2 Pedro 1:8 - Quiché Bible

⁸ We quiban we jastak ri' xukuje' queq'uiyir iwuc', man cuya' ta ri' xak quitzak k'ij, xane cäc'oji' na i wächinic rumal ri retamaxic u wäch ri Kajaw Jesucrist.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ We utz kixnoꞌjinik, kixkꞌiy riꞌ pa ri etaꞌmanik rech ri Ajawxel Jesucristo rech jeriꞌ kixux winaq ri kꞌo kitayij.

K'iche'

⁸ We c'u quicoj i chuk'ab rech c'o ronojel wa' pa ri i c'aslemal amak'el ronojel k'ij, kas c'o u patän ri' ri i c'aslemal, man xak tä c'u lok' ri' iwetam u wäch ri Kajaw Jesucristo.

K'iche' (New Orthography)

⁸ We k'u kikoj i chuq'ab' rech k'o ronojel wa' pa ri i k'aslemal amaq'el ronojel q'ij, qas k'o u patän ri' ri i k'aslemal, man xaq tä k'u loq' ri' iwetam u wäch ri Qajaw Jesucristo.

2 Pedro 1:8 ပူးပေါင်းရင်းမြစ်များ

E C'ambal tak Tzij 19:15

Ri sak'oril cuya' nimalaj waram, are' c'u ri sak'or cucoch' na numic.

Ri Matey 13:22

Ri ija' ri ticom chquixo'l tak q'uix are cubij ri caquitatabej ri tijonic e aretak c'ut ri ch'äcoj re we uwächulew ri' cuya' sibalaj oquem il chque xukuje' ri qui lok'ok'exic ri k'inomal quebusubu. Ronojel wa cujik'isaj ri tijonic man cuya' ta c'u chque chi quewächinic.

Ri Matey 20:3

Ubelej jok'otaj chic re ak'abil, xel chi bic jumul, xeril chi niq'uiaj achijab e tac'atoj pa ri c'ayibal, ri man c'o ta qui chac.

Ri Matey 20:6

Uro' jok'otaj chi c'ut benak k'ij, xel chi bic jumul. Xeburika' chi niq'uiaj achijab e tac'atoj ri man c'o ta qui chac; xubij chque: ‘¿Jasche ix tac'atoj waral ronojel ri jun k'ij man quixchacuntaj?’

Ri Matey 25:26

Ri rajaw xubij che: ‘At itzel pataninel, sak'or. We aweta'm chi quink'at ri man xintic taj, chi quinmulij ri man xinjabuj taj,

Ri Xuan 15:2

Conojel ri nu k'ab ri man quewächin taj, ri are' queresaj na. Conojel ri nu k'ab ri quewächinic, ri are' quebujosk'ij rech cutakej wächinic.

Ri Xuan 17:3

Are c'u wa' ri junalic c'aslemal: Chi cäquich'ob wäch la, xuwi ri lal kas Dios, xukuje' cäquich'ob u wäch ri Jesucrist, ri takom la ulok.

Ri Xuan 5:42

Weta'm c'u i wäch chi man qui lok'ok'ej taj ri Dios.

Romanos 12:11

Chebicojo tak i chuk'ab mixsak'orinic chipatanij c'u ri Ajawaxel ruc' jun anima' ri carokowic.

1 Corintios 15:58

Je c'u ri', lok'alaj tak wachalal, kas co chixtac'alok, man c'o ta quixslabsanic. Amak'el chixoc il che ri u chac ri Ajawaxel. Iweta'm chi ri i chac pa ri Ajawaxel man xak ta lok'.

2 Corintios 13:5

Chinic'oj ri iwanima' ix, che rilic we ix co pa ri cojonic. Chic'ambejej iwib ix. ¿La ma ta iweta'm iwib ix, chi c'o ri Jesucrist pa iwanima'? We man ix c'ambejem chic man ix c'amowam taj.

2 Corintios 8:2

Pune' c'o nimalaj c'axc'olil paquiwi', nim ri qui quicotemal; pune' sibalaj e mebayib, qui yo'm c'u q'ui sipanic chque niq'uiaj chic, je ta ne e k'inomab.

2 Corintios 8:7

Ri ix sibalaj utz quiban pa ronojel: utz ri i cojonic, utz ri i tzij, xukuje' utz ri iwetamabal. Sibalaj quicoj i chuk'ab che ri chac xukuje' ri ka lok'exic iwumal. Jeri', xukuje' utz chibana' pa we tok'ob ri'.

2 Corintios 9:14

Cäquiban c'u na ch'awem ruc' Dios piwi'. Quixquilok'ok'ej rumal ri nimalaj u tok'ob ri Dios ri c'o iwuc'.

Filipenses 1:9

Quinban ch'awem ruc' Dios piwi' rech sibalaj caq'uiyir na ri i lok'ok'ebal c'u'x, xukuje' ri i no'jinic xukuje' ri i ch'obonic pa ronojel.

