2 Pedro 3:10 - Quiché Bible

¹⁰ Cäpe c'u na ri k'ij re ri Ajawaxel jas jun eläk'om. Pa ri k'ij ri', cäsach c'u na u wäch ri caj, cätataj c'u na ri jun nimalaj jininem. Ri jastak ri xebanbex re quenicow na, cäsach qui wäch. Ri uwächulew xukuje' ri chac ri e c'o chuwäch quechajirisax na.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Are kꞌu ri qꞌij rech ri upetibꞌal ri Ajawxel kajunumataj rukꞌ ri upetibꞌal jun elaqꞌom. Che ri qꞌij riꞌ katukix na ri kaj. Ronojel ri jastaq ri kꞌo choch ri uwachulew xuqujeꞌ ri uwachulew kaporox na rumal ri qꞌaqꞌ.

K'iche'

¹⁰ Man c'o tä c'u jun retam ri kas k'ij ri cäpe na ri Kajaw Jesús, xane je' cäc'ulmataj na wa' jas ri cuban jun elak'om coc pa jun ja chak'ab, ri man cuna' tä jun. Pa ri k'ij ri' cäsach u wäch ri caj, cäjinin c'u na jas ru jininem jun nimalaj cäbrakan cäpetic. Ronojel c'u ri c'o chicaj, ri k'ij, ri ic', ri ch'imil, ronojel ri c'olic queporox na, cäsach c'u qui wäch rumal ri k'ak'. Ruwächulew, xukuje' ronojel ri c'o cho ruwächulew queporox na, cäsach c'u na qui wäch.

K'iche' (New Orthography)

¹⁰ Man k'o tä k'u jun retam ri qas q'ij ri käpe na ri Qajaw Jesús, xane je' käk'ulmataj na wa' jas ri kub'an jun elaq'om kok pa jun ja chaq'ab', ri man kuna' tä jun. Pa ri q'ij ri' käsach u wäch ri kaj, käjinin k'u na jas ru jininem jun nimalaj käb'raqan käpetik. Ronojel k'u ri k'o chikaj, ri q'ij, ri ik', ri ch'imil, ronojel ri k'olik keporox na, käsach k'u ki wäch rumal ri q'aq'. Ruwächulew, xuquje' ronojel ri k'o cho ruwächulew keporox na, käsach k'u na ki wäch.

2 Pedro 3:10 ပူးပေါင်းရင်းမြစ်များ

Salmib 102:26

Ronojel wa' cäsach na u wäch, are c'u ri lal co lal c'olic. Ronojel wa' cäjar na jacha' ri atz'iak; lal caq'uexow na la, cacanaj c'u q'uextajinak, jas ri cuban jun cuq'uex ri ratz'iak.

Salmib 46:6

Ri nimak tak tinimit quebel ch'u'j, ri ajawibal quebirbobic, ri uwächulew capuc'pubic aretak cuya' chi cätataj ri u ch'abal.

Salmib 97:5

Ri c'ache'laj quejaric jacha' ri xca'b chuwäch ri Ajawaxel, ri ajchak'e ronojel ri uwächulew.

Ri Isaiy 2:12

pa ri k'ij aretak ri Ajawaxel ri c'o ronojel u cuinem cuyac rib chrij ronojel winak ri cuban nimal Xukuje' ri cunimarisaj rib, xukuje' chrij ronojel winak ri cuna' rib chi nim u banic, che u mach'irisaxic;

Ri Isaiy 24:19

Sibalaj cäbirbob na ri ulew, cäyicop na, cuban na ch'akatak.

Ri Isaiy 34:4

Conojel ri ch'imil ri e c'o chicaj quetuquin na, ri caj cubot na rib jacha' jun wuj, conojel ri ch'imil quechup na, jacha' ri u chaki'jaric xukuje' ri u tzakic jun xakaj ri ch'upch'ubinak che ri juwi' uva o che ri juwi' higo.

Ri Isaiy 51:6

Chixca'y chicaj, chixca'y iquim, cho ri ulew: ri caj cäsach na u wäch jacha' ri sib, ri ulew cajar na jacha' jun atz'iak ri winak ri e c'o chuwäch quecäm na e jacha' ri us. Are c'u ri nu colonic cac'oji' na chbe k'ij sak, ri nu colobenic man caq'uis ta na.

Ri Joel 1:15

¡Ay, cänakajin ri u k'ij ri Ajawaxel! ¡Xibibalalaj k'ij, ri cuc'am ulok sachoj wächaj pakawi' rumal ri c'o ronojel u cuinem!

Ri Joel 2:1

Chiwok'isaj ri trompet chupam ri juyub Sion; chiya' ri u bixic chupam ri tastalic u juyub ri Ajawaxel. Chebirbot conojel ri e jekel pa Juda, rumal rech chi nakaj chic c'o wi ri u k'ij ri Ajawaxel;

Ri Joel 2:31

Ri k'ij cux na k'ekumalil, ri ic' cux na quic' c'ä majok chopan ri u k'ij ri Ajawaxel, nimalaj k'ij xukuje' xibibal.”

Ri Joel 3:14

E c'o e q'uia winak chupam ri beya' re ri k'atan tzij, rumal rech chi nakaj chic c'o wi ri u k'ij ri Ajawaxel.

Ri Amos 9:13

“Quepe na k'ij aretak c'a cätajin cäk'at ri trico aretak k'ijol chic che u tajixic ri ulew, xukuje' aretak c'a maja' cäq'uis qui pitz'ic ri uva aretak opaninak chic ri k'ijol che u tiquic ri trico. Pa tak juyub xukuje' tza'm tak juyub cabelel wi na ri u wa'l uva jacha' ri joron.

