralc'ual ri Dios rumal ri cojonic che ri Crist Jesus.

Gálatas 3:28

Man c'o ta c'u aj judeyib, mawi man aj judeyib taj; man c'o ta lok'om pataninel, mawi tzokopitalic; mawi achi, mawi ixok; iwonojel xa' ix jun pa Crist Jesus.

2 Timoteo 1:9

ri xujucolo ri xujusiq'uij xukuje' xutas ri ka c'aslemal che ri are', man rumal ta c'u ri ka banom, xane' rumal ri u rayinic ri u tok'ob ri u yo'm chke pa Crist Jesus, c'ä majok tak ri e k'ij junab,

2 Timoteo 1:10

camic c'ut xk'alajisax ri u tok'ob chke rumal ri u petbal ri ka Colonel ri Crist Jesus. Ri are' xusach u wäch ri cämical, xuc'am ulok ri c'aslemal chi sak ri man cäq'uis ta u wäch rumal ri tzij re colobal ib.

2 Timoteo 1:13

Chabij ri tzij jacha' ri xata' wuc', ri utzalaj tzij ri man c'o ta etzelal che. Chac'olo' ronojel ruc' ri cojonic xukuje' ri lok'ok'ebal c'u'x ri cäya' chke rumal ri Crist Jesus.

2 Timoteo 2:1

Ri at, nu c'ojol, chatux co pa ri tok'ob ri c'o pa ri Crist Jesus.

2 Timoteo 2:3

At c'ut chach'ija' ri c'ax junam wuc' je jas jun utzalaj rajch'o'j ri Jesucrist.

2 Timoteo 2:10

Rumal ri' quinch'ij conojel ri rikoj c'ax che cutzil ri e cha'om, rech xukuje' ri e are' cäquirik ri colobal ib ri c'o pa Crist Jesus ruc' ri junalicalaj juluwem.

2 Timoteo 3:15

Aweta'm c'ut chi aretak at ch'utin na xawetamaj ri tastalic tak Tz'ibatalic, ri cäcuin chuyic a no'j chrij ri a colic rumal ri cojonic che ri Crist Jesus.

Ri Tit 1:4

Quintz'ibaj we wuj ri' chawe, Tit, kas at nu c'ojol pa ri cojonic, xa' junam c'ut ri ka cojonic uj quieb. Are ta ri Dios Tataxel xukuje' ri ka Colonel Jesucrist cuban tok'ob chawe, cuya' jamaril chixo'l ruc'.