2 Pedro 1:16 - Quiché Bible

¹⁶ Aretak xkatzijoj ri u cuinem xukuje' ri u petic ri Kajaw Jesucrist chiwe, man xkatzijoj ta chomanic chiwe ri xa' ta pa qui jolom ri winak elinak wi ulok, xane kas uj xujilow ri u nimalil ri Jesucrist.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ Man xaq ta bꞌanoj tzij ri xqabꞌij chiꞌwe, are xqatzijoj ri upetibꞌal ri Ajawxel Jesucristo rukꞌ ri ukwinem, man xaq ta xqawok aqꞌanoq xane are xqatzijoj ri nimalaj ukwinem ri qas xqilo.

K'iche'

¹⁶ Man xak tä c'u molom tak tzij re subunic ri pa qui jolom winak quepe wi ri ka tzijom chiwe chuc'utic chi kas tzij cäpe chi na jumul ri Kajaw Jesucristo ruc' nimalaj u chuk'ab. ¡Are ri uj, uj ri' ri xujilowic! Are ruc' ri ka wak'äch uj ri xkil ri Kajaw Jesús chi sibalaj je'l ri Are', sibalaj nim u k'ij.

K'iche' (New Orthography)

¹⁶ Man xaq tä k'u molom taq tzij re sub'unik ri pa ki jolom winaq kepe wi ri qa tzijom chiwe chuk'utik chi qas tzij käpe chi na jumul ri Qajaw Jesucristo ruk' nimalaj u chuq'ab'. ¡Are ri uj, uj ri' ri xujilowik! Are ruk' ri qa waq'äch uj ri xqil ri Qajaw Jesús chi sib'alaj je'l ri Are', sib'alaj nim u q'ij.

2 Pedro 1:16 ပူးပေါင်းရင်းမြစ်များ

Ri Malaquiy 3:2

¿Jachin ta c'u lo ri cacuinic cuk'i' ri k'ij re ri u petic? ¿Jachin ta c'u lo ri cacuinic cutac'aba' rib? Copan c'u na jacha' jun k'ak', che ka ch'ajch'ojirisaxic; cux na jacha' jun ch'ipak ri queresaj na tak ri e ka tz'ilol.

Ri Malaquiy 4:5

Chiwila' ix: Quintak bic ri k'axal nu tzij chiwe ri Eliy, c'a majok chopan ri u k'ij ri Ajawaxel, ri cux na jun nimalaj k'ij xukuje' xibibal.

Ri Matey 16:27

Ri Rija'l winak cäpe cuc' ri tako'nib aj caj, ruc' ri u juluwem ri u Tat, c'äte c'u ri' quebutoj na ri winak chquijujunal je jas ri qui chac ri qui banom.

Ri Matey 16:28

Kastzij quinbij chiwe: E c'o jujun chque ri e c'o waral, c'ä maja' quecämic cäquil na ri Rija'l winak petinak pa ri rajawibal.”

Ri Matey 17:1

Oc'owinak chi wakib k'ij, ri Jesus xuc'am ri Lu', ri Santiag xukuje' ri Xuan ri rachalal ri Santiag. Xebuc'am bic pa qui tuquiel wi puwi' jun juyub naj elinak chicaj.

Ri Matey 24:27

Je c'ut jas ri caypa' ri quel ulok pa ri elebal k'ij, cäjuluw c'ä pa ri u kajebal k'ij, jeri' ri u petic ri Rija'l winak.

Ri Matey 24:3

Ri Jesus t'uyul pa ri qui juyubal tak ri u Che'al Aseitun. Xebopan ri u tijoxelab ruc' pa qui tuquiel wi, che u ta'ic che: “Bij la chke, ¿Jampa' cäc'ulmax wa'? ¿Jas ri retal ri petbal la? ¿Jas ri retal ri u q'uisbalil ri uwächulew?”

Ri Matey 28:18

Xkeb ri Jesus cuc', xebuch'abej, xubij chque: “Ronojel takanic pa ri caj, ronojel takanic cho ri uwächulew yo'm pa nu k'ab.

Marcos 13:26

C'äte ri' quil na ri Rija'l Winak petinak pa tak ri sutz' ruc' nimalaj cuinem, nim u k'ij cäpetic.

Marcos 14:62

Ri Jesus xubij che: “In ri'. Quiwil c'u na ri Rija'l Winak t'uyul pa ri u wiquiak'ab ri c'o ronojel u cuinem, petinak pa tak ri sutz' cho ri caj.”

Ri Lucax 1:2

Ri xbantajic are je jas ri xc'ut chkawäch cumal ri xeilow ruc' ri qui bak'wäch kas pa ri u chaplebal, e pataninelab c'u wa' che ri Tzij.

Ri Lucax 9:43

Conojel c'ut xquimayij ri u cuinem ri Dios. Conojel ri winak c'ä cätajin cäquimay conojel ri jastak ri cuban ri Jesus, aretak ri are' xubij chque ri u tijoxelab:

Ri Xuan 1:14

Ri Tzij xuc'am ri qui banic winak, xc'oji' chkaxo'l. Xkil ri u juluwem, jacha' ri u juluwem ri xa jun chi C'ojolaxel ri elinak ulok ruc' ri Tataxel, nojinak che tok'ob xukuje' kastzij.

Ri Xuan 17:2

Je jacha' ri yo'm la takanic pa u k'ab puwi' conojel winak, rech cuya' junalic c'aslemal chque conojel ri e yo'm la che.

