2 Pedro 2:10 - Quiché Bible

¹⁰ Sibalaj cuc'äjisaj c'u na qui wäch ri winak ri cäquiban ri itzelalaj u rayibal ri qui ti'jal, xukuje' cäquiban tz'ilalaj tak jastak, ri man cäquiya' ta quib pa takic. Ri e are' man c'o ta cäquixe'j wi quib, xane' cäquibano jachique ri cäcaj, xukuje' man cäquixe'j ta quib che u bixic c'axalaj tak tzij chque ri c'o quekle'n.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ We kꞌax riꞌ kape na pa kiwiꞌ ri winaq ri kakibꞌan ri mak rech ri kityoꞌjal xuqujeꞌ pa kiwiꞌ ri kaketzelaj ri utzij ri Dios. Sibꞌalaj nimal chike man kakubꞌiꞌ ta kikꞌuꞌx, kakibꞌij itzel taq tzij chike ri chikajil taq ajchakibꞌ.

K'iche'

¹⁰ Ri Dios sibalaj cuc'äjisaj c'u na qui wäch ri winak ri xa cäquitakej u banic ri qui rayibal ri sibalaj man utz taj, ri xa cäquetz'bej u wäch ri Are', cäquetzelaj c'u u wäch ru Pixab. We winak ri' man cäquixej tä quib cho ri Dios. Man queniman taj, xane xa cäquinimarisaj quib. Man cäquixej tä c'u quib chubixic ri äwas u bixic chquij ri kas nimak qui k'ij ri c'o takanic pa qui k'ab.

K'iche' (New Orthography)

¹⁰ Ri Dios sib'alaj kuk'äjisaj k'u na ki wäch ri winaq ri xa käkitaqej u b'anik ri ki rayib'al ri sib'alaj man utz taj, ri xa käketz'b'ej u wäch ri Are', käketzelaj k'u u wäch ru Pixab'. We winaq ri' man käkixej tä kib' cho ri Dios. Man keniman taj, xane xa käkinimarisaj kib'. Man käkixej tä k'u kib' chub'ixik ri äwas u b'ixik chkij ri qas nimaq ki q'ij ri k'o taqanik pa ki q'ab'.

2 Pedro 2:10 ပူးပေါင်းရင်းမြစ်များ

Chapletajic 49:6

¡Mawi jubik' quinwaj quinc'oji' ta pa ri c'olbal ri caquimulij wi tak quib! aretak c'u e oyowarinak xequicämisaj winak, xak che u banic ri cäcaj xequik'ajisaj ri cakan ri ama'ib tak wacax.

Ucab Samuel 20:1

Jun itzel achi aj ramak' ri Benjamin, ri Seba u bi' u c'ojol c'ut ri Bicri, c'o apan pa Jilgal. Xucoj qui c'u'x ri aj israelib xubij chque chi chquiwalijisaj quib chrij ri David, je xubij wa': “¡Ri uj man c'o ta ke mawi kechbal ruc' ri David, ri u c'ojol ri Isayi! ¡Israelib jix iwonojel cho tak iwachoch!”

Nabe Ajawinelab 12:16

Aretak ronojel ri tinimit Israel xrilo chi ri ajawinel man xuya' ta u xiquin chque, je u tzelexic u wäch u tzij wa' xequibano: “¡Man c'o ta kech uj ruc' ri David! ¡Man c'o ta jun echbal ri ka c'amom ta kech ruc' ri u c'ojol ri Isayi! ¡Jix cho tak iwachoch aj israelib! ¡Ri David chebuchajij ri rachalaxic!” Chanim xebe ri aj israelib cho tak cachoch.

Salmib 12:4

ri cäquibij: “Xuwi ta ne we c'o ka chi' chubana' chke; ri kak' cäto'w ka wi'. ¿Jachin ta lo ri cuchajij anima' che ka takic?”

Elem 22:28

Mayac royowal ri Dios, mawi mac'okoj ri cätakan puwi' ri a tinimit.

Ri Tzijonel 10:20

Matyok'on che ri ajawinel mawi ta ne ruc' ri a chomabal. Mabij itzel tzij chrij ri k'inom, pune' xa' a tuquiel at c'olic' querapap c'ut ri chicop ri c'o ri qui xic' cuya' c'ut quequitzijoj che.

Ri Jeremiy 2:31

(Xukuje' c'u ri ix, ri ix re we ija'lil ri' camic, chiya' i xiquin che ri cubij ri Ajawaxel chiwe.) Israel, ¿la in puch uxinak jun chaki'j uwo sak chawe?, ¿jun ulew ri nojinak chque tak mujal? Nu tinimit, ¿jasche cabij: ‘Uj torotalic; mawi jumul cujtzelej chic uc' la?’

Ajilanic 15:30

We c'u ne c'o jun winak cunabej aretak camacunic, we aj israel o man aj israel taj, cuyac woyowal. Rumal ri', we winak ri' quesax na chquixo'l ri u winakil.

Ri Lucax 11:25

Aretak copanic, curik ri rachoch mesom, wikom chic.

Ri Lucax 19:14

E are c'u ri e aj u tinimit ri cäquetzelaj u wäch, xequitak bic tako'n chrij che u bixic: ‘Man cäkaj taj chi we achi ri' cux kajawinel.’

Hechos 23:5

Xubij ri Pawl: “Man weta'm taj, wachalal, chi are' qui nimal ri cojol tabal tok'ob. Tz'ibatal c'ut: Mac'okoj ri c'o u takanic puwi' ri a tinimit.”

