2 Pedro 2:2 - Quiché Bible

² E q'ui c'ut quequiterenej na pa ri quitzokopin tak ib re munil. Cäyok' c'u ri be re ri kastzij rumal quech.

RI KꞌAKꞌ TESTAMENTO PA TZIJOBꞌAL KꞌICHEꞌ

² E kꞌi na kakesaj uwach ri kꞌixibꞌal taq jastaq ri kakibꞌan we aꞌjtijabꞌ riꞌ, rumal ke kabꞌix na kꞌax taq tzij che ri bꞌe rech qas tzij.

K'iche'

² Pune ta ne je ri', e q'uia ri cäquitakej u banic ri cäca'n ri e are' pa ri itzelalaj qui c'aslemal ri sibalaj man utz tä u banic. Rumal c'u quech ri e are' ri winak cäquibij na ri äwas u bixic chrij ri Utzalaj Tzij re ri Evangelio, ri kas be ri copan ruc' ri Dios.

K'iche' (New Orthography)

² Pune ta ne je ri', e k'ia ri käkitaqej u b'anik ri käka'n ri e are' pa ri itzelalaj ki k'aslemal ri sib'alaj man utz tä u b'anik. Rumal k'u kech ri e are' ri winaq käkib'ij na ri äwas u b'ixik chrij ri Utzalaj Tzij re ri Evangelio, ri qas b'e ri kopan ruk' ri Dios.

2 Pedro 2:2 ပူးပေါင်းရင်းမြစ်များ

Chapletajic 19:5

xquichaplej u rakic qui chi' che ri Lot, xquibij: “¿Jawije' e c'o wi ri achijab ri xeboc pa ri awachoch pa we chak'ab ri'? ¡Chebawesaj ulok! ¡Cäkaj cujk'oyi cuc'!”

Salmib 18:21

nu terenem c'ut ri u be ri Ajawaxel; mawi jubik' nu xutum can ta ri nu Dios.

Ri Isaiy 35:8

Cäc'oji' na jun be, ri cabinax na “ri be ri tastalic”. Ri man e ch'ajch'oj taj man cuya' ta caquibinibej; ri man c'o ta qui no'j man cuya' ta cäquibinibej.

Ri Jeremiy 6:16

Ri Ajawaxel cubij che ri u tinimit: “Chixtac'al pa tak ri be chixca'y c'ut, chich'obo' jachique tak ri ojer tak be, ri c'o wi ri utzalaj be; chitakej quirik c'u na ri uxlanem.” Caquibij c'ut ri e are': “Jayi', man cäkaj taj cäkatakej.”

Ri Matey 22:16

Xequitak bic ri qui tijoxelab ruc' ri Jesus e cachil ri aj herodib, xquibij che: “Aj tij, keta'm chi ri lal cabij la ri kastzij. Keta'm chi ri lal quetijoj la ri winak ruc' kastzij che ri u be ri Dios, chi man coc ta la il chuwäch jachin jun, we nim u banic o man nim ta u banic, man are ta quil la qui wäch ri winak.

Ri Matey 24:24

Quepe c'u na winak ri cäquijaluj quib chi e Crist. Quepe na ri cäquijaluj quib chi e k'axal tak tzij. Quequiban na nimak tak etal xukuje' mayibal che qui subic we ta cäbantajic xukuje' ne ri e cha'om kas rumal ri Dios.

Ri Matey 7:14

Latz' c'u u wäch ri oquibal, xukuje' alaj u wäch ri be ri quec'aman bic pa ri c'aslemal. Man e q'ui ta c'ut ri querikowic.”

Marcos 12:14

Xebopan ruc' ri Jesus, xquibij che: “Aj tij, keta'm chi lal cäbij la ri kastzij, chi man coc ta la il chuwäch jachin jun; man are ta c'u caca'yej la ri qui wäch ri winak, xane' catijon la ruc' kastzij chrij ri u be ri Dios. ¿La ya'talic cakatoj tojbal che ri nimalaj k'atal tzij Sesar, o man ya'tal taj?”

