2 Pedro 2:20 - Quiché Bible

²⁰ Aretak e animajinak chquiwäch ri tz'ilol re ri uwächulew rumal ri retamaxic u wäch ri Ajawaxel xukuje' ri Colonel Jesucrist, we c'u qui caralij chi jumul quib chupam, sibalaj c'ax na ri' cäquiriko chuwäch ri nabe.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ We xel loq jun pa ri etzelal ri kꞌo choch ri uwachulew are xretaꞌmaj uwach ri Ajawxel xuqujeꞌ kolonel Jesucristo, kꞌa te riꞌ katzalij chik pa ri etzelal, kachꞌeketaj chi junmul kꞌax kꞌu na ri kꞌaslemal ri kukꞌaslebꞌej cho ri nabꞌe ukꞌaslemal kanoq.

K'iche'

²⁰ Ri winak ri xquito' quib, ri ya e elinak chic chupam ri etzelal re ri uwächulew rumal ri retamaxic u wäch ri Kajaw Jesucristo ri To'l Ke, ri xquetamaj u wäch pa canima', te c'u ri' quetzelej chi chupam ri etzelal, quech'actaj c'u rumal, ri q'uisbal re ri qui c'aslemal we winak ri' sibalaj c'äx na chuwäch ri nabe.

K'iche' (New Orthography)

²⁰ Ri winaq ri xkito' kib', ri ya e elinaq chik chupam ri etzelal re ri uwächulew rumal ri retamaxik u wäch ri Qajaw Jesucristo ri To'l Qe, ri xketamaj u wäch pa kanima', te k'u ri' ketzelej chi chupam ri etzelal, kech'aktaj k'u rumal, ri k'isb'al re ri ki k'aslemal we winaq ri' sib'alaj k'äx na chuwäch ri nab'e.

2 Pedro 2:20 ပူးပေါင်းရင်းမြစ်များ

Ri Ezequiel 33:13

We ri in quinchi'j c'aslemal che jun utzalaj winak, cuk'aba' c'u rib chrij ri rutzil cuban c'u ri etzelal, man c'o ta jun chque ri utzalaj tak jastak ri e u banom quenwajilaj ta na chrij, xane' cäcäm na rumal ri mac ri u banom.

Aj Levitib 13:20

We ri cojol tabal tok'ob; carilo chi ri u rikom wi ri c'axc'obic mecmobinak pa ri u tz'umal, sakarinak c'u ri rismal, ri cojol tabal tok'ob cuk'alajisaj chi tz'il we winak ri', u ch'aquil chuwilaj ch'a'c wa' ri c'o che.

Aj Levitib 13:55

Aretak ch'ajtajinak chic ri tz'aj cunic'oj ri cojol tabal tok'ob. We c'u cärilo chi ri tz'aj man sachinak taj, tz'aj, ri jasach takal u poroxic, pune' ri tz'aj man u jabum ta rib, xa benak chupam, we chupam c'o wi xukuje' we chrij c'o wi.

Aj Levitib 14:43

We c'u cäpok' chi jumul ri yabil pa ri ja, aretak e cojom chi tak ri abaj, josom chi ri u tapia, xukuje' banom chic c'ac' u tz'akixic,

Ajilanic 24:20

Xril c'u apanok ri Balaam ri Amalec, xuya' c'u u bixic ri cac'ulmataj na: “Ri Amalec are jun nim tinimit ri nim u banic, xa c'u kas casachisax na u wäch.”

U Camulixic ri Pixab 32:29

We ta c'o qui no'j, cäquich'ob ta ri'; cäquetamaj ta ri' jas quebel na.

Filipenses 3:19

Cäpe c'u na jun k'ij aretak cäsach na qui wäch ri winak ri'. Ri are' qui dios ri itzel tak u rayinic ri qui ti'jal, cäquinimarisaj qui k'ij chrij q'uixbalalaj tak jastak. Cäquichomaj xuwi ri jastak aj uwächulew.

2 Timoteo 2:4

Man c'o ta jun ajch'o'j ri cuputzcuyij ta rib chupam ri jastak quech ri winak; rajawaxic c'ut chi are cuban cakaj chuwäch ri xcojow che ch'o'j.

Santiago 1:27

Ri k'ijilanic che ri Dios ri kas ch'ajch'oj, ri man tz'ajtal ta chuwäch ri Dios Tataxel are wa': Chi quekilij ri malca'nib xukuje' ri man c'o ta chic qui tat qui nan, ri e c'o pa c'axc'olil, xukuje' chi cäkachajij kib man cakatz'aj ta kib, man cakaban ta ri etzelal re ri uwächulew.

2 Pedro 1:11

Jeri' cäya' na nimalaj oquibal chiwe pa ri junalic rajawibal ri Kajaw, ka Colonel Jesucrist.

2 Pedro 1:2

Quinwaj chi kas quiwetamaj u wäch ri Dios xukuje' ri Kajaw Jesus, rech ri u tok'ob xukuje' ri jamaril sibalaj queq'uiyir ta na pa tak ri iwanima'.

2 Pedro 1:3

Ri Dios, rumal ri u cuinem, u sipam conojel ri rajawaxic che ri ka c'aslemal, rech cujniman che ri are', rumal rech chi keta'm u wäch ri jun ri xujusiq'uij rumal ri u juluwem xukuje' ri rutzil.

2 Pedro 1:4

Rumal ri u juluwem xukuje' ri rutzil ri e u sipam chke ri e nimak tak e u chi'nic ri sibalaj e pakal cajil, rech ri ix quixcuinic quebic'am iwech ri u binibal ri Dios rech ri ix quixcuinic man quixkaj ta pa u k'ab ri etzelal ri c'o cho ri uwächulew ri cäpe cumal ri e itzel tak rayibal.

2 Pedro 1:8

We quiban we jastak ri' xukuje' queq'uiyir iwuc', man cuya' ta ri' xak quitzak k'ij, xane cäc'oji' na i wächinic rumal ri retamaxic u wäch ri Kajaw Jesucrist.

2 Pedro 2:18

Cäquibij nimak tak tzij ri man c'o ta qui patan. Ruc' ri etzelal ri curayij ri qui ti'jal, cäquicoj qui c'u'x ri winak ri c'ämaja' naj quiyo'm can ri sachinakil.

2 Pedro 3:18

Chixq'uiy ba' pa ri u tok'ob xukuje' pa ri retamaxic u wäch ri Kajaw xukuje' ka Colonel Jesucrist xukuje' c'ä pa tak ri k'ij junab chbe k'ij sak. Je chbanok.