Romanos 8:1

Camic c'ut, man c'o ta chi jun c'äjisabal qui wäch ri winak ri e c'o pa ri Crist Jesus.

1 Corintios 6:9

¿La ma ta iweta'm chi ri winak man e suc' taj man cäquechbej ta ri rajawibal ri Dios? Mixsubutajic. Ri quebanow macunic cuc' ixokib achijab, mawi ri quequik'ijilaj tak diosib, mawi ri quekaj pa mac cuc' niq'uiaj chic, mawi ri achijab ri cäquiban quib chi e ixokib, mawi ri achijab ri cäquiban ixok che jun cach achi,

2 Corintios 10:3

Kastzij chi ri uj uj winak re ri uwächulew. Man cujch'ojin ta c'ut e jacha' ri e rech we uwächulew ri'.

Efesios 4:19

Ri e are' xquiban co che ri canima'. Xquijach quib che u banic ri itzel qui rayinic. Cäquitij qui k'ij che u banic ronojel u wäch tz'ilalaj tak jastak.

Efesios 5:5

Iweta'm chic chi conojel ri quemacun cuc' ixokib achijab, o cäquiban tz'ilalaj tak jastak, o cäquirayij q'uialaj tak jastak (xa junam wa' ruc' ri qui k'ijilaxic tak diosib), conojel wa' man c'o ta quechbal pa ri rajawibal ri Crist ri xukuje' rech ri Dios.

Colosenses 3:5

Chibana' ba' chi cäcäm ronojel ri quech ri e u tz'akatil ri e itzel tak e i rayinic ri e rech ri uwächulew: chi c'o jun mamacun cuc' ixokib achijab, mawi muban tz'ilalaj tak jastak, mawi mac'oji' u rayinic che u macurisaxic ri u cuerp, mawi mec'oji' itzel tak u rayinic, mawi mebuya' c'olbal chi ri ranima' queburayij tak k'inomal (are c'u wa' ri qui k'ijilaxic ri e diosib).

1 Tesalonicenses 4:7

Ri Dios c'ut man uj u siq'uim taj rech cäkaban tz'ilalaj tak jastak, xane' rech cujux tastalic tak winak.

2 Timoteo 3:2

Quec'oji' na winak ri cäquilok'ok'ej quib chquibil quib, ri cäquilok'ok'ej ri puak, ri nimak qui banic cäquiban chi quib, ri cäquiban nimal; ri itzel tak tzij u pa qui chi', ri man queniman ta chque ri qui tat qui nan, ri man cäquiya' ta maltioxinic, man ch'ajch'oj ta ri qui c'aslemal,

Ri Tit 1:7

Rajawaxic chi ri solinel quech ri comon cojonelab: jicom ri u c'aslemal, rumal rech chi cächacun pa ri jastak re ri Dios. Rajawaxic man xuwi ta cuban jas ri cäkaj chuwäch, man coyowar taj chanim, man cäk'abar taj, man ch'ayanel taj, man curayij ta qui banic t'orinel tak ch'äcoj,

Hebreos 13:4

Iwonojel nim chiwila' wi ri c'ulanem. Mitz'iloj ri c'ulanem, ri Dios cuk'ata' c'u na tzij paquiwi' ri quemacun cuc' ixokib achijab, xukuje' ri quekaj pa mac cuc' niq'uiaj chic.

2 Pedro 3:3

Iweta'm chi c'u wa', chi pa ri q'uisbal tak k'ij quepe na winak ri cäquetz'bej u wäch ri jastak aj Dios, are cäquiban na ri etzelal re qui rayibal ri e are',

Ri Juds 1:10

E are c'u wa' cäquiyok' ronojel ri man cäquich'ob ta u wäch; ronojel c'ut ri cäquich'ob pa quech wi jacha' ri awaj ri man c'o ta qui no'j, chupam wa' cäsach wi qui wäch.

Ri Juds 1:16

E are tak wa' ri xak quech'ach'atic, queyok'onic, xuwi cäquilij u banic ri itzel tak qui rayinic, cäquitzijoj nimak tak tzij, xukuje' cäquibij utzalaj tak tzij chque ri winak xa rumal rech chi c'o cäcaj chque.

Ri Juds 1:18

jas ri xquibij can chiwe: “Pa ri q'uisbal tak k'ij quec'oji' na winak ri xak cäquetz'bej qui wäch niq'uiaj chic, ri xuwi cäquilij u banic ri itzel tak qui rayinic, man cäquiya' ta c'u u k'ij ri Dios.”

Ri Juds 1:4

E c'o jujun winak ri e oquinak chixo'l chi c'uyal. E are wa' ri e bim ulok ojer rumal ri Tz'ibatalic, chi cäc'äjisax na qui wäch, man cäquiya' ta u k'ij ri Dios, xak cäquicoj ri u tok'ob ri Dios che u banic ronojel itzel rayinic, ri cäquic'u' ri Dios ri xa jun Kajchak'e xukuje' ri Kajaw Jesucrist.

Nabe Samuel 10:27

E c'o c'u ne ri itzel tak ak'aj ri je xquibij wa': “¿La are ta lo wa' ri cujesan pa qui k'ab ri c'ulel?” Man nim ta c'u xquil wi man xquiya' ta u k'ij; xuban c'u rib ri Saul chi man xretamaj taj.