2 Pedro 3:16 - Quiché Bible

¹⁶ Xukuje' pa conojel ri u wuj xebutzijoj wi we jastak ri'. E c'o jujun chque ri jastak ri' c'ax qui ch'obic, jech'bam u bixic cumal ri winak ri man c'o ta quetam xukuje' ri man e cowirisam taj, jas cäquiban chque ri niq'uiaj Tz'ibatalic chic. Rumal wa' cäquic'am ulok sachbal qui wäch.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ Pa ronojel ri uwuj ri Pablo xtzijon chirij ri upetibꞌal ri Cristo, pune kꞌo jastaq ri kꞌax uchꞌobꞌik, are kꞌu ri winaq ri maj ketaꞌmabꞌal kakikꞌex ubꞌixik we tzij riꞌ, je kakibꞌan che ronojel ri utzij ri Dios, nimalaj kꞌax kꞌu na kape pa kiwiꞌ we winaq ri jeriꞌ kakibꞌano.

K'iche'

¹⁶ Pa conojel tak ri wuj ri u tz'ibam are tzijoninak chrij ronojel wa' ri nu bim chiwe. Kas tzij chi e c'o jujun chque ru tzij ri c'äx qui ch'obic. Are c'u ri winak ri man c'o tä quetam, xukuje' ri cojonelab ri xa quieb canima' quecojonic, e are' cäquijechba' ri cäquibij we wuj ri', junam jas ri cäca'n che ri niq'uiaj chic re ru Lok' Pixab ri Dios ri Tz'ibtalic. Aretak je' cäca'n wa', xa c'äx tajin cäquic'am lok pa qui wi', cäsach c'u na qui wäch.

K'iche' (New Orthography)

¹⁶ Pa konojel taq ri wuj ri u tz'ib'am are tzijoninaq chrij ronojel wa' ri nu b'im chiwe. Qas tzij chi e k'o jujun chke ru tzij ri k'äx ki ch'ob'ik. Are k'u ri winaq ri man k'o tä ketam, xuquje' ri kojonelab' ri xa kieb' kanima' kekojonik, e are' käkijechb'a' ri käkib'ij we wuj ri', junam jas ri käka'n che ri nik'iaj chik re ru Loq' Pixab' ri Dios ri Tz'ib'talik. Aretaq je' käka'n wa', xa k'äx tajin käkik'am loq pa ki wi', käsach k'u na ki wäch.

2 Pedro 3:16 ပူးပေါင်းရင်းမြစ်များ

Chapletajic 49:4

Man at ta chi c'ut ri at nabe, at junam ruc' jun nimalaj ja' ri man k'atatijel taj: xatz'iloj ri nu ch'at aretak xatwar ruc' jun chque ri man kas ta wixokil.

Nabe Ajawinelab 10:1

Ri ixok ri cajawin pa Saba xuta' u tzijol ri nimalaj u banic ri Salomon ri u rikom che u ya'ic u k'ij ri Ajawaxel, xbe c'u pa Jerusalen, che rilic we kastzij ri cabixic e ruc'am c'u bic c'axalaj tak c'otoj chi'aj che. Sibalaj c'u wiktalic xopanic, e ruc'am cameyib ri quekam c'oc'al, jumulaj k'an puak, xukuje' je'licalaj tak abaj ri sibalaj pakal cajil. Aretak xoc chuwäch ri Salomon, xebuban ri c'otoj tak chi'aj che ri u chomam u banic,

Salmib 56:5

Amak'el c'ax quech'aw chwe; xuwi cäquichomaj u banic c'ax chwe.

Elem 23:2

Maban awech ri etzelal ri cäquiban ri tinimit winak. Macoj awib cuc' ri tinimit winak cho ri k'atal tzij, che u banic jun etzelal,

Elem 23:6

Majech'obisaj ri suq'uilal ri ya'tal che ri meba' aretak cak'at tzij puwi',

Ri Jeremiy 23:36

Mucoj chi c'ut ri tzij ‘u chilibenic ri Ajawaxel’, we c'u ne c'o jachin jun cacojowic, quinban na chi ri e u tzij quebux jun chilibenic. Ix i q'uexom ri quel caquibij ri u tzij ri c'aslic Dios, ri rech ri i Dios, ri Ajawaxel ri c'o ronojel u cuinem.

