2 Pedro 2:18 - Quiché Bible

¹⁸ Cäquibij nimak tak tzij ri man c'o ta qui patan. Ruc' ri etzelal ri curayij ri qui ti'jal, cäquicoj qui c'u'x ri winak ri c'ämaja' naj quiyo'm can ri sachinakil.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Kakibꞌij taq tzij ri xaq rech nimal, maj kutayij, xuqujeꞌ keꞌkitaqchiꞌj pa mak ri e kꞌakꞌ taj kojonelabꞌ ri kꞌa te kakichapleꞌj uqꞌatik kibꞌ che ri mak.

K'iche'

¹⁸ Je ri', rumal chi ruc' nimal cäquibij tak tzij ri man c'o tä qui patän. Ruc' ru banic ri itzel tak qui rayinic, ri etzelal ri cäca'n pa ri qui c'aslemal, cäquicoj qui c'ux ri winak. Quequisub na ri winak ri kas qui tasom chi quib chquij ri niq'uiaj winak ri e sachinak.

K'iche' (New Orthography)

¹⁸ Je ri', rumal chi ruk' nimal käkib'ij taq tzij ri man k'o tä ki patän. Ruk' ru b'anik ri itzel taq ki rayinik, ri etzelal ri käka'n pa ri ki k'aslemal, käkikoj ki k'ux ri winaq. Kekisub' na ri winaq ri qas ki tasom chi kib' chkij ri nik'iaj winaq ri e sachinaq.

2 Pedro 2:18 ပူးပေါင်းရင်းမြစ်များ

Nabe Ajawinelab 13:19

ri k'axal tzij re Juda xbe ruc', xwa'ic xukuje' xuq'uian chupam ri rachoch.

Ri Ezequiel 35:13

Xajak ri a chi' xinatzuru, xtzokopitaj ri awak' che nu yok'ic. In xinto.

Ri Daniel 11:36

Ri ajawinel ri c'o pa elebal k'ij cuban na ronojel ri cäpe pa u jolom. Sibalaj nim ri nimal ri cäc'amowic chi cuna' na rib chi c'o na u k'ij chquiwäch conojel ri diosib, quebubij c'u na xibibalalaj tak yok'obal che u yok'ic ri kas Dios; ronojel c'ut ri cubano utz quel na chuwäch, c'ä cutak na ulok ri Dios ri c'äjisabal u wäch; rumal rech chi ri cuban c'u na ri Dios, cuban na.

Ri Daniel 4:30

xubij: “¡Chiwila' chi sibalaj nim ri Babilon! In, ruc' ri nimalaj nu cuinem xinyaco che u chuch ri wajawibal, rech quebenya' can c'utbal rech ri nu nimalil.”

Hechos 2:40

Ri Lu' xubij niq'uiaj tzij chic chque ri winak. Naj xtzijon cuc'. Xebupixbej, xubij: “¡Tasa' ib alak chquij we itzel tak winak ri'!”

Hechos 8:9

C'o jun achi Simon u bi', ri ajitz ulok nabe pa ri tinimit ri' e u subum c'u ulok ri aj Samar xukuje' cujuluj c'u rib chi are' jun winak ri nim u k'ij.

Romanos 13:13

Chujbinok je jas ri pa k'ij, rech utz quilitaj ri ka chac. Mujk'abaric makamulij chi kib che nimak tak wa'im re wojcorem. Mujc'uji ruc' ri winak pa ri u ch'at ri man kech taj. Mäkaban ri ka rayinic ri man takal ta qui banic. Mäkaban ch'o'j. Itzel mäkil wi we jun chic curik utzil.

Efesios 4:17

Are c'u wa' quinbij, quixinbochi'j pa ri u bi' ri Ajawaxel: chi miban chic jas ri cäquiban ri winak ri man e rech ta ri Dios. Ri e are' are cäquiban ri qui chomanic, ri man c'o ta u patan.

2 Tesalonicenses 2:4

Ri are' cuc'ulelaj xukuje' cuwalijisaj rib chrij ronojel ri re ri Dios xukuje' chrij ronojel ri cäk'ijilaxic. Je cubano rech cät'uyi' na pa ri rachoch Dios, je ta ne Dios, cuc'ut na rib chi are Dios.

Santiago 5:5

Ix c'olinak pa k'inomal cho ri uwächulew, i jachom iwib pa tak quicotemal. I k'obisam ri i c'u'x je jas che ri k'ij re cämisanic.

2 Pedro 1:4

Rumal ri u juluwem xukuje' ri rutzil ri e u sipam chke ri e nimak tak e u chi'nic ri sibalaj e pakal cajil, rech ri ix quixcuinic quebic'am iwech ri u binibal ri Dios rech ri ix quixcuinic man quixkaj ta pa u k'ab ri etzelal ri c'o cho ri uwächulew ri cäpe cumal ri e itzel tak rayibal.

2 Pedro 2:14

Nojinak ri qui bak'wäch che quikajic pa mac cuc' niq'uiaj chic aretak quequil ri ixokib. Man cäquitänaba' ta ri macunic, cäquicoj qui c'u'x ri winak ri e tukar pa ri qui chomanic, quequiquiäk rayij ri jastak quech ri winak, e c'o chuxe' c'okonic.

2 Pedro 2:2

E q'ui c'ut quequiterenej na pa ri quitzokopin tak ib re munil. Cäyok' c'u ri be re ri kastzij rumal quech.

2 Pedro 2:20

Aretak e animajinak chquiwäch ri tz'ilol re ri uwächulew rumal ri retamaxic u wäch ri Ajawaxel xukuje' ri Colonel Jesucrist, we c'u qui caralij chi jumul quib chupam, sibalaj c'ax na ri' cäquiriko chuwäch ri nabe.

2 Pedro 2:7

Xresaj c'u bic ri suc'alaj Lot, ri xurik c'ax cumal ri e banal tak etzelal ri xquiban tz'ilalaj mac ri xcaj.

2 Pedro 3:17

Ri ix c'ut, lok'alaj tak wachalal, ri iweta'm chi ulok wa' ojer, chichajij ba' iwib, mixc'am bic cumal ri qui subunic ri banal tak etzelal, rech man quixtzak ta ne ri kas co ix c'o wi.

Ri Juds 1:13

ri e are' e je ta ne ri u k'et ri u wi' ri plo, quepuluw pa ri caquibano pa ri q'uixbalil. E je ta ne ch'imil ri qui sachom qui be. Ri u k'ekal ri tzatzalaj k'ekumal chque ri e are' ya'tal wi, rech quec'oji' chupam amak'el chbe k'ij sak.

Apocalipsis 13:11

Xinwil chi c'u na jun xibibal awaj chic ri xpaki' ulok xel ulok pa ri ulew. C'o quieb ruc'a' junam cuc' ri ruc'a' jun alaj chij, xtzijon c'ut je jas jun awaj dragon.