2 Pedro 1:5 - Quiché Bible

⁵ Rumal ri' chicojo' ronojel i chuk'ab rech rumal ri i cojonic cac'oji' xukuje' jun utzalaj i c'aslemal aj suq'uilal, ruc' c'ut we utzalaj c'aslemal ri' rajawaxic cac'oji' iwetamanic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Rumal waꞌ rajawaxik kikoj ichuqꞌabꞌ rech xa jeriꞌ kanimar ri ikojobꞌal, chibꞌana utz taq chak rukꞌ ri ikojobꞌal, chibꞌana utz taq chak rukꞌ etaꞌmanik.

K'iche'

⁵ Rumal wa' rajwaxic chi ri ix quicoj i chuk'ab rech man xuwi tä quixcojonic, xane xukuje' quiban ri kas utzil pa ri i c'aslemal. Ruc' ri kas utzil ri quibano rajwaxic xukuje' chi cäc'oji na ri utzalaj iwetambal.

K'iche' (New Orthography)

⁵ Rumal wa' rajwaxik chi ri ix kikoj i chuq'ab' rech man xuwi tä kixkojonik, xane xuquje' kib'an ri qas utzil pa ri i k'aslemal. Ruk' ri qas utzil ri kib'ano rajwaxik xuquje' chi käk'oji na ri utzalaj iwetamb'al.

2 Pedro 1:5 ပူးပေါင်းရင်းမြစ်များ

Salmib 119:4

Lal yo'm la takanic chi ri e pixab la ri e banom la kas chetz'akatisax qui banic.

E C'ambal tak Tzij 4:23

Chachajij ri a chomabal chuwäch apachique jasach ri c'o cho ri uwächulew, che c'ut caq'uiy wi ri c'aslemal.

Ri Isaiy 55:2

¿Jasche cäya' ri puak che u q'uexwäch ri man wa taj? ¿Jasche quiya' ri quich'äco che jun jasach ri man cänojisan taj? Kas utz nu tatabexic chibana', quebitij c'u na utzalaj tak k'obisabal, quebitij na je'lalaj tak jastak.

Ri Zacariy 6:15

Quepe na winak ri naj quepe wi, rech quebeltob che u banic ri rachoch ri Ajawaxel; c'äte c'u ri quich'ob na ix chi are' ri Ajawaxel ri c'o ronojel u cuinem are' ri xintakow ulok. Wa' quec'ulmatajok aretak ri ix chitatabej ri u ch'awebal ri Ajawaxel ri i Dios chixniman c'u che.

Ri Lucax 16:26

Man xuwi ta wa'. Cojom c'u jun nimalaj siwan chkaxo'l, jeri' chi ri cäcaj quek'ax bic iwuc' man quecuin taj, mawi ri aj chila' quek'ax ulok kuc'.’

Ri Lucax 24:21

Are c'u ri uj cu'l ka c'u'x chi are ri' ri queresaj ta na ri aj Israel pa qui k'ab ri qui c'ulel. Xane' ruc' ronojel wa', urox k'ij chic camic ri xc'ulmataj ronojel wa'.

Ri Xuan 6:27

Mixoc il che u rikic ri wa ri cäsach u wäch, xane' che u rikic ri wa ri cäjekic ri cuya' junalic c'aslemal chiwe, are wa ri cuya' ri Rija'l Winak chiwe, rumal rech chi ri Dios Tataxel u cojom ri u t'ikbal che.”

1 Corintios 14:20

Wachalal je mixchomanic jacha' ac'alab. Chixux ac'alab che ri etzelal; chixux c'u ri'jab aretak quixchomanic.

Efesios 5:17

Mäsach ri i chomanic, xane' chiwetamaj jas ri u rayibal ri Ajawaxel.

Filipenses 1:9

Quinban ch'awem ruc' Dios piwi' rech sibalaj caq'uiyir na ri i lok'ok'ebal c'u'x, xukuje' ri i no'jinic xukuje' ri i ch'obonic pa ronojel.