Ri Habacuc 1:4

Man cäya' ta u k'ij ri pixab, man nim ta quil wi ri winak, ri lawalo cuban c'ax che ri utz, cajech'obisax c'ut ri suq'uilal.

Ri Matey 15:3

Ri Jesus xubij chque: “¿Jasche ri ix quinimaj ri qui bim ulok ri ojer tak winak, man quinimaj ta c'ut ri u takanic ri Dios?

Ri Matey 15:6

Man ya'tal ta chi che chi nim ta caril wi ri u tat o ri u nan. Jeri' man quiya' ta u k'ij ri u takanic ri Dios are c'u quiya' u k'ij ri i tijonic pa iwech wi.

Ri Matey 22:29

Ri Jesus xubij chque: “Ri ix ix sachinak rumal rech chi man iweta'm ta ri Tz'ibatalic, mawi ri u cuinem ri Dios.

U Camulixic ri Pixab 16:19

Mijech'ba' ri suq'uil; jalan mebiwil wi ri winak, mic'am u pa k'abaj, ri u pa k'abaj cuban moy chque ri c'o qui no'j, xukuje' cujech'ba' ri qui tzij ri suc'alaj tak winak.

Filipenses 3:19

Cäpe c'u na jun k'ij aretak cäsach na qui wäch ri winak ri'. Ri are' qui dios ri itzel tak u rayinic ri qui ti'jal, cäquinimarisaj qui k'ij chrij q'uixbalalaj tak jastak. Cäquichomaj xuwi ri jastak aj uwächulew.

Hebreos 5:11

Sibalaj c'o na ri cäkabij che wa'. Sibalaj c'ax c'u u bixic, rumal rech chi ri ix beyowinak che ch'obonic.

Santiago 1:8

Ri winak ri quieb ranima' xak cäbak'otic pa conojel ri u be.

1 Pedro 1:1

Ri in Lu', in takom re ri Jesucrist, quintz'ibaj we wuj ri' chque ri e jabuninak pa Pont, pa Galas, pa Capados, pa Asiy, xukuje' pa Bitin, ri man chila' taj ri qui tinimit,

1 Pedro 2:8

xukuje' tz'ibatalic: “Are abaj cäquichak'ij quib ri winak chrij, are nimalaj abaj quetzak ri winak chrij.” Quetzak rumal ri tzij, rumal rech chi man cäquinimaj taj; che c'u wa' xecoj wi.

2 Pedro 2:1

Xukuje' xec'oji' can chquixo'l ri winak ojer jujun ri xak xquijaluj quib chi e k'axal tak u tzij ri Dios. Xukuje' chixo'l ix quec'oji' na jujun ri cäquijaluj na quib chi e ajtijab. Ri e are' chi c'uyal cäquic'am ulok tijonic ri quec'amow bic ri winak pa ri c'ax. Man caquik'alajisaj taj ri Ajawaxel ri xecolowic. Rumal ri' chanim cäsach na qui wäch rumal rech ri cäquibano.

2 Pedro 2:14

Nojinak ri qui bak'wäch che quikajic pa mac cuc' niq'uiaj chic aretak quequil ri ixokib. Man cäquitänaba' ta ri macunic, cäquicoj qui c'u'x ri winak ri e tukar pa ri qui chomanic, quequiquiäk rayij ri jastak quech ri winak, e c'o chuxe' c'okonic.

2 Pedro 3:14

Rumal ri', lok'alaj tak wachalal, iweye'm we jastak ri', chicojo' apan i chuk'ab, rech quixulurika' ri Dios pa jamaril, man ix tz'ajtajinak ta apanok, ix ch'ajch'oj.

2 Pedro 3:2

Rech cänataj chiwe ri tzij ri bim can cumal ri tastalic k'axal tak tzij, xukuje' ri u takanic ri Ajawaxel, ri Colonel, ri xixtijox wi cumal ri e u takomxenlab.

Ri Juds 1:4

E c'o jujun winak ri e oquinak chixo'l chi c'uyal. E are wa' ri e bim ulok ojer rumal ri Tz'ibatalic, chi cäc'äjisax na qui wäch, man cäquiya' ta u k'ij ri Dios, xak cäquicoj ri u tok'ob ri Dios che u banic ronojel itzel rayinic, ri cäquic'u' ri Dios ri xa jun Kajchak'e xukuje' ri Kajaw Jesucrist.