Ri Amos 9:5

Ri Ajawaxel, ri Dios ri c'o ronojel u cuinem, cuchap ri ulew, cäjar c'ut ri ulew quebok' c'u conojel ri e jekejoj chuwäch. Ri ulew capakic xukuje' cäkajic, jacha' ri qui pakalem xukuje' ri qui kajem tak ri e u ja'il ri Nil.

Ri Miquey 1:4

Chquixe' tak ri rakan quelebebic tak na ri juyub jacha' ri xcab ri cäcoj puwi' ri k'ak', e are tak c'ut ri beya' quejakjob na pa cacab je ta ne ri queramix ta rumal jun nimalaj nima'.

Ri Nahum 1:5

Chuwäch are' quebirbob ri c'ache'laj; ri tac'atak tak juyub queja'r chuwäch ri u wächbal. Ronojel ri ulew cabirbobic aretak carilo; ronojel ri uwächulew xukuje' conojel ri e jekel chuwäch.

Ri Malaquiy 4:5

Chiwila' ix: Quintak bic ri k'axal nu tzij chiwe ri Eliy, c'a majok chopan ri u k'ij ri Ajawaxel, ri cux na jun nimalaj k'ij xukuje' xibibal.

Ri Matey 24:35

Ri caj ulew casach na qui wäch. Are c'u ri nu tzij mawi jubik' casach u wäch.

Marcos 13:31

Queboc'ow na ri caj ulew. Are c'u ri nu tzij man queboc'ow taj.

Ri Lucax 12:39

Are wa' chich'obo', chi we ta ri rajaw ja cäretamaj jachique jok'otaj cäpe ri eläk'om, cäc'asc'at ta ri', ma ta cuya' ri' chi ri eläk'om coc pa ri rachoch.

Romanos 8:20

Conojel ri e banom rumal ri Dios xebux man c'o ta qui patan. Man xak ta c'u pa quech wi xquic'ulmaj wa', xane' je xraj ri Dios chque, rech cäqueyej jun k'ij

1 Corintios 1:8

Ri are' co quixutiquiba' na c'ä pa ri q'uisbal k'ij, rech man c'o ta etzelal cäriktaj na chiwij pa ri u k'ijol ri Kajaw Jesucrist.

1 Corintios 5:5

Chijacha ba' ri achi ri' pa u k'ab ri Satanas rech cäsach u wäch ri u cuerp, cäcolotaj c'u na ri ruxlabal pa ri u k'ij ri Ajawaxel Jesus.

2 Corintios 1:14

je jas ri iwetamam chi jubik', chi cäquicot ri iwanima' rumal kech uj aretak cäpe ri u k'ij ri Kajaw Jesucrist, ri uj xukuje' cäquicot na ri kanima' rumal iwech.

1 Tesalonicenses 5:2

Ix c'ut kas iweta'm chi ri u k'ij ri Ajawaxel, je u petic jas ri eläk'om chak'ab.

1 Tesalonicenses 5:4

Are c'u ri ix wachalal, man ix c'o ta chupam ri k'ekumalil, rech quixukajbej we k'ij ri' jacha' jun eläk'om.

2 Pedro 3:11

U mac c'u rech chi conojel ri jastak cäsachisax na qui wäch, ¡sibalaj rajawaxic chi quixbin pa jun tastalic i c'aslemal xukuje' quixniman che ri Dios!

2 Pedro 3:12

Chiweyej xukuje' chiwanej iwib che ri u petic ri u k'ij ri Dios, aretak ri caj quec'at na xukuje' cäsach na qui wäch, xukuje' ri jastak ri xebanbex re quenicow na xukuje' queja'r na.

2 Pedro 3:7

Are c'u ri caj ulew ri e c'o camic, e chajin rumal ri u tzij ri Dios c'ä pa ri k'ij re k'atoj tzij, queporox c'u na, aretak cäsach na qui wäch ri winak ri man cäquiya' ta u k'ij ri Dios.

Ri Juds 1:6

Xukuje' ri e tako'nib aj caj ri xquiya' can ri takanic ri yo'm pa qui k'ab nabe, ri xquiya' can ri qui c'olbal ri e c'o wi, ri Dios e u c'olom cuc' junalic tak ximibal pa k'ekumal c'ä pa ri k'atoj tzij re ri nimalaj k'ij.

Apocalipsis 16:15

Chiwilampe', quinpetic je jacha' jun eläk'om. Utz re ri cäc'asc'atic, ri quebuchajij ri ratz'iak, rech man ch'anal taj cäbinic, man quebel ta ri u q'uixbal.

Apocalipsis 20:11

Xinwil c'u jun nim sakloloj tem re ajawibal xukuje' c'u ri t'uyul puwi'. Ri caj xukuje' ri ulew xebanimaj chuwäch ri are'. Man xriktaj ta jun c'olbal chque.

Apocalipsis 21:1

Xinwil jun c'ac'alaj caj xukuje' jun c'ac'alaj ulew. Ri nabe caj xukuje' ri nabe ulew xeboc'owic. Xukuje' ri plo man c'o ta chic.

Apocalipsis 3:3

Chnataj ba chawe ri tzij ri a c'amom xukuje' ri a tom; chabana', chaq'uexa' ri a c'u'x. We c'u man catc'asc'atic, quinpe awuc' jacha' ta ne jun eläk'om, man c'o ta canabej jachique jok'otaj quinpe awuc'.

Apocalipsis 6:14

Ri caj xesax apanok je ta ne jun wuj ri cäbotic. Conojel ri juyub xebel pa ri qui c'olbal, xukuje' ri ch'akatak tak ulew ri e c'o pa qui niq'uiajil tak ri plo.