2 Pedro 3:12 - Quiché Bible

¹² Chiweyej xukuje' chiwanej iwib che ri u petic ri u k'ij ri Dios, aretak ri caj quec'at na xukuje' cäsach na qui wäch, xukuje' ri jastak ri xebanbex re quenicow na xukuje' queja'r na.

RI KꞌAKꞌ TESTAMENTO PA TZIJOBꞌAL KꞌICHEꞌ

¹² rech jeriꞌ kiwayeꞌj ri qꞌij rech ri upetibꞌal ri Dios. Che ri qꞌij riꞌ, rukꞌ qꞌaqꞌ ketukix na ri kaj, kejaꞌrisax na.

K'iche'

¹² Chixoc ba' il che reyexic ru k'ij ri Dios, chibana c'u ri quixcowin che chubanic chi cäpe chanim. Pa ri k'ij ri' cäporox na ri caj, cäsach c'u na u wäch wa' rumal ri k'ak'. Ronojel ri c'o chila' cho ri caj quenicow na ri', queja'r c'u na wa'.

K'iche' (New Orthography)

¹² Chixok b'a' il che reyexik ru q'ij ri Dios, chib'ana k'u ri kixkowin che chub'anik chi käpe chanim. Pa ri q'ij ri' käporox na ri kaj, käsach k'u na u wäch wa' rumal ri q'aq'. Ronojel ri k'o chila' cho ri kaj kenikow na ri', keja'r k'u na wa'.

2 Pedro 3:12 ပူးပေါင်းရင်းမြစ်များ

Salmib 50:3

Ri ka Dios cäpetic, man xak ta c'u chi jeri': nabejinak jun k'ak' chuwäch ri cäsachan wächaj; terenetal rumal jun xibibalalaj cakulja.

Ri Isaiy 24:19

Sibalaj cäbirbob na ri ulew, cäyicop na, cuban na ch'akatak.

Ri Isaiy 34:4

Conojel ri ch'imil ri e c'o chicaj quetuquin na, ri caj cubot na rib jacha' jun wuj, conojel ri ch'imil quechup na, jacha' ri u chaki'jaric xukuje' ri u tzakic jun xakaj ri ch'upch'ubinak che ri juwi' uva o che ri juwi' higo.

Ri Miquey 1:4

Chquixe' tak ri rakan quelebebic tak na ri juyub jacha' ri xcab ri cäcoj puwi' ri k'ak', e are tak c'ut ri beya' quejakjob na pa cacab je ta ne ri queramix ta rumal jun nimalaj nima'.

Ri Matey 16:27

Ri Rija'l winak cäpe cuc' ri tako'nib aj caj, ruc' ri u juluwem ri u Tat, c'äte c'u ri' quebutoj na ri winak chquijujunal je jas ri qui chac ri qui banom.

Ri Matey 16:28

Kastzij quinbij chiwe: E c'o jujun chque ri e c'o waral, c'ä maja' quecämic cäquil na ri Rija'l winak petinak pa ri rajawibal.”

Filipenses 1:6

Cu'l nu c'u'x chi ri Dios, ri xuchaplej ri utzalaj chac pa ri i c'aslemal, cutz'akatisaj na c'ä pa ri k'ij aretak cätzelej na ulok ri Jesucrist.

Ri Tit 2:13

chi cäkeyej na ri juluwemalaj u petic ri nimalaj ka Dios xukuje' ri ka Colonel Jesucrist, nim u k'ij cäpetic. Are wa' ri ka quicotemal xukuje' ri cu'lbal ka c'u'x.

2 Pedro 3:10

Cäpe c'u na ri k'ij re ri Ajawaxel jas jun eläk'om. Pa ri k'ij ri', cäsach c'u na u wäch ri caj, cätataj c'u na ri jun nimalaj jininem. Ri jastak ri xebanbex re quenicow na, cäsach qui wäch. Ri uwächulew xukuje' ri chac ri e c'o chuwäch quechajirisax na.

2 Pedro 3:11

U mac c'u rech chi conojel ri jastak cäsachisax na qui wäch, ¡sibalaj rajawaxic chi quixbin pa jun tastalic i c'aslemal xukuje' quixniman che ri Dios!

2 Pedro 3:4

cäquibij: “¿Jawije' c'o wi ri u petic ri Ajawaxel ri bim ulok? Bim chi ya' wa' aretak c'ä majok checäm ri e ka mam, conojel c'ut ri jastak xa' je wi qui wäch jas ri pa ri u tiquiritajic ulok ri uwächulew c'ä camic.”

2 Pedro 3:7

Are c'u ri caj ulew ri e c'o camic, e chajin rumal ri u tzij ri Dios c'ä pa ri k'ij re k'atoj tzij, queporox c'u na, aretak cäsach na qui wäch ri winak ri man cäquiya' ta u k'ij ri Dios.

Ri Juds 1:21

Chichajij iwib pa ri lok'ok'ebal u c'u'x ri Dios. Chiweyej na ri k'ij aretak ri Kajaw Jesucrist ruc'am ulok ri lok'ok'ebal c'u'x chke, xukuje' ri junalic c'aslemal ri u bim chke.