Filipenses 2:5

Chc'ol ta ba' iwuc' we chomanic ri' ri xc'oji' ruc' ri Crist Jesus.

Filipenses 3:8

C'o chi c'u na jubik', in nu ch'obom chi conojel we jastak ri' man c'o ta chi qui patan chwe, aretak quinchomaj chi sibalaj nim u banic ri retamaxic u wäch ri Crist Jesus ri Wajaw. Rumal rech ri Crist nu tzakom can ronojel, ronojel c'ut xa' mes chic chnuwäch che u q'uexwäch ri nu ch'äcom ri are' ri Crist.

Colosenses 1:10

Jeri' quibano jas ri takal chiwe ri ix rech ri Ajawaxel, rech ronojel ri quibano cäkaj chuwäch. Quiya' c'u conojel wächinic que conojel utzalaj tak chac, sibalaj c'u quiwetamaj na u wäch ri Dios.

Colosenses 2:7

benak ri i xeal pa ri are', co ix tiquitoj pa ri are' rumal ri cojonic, je jacha' ri xixtijox wi, quiya' c'u maltioxinic amak'el che ri Dios.

Colosenses 3:16

Are ta ri u tzij ri Crist cäjeki' iwuc', kas cunojisaj ri iwanima'. Chitijola' iwib, chipixbela' iwib ruc' utzalaj tak no'j; chibixoj salm che ri Dios, bix, xukuje' bixonic aj uxlabal ruc' maltioxic che ri Dios pa ri iwanima'.

1 Tesalonicenses 3:12

Ri Ajawaxel chunimarisaj ri lok'ok'ebal i c'u'x, rech sibalaj quilok'ok'ela' na iwib, rech sibalaj quebilok'ok'ej na conojel ri winak, jas ri uj quixkalok'ok'ej.

1 Tesalonicenses 4:1

Xuwi chi c'u wa' quinbij, kachalal: Quixkabochi'j, quixkapixbej chi jas ri xkabij chiwe chi quiban na pa ri i c'aslemal, chi quiban na ri jastak ri cäkaj chuwäch ri Dios, je chibana'. Je cätajin quiban camic. Sibalaj chibana' ba' amak'el.

2 Tesalonicenses 1:3

Kachalal, rajawaxic chi amak'el cujmaltioxin che ri Dios rumal iwech. Rumal rech chi cätajin cäq'uiy ri i cojonic xukuje' cätajin cänimar ri lok'ok'ebal i c'u'x chbil tak iwib.

1 Timoteo 5:13

Xukuje' cäquetamaj sak'orinic, xak quebin chi' tak ja. Man xuwi ta c'u e sak'orib, xane' xukuje' e yacal tak tzijtal, cäquinim quib pa ronojel, xukuje' cäquitzijoj jastak ri man takal ta u bixic.

Ri Tit 3:14

Xukuje' rajawaxic chi ri e c'o kuc' cäquetamaj queboc il che utzalaj tak chac rech cäquirik ri rajawaxic, rech c'o u patan ri qui c'aslemal, je ta ne jun tico'n cuya' u wächinic.

Filemón 1:6

Quintz'onoj c'u che ri Dios chi ri at, ri a c'amom awech ri ka cojonic, chatcuin che utzalaj qui ch'obic conojel tak ri tewichibal ri e ka rikom rumal ri Crist Jesus.

Hebreos 6:12

rech man quixux ta sak'orib, xane' chi quiban iwe jas ri cäquiban ri winak ri c'o qui cojonic, cäquich'ij c'u ri c'ax, cäquechbej c'u ri u bim ri Dios chi cuya' na chque.

2 Pedro 1:2

Quinwaj chi kas quiwetamaj u wäch ri Dios xukuje' ri Kajaw Jesus, rech ri u tok'ob xukuje' ri jamaril sibalaj queq'uiyir ta na pa tak ri iwanima'.

2 Pedro 1:3

Ri Dios, rumal ri u cuinem, u sipam conojel ri rajawaxic che ri ka c'aslemal, rech cujniman che ri are', rumal rech chi keta'm u wäch ri jun ri xujusiq'uij rumal ri u juluwem xukuje' ri rutzil.

2 Pedro 2:20

Aretak e animajinak chquiwäch ri tz'ilol re ri uwächulew rumal ri retamaxic u wäch ri Ajawaxel xukuje' ri Colonel Jesucrist, we c'u qui caralij chi jumul quib chupam, sibalaj c'ax na ri' cäquiriko chuwäch ri nabe.

2 Pedro 3:18

Chixq'uiy ba' pa ri u tok'ob xukuje' pa ri retamaxic u wäch ri Kajaw xukuje' ka Colonel Jesucrist xukuje' c'ä pa tak ri k'ij junab chbe k'ij sak. Je chbanok.