Romanos 1:4

Xya' u bixic chi are u C'ojol ri Dios rumal ri Ruxlabal ri Dios. Xk'alajisaxic chi c'o u cuinem aretak xc'astaj chquixo'l ri cäminakib. Are wa' ri Jesucrist ri Ajawaxel.

1 Corintios 1:17

Ri Crist man xinutak ta che u banic qui bautism, xane' che u tzijoxic colobal ib, man c'u xintzijoj ta cuc' tak tzij re etamabal rech man quinban ta che ri u cämical ri Crist cho ri ripibal chi ma ta c'o u patan.

1 Corintios 1:23

Are c'u ri uj cäkatzijoj ri Crist ri xrip cho ri ripibal: abaj re tzakibal chque ri aj judeyib, xa' c'u conil chque ri man aj judeyib taj,

1 Corintios 1:7

Je c'u ri' chi ma ta c'o jun sipanic ri cäpe ruc' ri Dios ri ma ta i rikom, iweye'm c'u ri k'ij aretak chc'utun ri Kajaw Jesucrist.

1 Corintios 2:1

Ri in, wachalal, aretak xinopan iwuc' che u tzijoxic chiwe jas ri u c'utum ri Dios chnuwäch, man xinbij ta nimak tak tzij, mawi nimalaj etamabal.

1 Corintios 2:4

Ri tzij xintzijoj chiwe, man ruc' ta retamabal winak ri xixinch'äc wi, xane' rumal ri Uxlabaxel xukuje' ri u cuinem ri Dios.

1 Corintios 5:4

Chimulij ba' iwib pa ri u bi' ri Ajawaxel Jesus, ri in quinc'oji' na iwuc' pa ri wuxlabal, xukuje' ri u cuinem ri Kajaw Jesus cäc'oji' na iwuc'.

2 Corintios 2:17

Uj man uj ta junam cuc' e q'ui ri cäquesaj qui ch'äcoj che ri tijonic ri cuya' ri Dios, xane' ruc' ronojel kanima', uj takom rumal ri Dios, xukuje' chuwäch ri Dios cujtzijon pa ri Crist.

2 Corintios 4:2

Man cäkaban ta q'uixbalalaj tak jastak chi c'uyal; man quixkasub taj, mawi cäkayujaj niq'uiaj jastak chic ruc' ri u tzij ri Dios. Xane' rumal ri u c'utic ri kastzij, cäkak'alajisaj kib chuwäch ri retamabal u c'u'x ronojel winak chi uj utz, chuwäch ri Dios.

Efesios 4:14

Rech man uj ac'alab ta chic. Man cujc'am ta chi bic apawije' rumal ronojel tijonic ri je cäpe quiakik'. Man cujkaj ta chic pa ri qui subunic ri winak ri quena'w che u bixic je'lalaj tak tzij, ri cäcaj cujquic'am bic pa jun be jalan chi wi.

Filipenses 3:21

Ri cujal wachij na ri ka cuerp ri man nim ta u k'ij, cux na xak junam ruc' ri juluwemalaj u cuerp, jas ri u cholajil ri cuinelalaj u cuinem ri rumal wa' xukuje' cäcuinic quebucoj conojel ri jastak chuxe' ri u takanic.

1 Tesalonicenses 2:19

¿Jas chrij cu'l wi ka c'u'x? ¿Jas ri ka quicotemal? ¿Jas ri tojbal ke rumal ri chac ri ka banom? Ix ri' aretak cäpe ri Kajaw Jesus.

2 Tesalonicenses 2:9

Ri achi re etzelal ri', rumal ri u chac ri Satanas cäpe na. Cäpe ruc' nimalaj chuk'ab, cuban tak etal xukuje' mayibal ri man e kastzij taj.

1 Timoteo 1:4

o qui cholajil ri qui bi' ri e qui mam ri winak ri man c'o ta qui q'uisic. We jastak ri' xak quequiyac tak chomanic ri man c'o ta u patan, man quequito' ta che u banic ri chac ri u yo'm ri Dios chque rumal ri cojonic.

1 Timoteo 4:7

Mabe awanima' cuc' tak ri puquinic ri man c'o ta qui patan ri cäquitzijoj ri winak. Are chacojo' a chuk'ab chupatanixic ri Dios.

Ri Tit 1:14

Mäquiya' u k'ij ri qui jo'sanic ri aj judeyib ri man c'o ta u patan, o ri qui takanic ri winak ri cäquitas quib chrij ri kastzij.

2 Pedro 2:3

Ri e are' rumal ri u rayixic ri jastak que ri winak, cäquitzucuj na jas cäquiban che resaxic puak chiwij cuc' ri qui banoj tzij. Cäc'äjisax c'u na qui wäch jas ri bim ulok ojer, man cäbeytaj ta ri c'äjisabal qui wäch. Man c'o ta quelic chuwäch ri c'ax ri cäpe na chquij.

1 Juan 4:14

Ri uj c'ut kilom xukuje' cäkak'alajisaj chi ri Tataxel xutak ulok ri C'ojolaxel che Colol que ri winak cho ri uwächulew.

Ri Juds 1:14

Ri Enoc, are ri uwak rija'lil can ri Adan, xuk'axej chque ri winak ri u tzij ri Dios chquij we winak ri', xubij: “Chiwilampe' ri Ajawaxel petinak e rachilam q'ui mil tastalic tak winak ri e rech,

Apocalipsis 1:7

Chiwilampe', cäpe ri Crist pa ri sutz'. Conojel cäquil na, xukuje' ne ri xejulupenic, conojel c'u tak ri amak aj uwächulew cäcok'ej c'u na u wäch. Je ta ba', je chbanok.