Filipenses 2:12

Je c'u ri', lok'alaj tak wachalal, jas ri i nimanic amak'el aretak in c'o iwuc' nabe, camic xukuje' sibalaj chixniman na pune' man in c'o ta chi iwuc'. Chicojo' i chuk'ab chi utz ri i c'aslemal ix colotajinak chi c'u ne', nim chi wila' wi ri Dios, china' iwib chuwäch.

Filipenses 4:8

Chuq'uisbalil, wachalalib, e joropa' jastak ri kas e je, e joropa' jastak ri ya'tal u ya'ic qui k'ij, e joropa' jastak ri e suc', e joropa' jastak ri e ch'ajch'oj, e joropa' jastak ri ya'tal qui lok'ok'exic, e joropa' jastak ri e utz qui tzijol, we c'o c'u apachique utzil, o apachique ak'anasibal k'ij, e are' wa' chebino'jij.

Colosenses 1:9

Rumal wa' ri uj, kas pa ri k'ij ri xketamaj, man ka tanabam ta u banic ch'awem ruc' Dios piwi', xukuje' che u tz'onoxic che ri Dios chi chubana' chiwe chi ruc' tz'akatil quiwetamaj ri u rayibal chuya' c'u ronojel u wäch no'j chiwe xukuje' ch'obonic aj uxlabal.

Colosenses 2:3

ri e c'utal wi conojel ri k'inomal rech ri no'j xukuje' ri etamanic.

Hebreos 11:6

We c'u man c'o cojonic, jun man cuya' taj cäkaj chuwäch ri Dios. Rajawaxic c'ut chi apachin ri cäkeb chuwäch ri Dios, chucojo' chi c'olic, xukuje' chi cuya' tojbal que ri winak ri cäquitzucuj ri are'.

Hebreos 12:15

Chiwila' c'o jun chiwe muya' can ri tok'ob ri cäban chiwe rumal ri Dios, o muban je ta ne jun c'ayalaj k'ayes ri cuban c'ax chque ri niq'uiaj chic xukuje' quebuchuwirisaj,

Hebreos 6:11

Sibalaj cäkaj chi chijujunal quicoj i chuk'ab c'ä pa ri q'uisbal junam ruc' ri xiban nabe, rech quiwetamaj chi kastzij c'o ri cu'lbal i c'u'x,

Ri Josue 7:3

aretak c'u xetzelej ulok xquibij che ri Josue: “Man rajawaxic taj chi ronojel ri tinimit quech'ojin ruc' ri Hai, quieb o xib mil achijab quebubana' che u majixic ri tinimit. Matak la bic ronojel ri tinimit, ri e chajil rech ri tinimit man e q'ui taj.”

1 Pedro 3:7

Xukuje' ri ix achajilaxelab chixjekel cuc' ri e wixokilab ruc' no'jibal, chiya' u k'ij ri iwixokil rumal rech chi man junamataj taj ri u cuerp ruc' ri rech ri rachajil, jacha' xukuje' chi e i wäch echbenelab che ri tok'ob aj c'aslemal, rech ri e i ch'awem ruc' Dios man curik ta k'atibal.

2 Pedro 1:10

Rumal ri', wachalal, quinbij wa' chiwe: Ri Dios xixuch'a xukuje' ix cha'talic. Chicojo' ba i chuk'ab che u c'utic pa ri i c'aslemal chi kastzij ix siq'uim xukuje' ix cha'tal rumal ri Dios. We jewa' quibano, mawi jumul quixtzakic.

2 Pedro 1:11

Jeri' cäya' na nimalaj oquibal chiwe pa ri junalic rajawibal ri Kajaw, ka Colonel Jesucrist.

2 Pedro 3:14

Rumal ri', lok'alaj tak wachalal, iweye'm we jastak ri', chicojo' apan i chuk'ab, rech quixulurika' ri Dios pa jamaril, man ix tz'ajtajinak ta apanok, ix ch'ajch'oj.

2 Pedro 3:18

Chixq'uiy ba' pa ri u tok'ob xukuje' pa ri retamaxic u wäch ri Kajaw xukuje' ka Colonel Jesucrist xukuje' c'ä pa tak ri k'ij junab chbe k'ij sak. Je chbanok.