Marcos 13:22

Quewalij na winak ri cäquijaluj quib chi e crist, cäquijaluj quib chi e k'axal tak tzij. Quequiban na etal xukuje' mayibal che qui subic we quecuin chque xukuje' ne ri e cha'talic.

Ri Xuan 14:6

Ri Jesus xubij che: “In ri' ri be, ri kastzij, ri c'aslemal. Man c'o ta jun copan ruc' ri Tataxel, we ta ma ta wumal in.

Hechos 13:10

xubij: “¡Ay, at nojinak che ronojel subunic, che ronojel etzelal, at ralc'ual ri itzel, a banom a c'ulel che ronojel suq'uilal! ¿La ma ta catanaba' u jech'baxic ri suc'alaj u be ri Ajawaxel?

Hechos 14:2

Are c'u ri aj judeyib ri man xecojon taj, xquicoj qui c'u'x ri man aj judeyib taj, xquiban tzij chquij ri kachalal rech cäquiban qui c'ulel chque.

Hechos 16:17

We ali ri' xuterenej ri Pawl xukuje' ri uj curak u chi': “¡We achijab ri' e pataninel rech ri Dios ri aj chicaj, caquiya' c'u u bixic ri be rech colobal ib chiwe!”

Hechos 18:26

Ri Apols xuchaplej tzijonic pa ri ja ri cäquitijoj wi quib ri aj judeyib che ri pixab. Xucoj u chuk'ab che ri tzijonic, man cuxe'j ta rib. Aretak xquita' ri Prisil xukuje' ri Aquil, xquic'am bic cuc'. Xquic'ut ri u be ri Dios chuwäch, ruc' tz'akatil.

Hechos 19:9

E c'o c'u jujun xquicowirisaj ri canima', man xecojon taj. Ri e are' xquiyok' ri C'ac' Be chquiwäch ri winak. Rumal ri' ri Pawl xutas rib chquij, xebuc'am bic ri cojonelab pa ri ja ri cätijon wi jun achi Tiran u bi'. Ronojel k'ij xuban chomanic cuc' chila'.

Hechos 22:4

Xinban c'ax chque ri winak re ri C'ac' Be c'ä pa ri qui cämisaxic. Xebenyutu, xebenjach pa tak che', chi achijab chi ixokib.

Hechos 24:14

Are c'u wa' quink'alajisaj chwäch la, chi quinpatanij ri qui Dios ri nu mam je jas ri u banic we C'ac' Be ri', ri cäquibij juk'at che. Quincoj ronojel ri tz'ibam pa ri pixab xukuje' pa ri qui wuj ri e k'axal tak tzij.

Romanos 2:24

Jas ri tz'ibatalic: “Cäyok' c'u ri u bi' ri Dios chquixo'l ri man aj judeyib taj rumal rech ri quibano.”

1 Timoteo 5:14

Quinwaj ba' chi ri malca'nib ri c'ä e alitomab na chec'ulanok, chequiq'uiyisaj cal, chechacun pa ri cachoch. Jeri' man c'o ta rumal rech queyok' wi cumal ri qui c'ulel.

Ri Tit 2:5

utz qui chomanic, e ch'ajch'oj pa ri qui c'aslemal, cäquiban ri qui chac cho tak cachoch, e utz, qui yo'm quib pa takic chque ri cachajilal, rech man cäyok' ta ri u tzij ri Dios.

Ri Tit 2:8

Utz chabana' che ri a tzijonic, rech man c'o ta etzelal cäriktaj chawij. Jeri' queq'uix ri i c'ulel, man quecuin taj cäquibij jun etzelal chkij.

1 Pedro 2:12

Ronojel utz chibana' chquixo'l ri man cojonelab taj. Jeri', pune' cäquiyac tzij chiwij je jas chquij banal tak etzelal, cäquil ri utzalaj tak chac ri quibano, cäquinimarisaj c'u u k'ij ri Dios pa ri k'ij aretak chuta' chke jas ri ka banom.

2 Pedro 2:12

E are' c'u we winak ri', e je ta ne e awaj ri man c'o ta qui chomanic, pa quech wi e alc'ualam rech quechapic xukuje' quecämisaxic. Quequiyok' ri jastak ri man queta'm taj. Quekaj c'u na pa ri cämisabal ri qui banom.

2 Pedro 2:15

Qui yo'm c'u can ri suc'alaj be, e sachinak, qui takem ri u be ri Balaam u c'ojol ri Beor, ri xulok'ok'ej ri tojbal re ri u banic ri etzelal.

2 Pedro 2:18

Cäquibij nimak tak tzij ri man c'o ta qui patan. Ruc' ri etzelal ri curayij ri qui ti'jal, cäquicoj qui c'u'x ri winak ri c'ämaja' naj quiyo'm can ri sachinakil.

2 Pedro 2:21

Are ta utz na ri' chque, we ta ma ta xquetamaj ri be re ri suq'uil, chuwäch ri xquetamaj, c'äte ri' xquitas can quib chrij ri u takanic ri Dios ri yo'm chque.

2 Pedro 2:7

Xresaj c'u bic ri suc'alaj Lot, ri xurik c'ax cumal ri e banal tak etzelal ri xquiban tz'ilalaj mac ri xcaj.

Ri Juds 1:10

E are c'u wa' cäquiyok' ronojel ri man cäquich'ob ta u wäch; ronojel c'ut ri cäquich'ob pa quech wi jacha' ri awaj ri man c'o ta qui no'j, chupam wa' cäsach wi qui wäch.

Ri Juds 1:15

cuk'at na tzij paquiwi' conojel, cuk'alajisaj na ronojel ri itzelalaj tak qui chac ri man cäquiya' ta u k'ij ri Dios, ri xquibano rumal rech chi man xeniman ta che ri Dios, xukuje' cuk'alajisaj na ri c'axalaj tak tzij ri xquibij ri ajmaquib chrij ri Dios rumal rech chi man cäquiya' ta u k'ij.”

Ri Juds 1:4

E c'o jujun winak ri e oquinak chixo'l chi c'uyal. E are wa' ri e bim ulok ojer rumal ri Tz'ibatalic, chi cäc'äjisax na qui wäch, man cäquiya' ta u k'ij ri Dios, xak cäquicoj ri u tok'ob ri Dios che u banic ronojel itzel rayinic, ri cäquic'u' ri Dios ri xa jun Kajchak'e xukuje' ri Kajaw Jesucrist.

Ri Juds 1:7

Je jas ri Sodom xukuje' Gomor xukuje' ri tinimit ri e sutininak quij, xquiban que jas ri xquiban ri e tako'nib aj caj ri man xeniman taj. Xquiban macunic cuc' ixokib achijab, xukuje' xec'am bic cumal itzel tak rayinic ri man ya'tal ta u banic. Xecoj che c'ambal no'j chi c'o c'äjisabal qui wäch pa ri junalic k'ak'.

Apocalipsis 12:9

Xq'uiak c'u bic ri nimalaj dragon, ri ojer cumätz, ri cäbix itzel xukuje' Satanas che, ri quebusub conojel ri winak. Xq'uiak bic cho ri uwächulew. Xukuje' ri u tako'nib xeq'uiak bic ruc'.

Apocalipsis 13:14

Ri xibibal awaj xebuban ri etal ri yo'm che chi quebuban chuwäch ri nabe xibibal awaj. Jeri' chi xebusub ri e jekel cho ri uwächulew. Xubij c'u chque ri winak chi chquibana' ri u wächbal ri nabe xibibal awaj, ri c'o u socotajic re ch'ich' re ch'o'j u takem c'u c'aslem.

Apocalipsis 13:8

Xquik'ijilaj ri xibibal awaj conojel ri e jekel cho ri uwächulew ri man e tz'ibam taj ri qui bi' pa ri wuj re c'aslemal rech ri Alaj Chij ri xcämisaxic kas pa ri u tiquiritajic ri uwächulew.