2 Pedro 1:1 - Quiché Bible

¹ Ri in Simon Lu', rajchac xukuje' takom re ri Jesucrist, quintz'ibaj we wuj ri' chque conojel ri qui rikom ri cojonic ri sibalaj nim rajil junam ruc' ri ke uj, rumal ri u suq'uil ri ka Dios xukuje' ka Colonel Jesucrist.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ In waꞌ ri Simón Pedro, in patanijel xuqujeꞌ taqoꞌn rech ri Jesucristo, kintzꞌibꞌaj we wuj riꞌ chike ri kikꞌamawaꞌm jun kojobꞌal ri sibꞌalaj paqal rajil, jetaq ri qe uj, xa rumal ri usukꞌal ri qaDios xuqujeꞌ ri qaKolonel Jesucristo.

K'iche'

¹ In wa', ri Simón Pedro, in patänil re ri Jesucristo, xukuje' in apóstol, jun chque ru tako'n ri Are'. Quintz'ibaj bi wa' we wuj ri' chiwe ix iwonojel ri i rikom ri cojonic ri sibalaj lok' na ri ka rikom uj. Je ri', rumal chi ri ka Dios Jesucristo ri To'l Ke are jicom ranima' kuc'.

K'iche' (New Orthography)

¹ In wa', ri Simón Pedro, in patänil re ri Jesucristo, xuquje' in apóstol, jun chke ru taqo'n ri Are'. Kintz'ib'aj b'i wa' we wuj ri' chiwe ix iwonojel ri i riqom ri kojonik ri sib'alaj loq' na ri qa riqom uj. Je ri', rumal chi ri qa Dios Jesucristo ri To'l Qe are jikom ranima' quk'.

2 Pedro 1:1 ပူးပေါင်းရင်းမြစ်များ

Ri Isaiy 12:2

Ri Dios are' quincolowic cu'l nu c'u'x, man quinxe'j ta wib. Ri Ajawaxel are' to'bal wib xukuje' are nu chuk'ab, are nu Colonel.”

Ri Jeremiy 33:16

Pa we k'ijol ri' ri Juda man c'o ta cuc'ulmaj na xukuje' ri Jerusalen cajeki' na pa jiquiban c'uxaj. Are c'u bi'aj wa' ri caquinatabej rech: ‘Ri Ajawaxel Dios are' ka ch'äcanem.’

Ri Matey 10:2

Ri cablajuj takomxenlab e are wa' ri qui bi': ri nabe Simon, ri cäbix Lu' che, ri Trix ri rachalal, ri Santiag u c'ojol ri Zebedey, ri Xuan ri rachalal,

Ri Matey 4:18

Ri Jesus cätajin cäbin chuchi' ri cho re Galiley, xeril quieb achijab cachalal quib. Ri jun are ri Simon ri xukuje' cäbix Lu' che, ri jun chic are ri Trix. Cätajin cäquiq'uiak ri qui c'at chapbal cär pa ri cho, e cäranelab c'ut.

Ri Lucax 1:47

C'o nimalaj quicotemal pa ri wanima' che ri Dios nu Colonel.

Ri Lucax 11:49

Rumal ri', ri Dios pa ri u no'j, xubij: ‘Quebentak na bic k'axal tak tzij xukuje' e takom. Jujun chque quequicämisaj na, jujun quecokataj na.’

Ri Xuan 1:42

Chanim ri Trix xuc'am ulok ri Simon ruc' ri Jesus. Ri Jesus xrilo, xubij che: “At ri' ri Simon, u c'ojol ri Xuan. Cäbix c'u na Seps chawe.” (“Seps” je quel wa' “jun abaj”).

Ri Xuan 12:26

We c'o jachin quinupatanij, chinuterenej. Jawije' ri quinc'oji' wi, chila' xukuje' cäc'oji' wi na ri pataninel wech. We c'o jachin quinupatanij, nim quil wi na rumal ri nu Tat.”

Ri Xuan 20:21

Xubij chi c'u jumul ri Jesus chque: “Chc'ol ri jamaril iwuc'. Jacha' ri Tataxel xinutak ulok in, je xukuje' ri in quixintak bic ix.”

Hechos 15:14

Ri Simon Lu' u bim chke jas ri xuban ri Dios che u tok'obisaxic qui wäch ri man aj judeyib taj nabe mul rech cäresaj jun tinimit chquixo'l ri e rech ri are'.

Romanos 1:1

In Pawl, in pataninel rech ri Jesucrist. In siq'uim xukuje' in tasom rumal ri Dios che takom, rech quintzijoj ri utzalaj tak tzij re colobal ib.

Romanos 1:12

Rech jeri' chi cäkaya' ka chuk'ab chbil tak kib pa ri ka cojonic, xa junam c'u ri i cojonic ruc' ri wech in.

Romanos 1:17

Ri utzalaj tak tzij cuc'ut chkawäch chi ri Dios cuban suc' chke rumal ri cojonic, xak xuwi rumal ri cojonic. Jas ri cubij ri tz'ibatalic: “Ri suc'alaj winak cäc'asi na rumal ri cojonic.”

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

1 Corintios 15:9

Ri in c'ut man c'o ta nu banic chquixo'l ri takomxenlab. Man takal taj cäbix takom chwe, rumal rech chi xinban na c'ax chque ri e rech ri u comon cojonelab ri Dios.

1 Corintios 9:1

Kastzij in ya'tal chwe ri ya'tal che jun takom, wilom c'ut u wäch ri Jesus ri Kajaw, kas ix c'ut ri ix u wächinic ri nu chac pa ri u chac ri Ajawaxel.

2 Corintios 4:13

Xa' junam ri cojonic c'o pa ri kanima', jas ri cubij ri Tz'ibatalic: “Xincojonic, rumal c'u ri', xintzijonic.” Xukuje' ri uj cujcojonic, rumal ri' cujtzijonic.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Gálatas 2:8

Are c'u ri Dios ri xuban che ri Lu' chi xoc che takom chque ri aj judeyib, are' xukuje' xbanow chwe in chi xinoc che takom chque ri man aj judeyib taj.

Efesios 3:5

Nabe canok man yo'm ta retamaxic we jastak ri' chque ri winak. C'äte camic ri Dios u c'utum chquiwäch ri u tastalic takomxenlab xukuje' ri e k'axal tak re ri u tzij rumal ri Uxlabaxel,

Efesios 4:11

Jujun xebucoj che takomxenlab, niq'uiaj chic che k'axal tak u tzij ri Dios, jujun chic xuya' chque chi cäquitzijoj ri tzij re colobal ib, niq'uiaj chic xebucoj che ajyuk'ab xukuje' che tijonelab.

Efesios 4:5

C'o jun Ajawaxel, c'o jun cojonic, xukuje' c'o jun oquem ruc' ri Crist.

Filipenses 1:1

In Pawl xukuje' ri Timotey, uj u lok'om tak pataninelab ri Jesucrist, cäkatz'ibaj bic we wuj ri' chque conojel ri cojonelab pa Crist Jesus ri e c'o chila' pa Pilips, xukuje' chque ri cojonelab ri quesolin conojel ri ajcristib xukuje' chque ri cojonelab ri quepataninic.

Filipenses 1:29

Rumal c'u rech ri Crist, man xuwi ta ya'tal chiwe chi quixcojon che, xane' xukuje' chi quirik c'ax rumal rech.

Filipenses 3:9

Xukuje' rech quinriktaj pa ri are'. Jeri' in suc' chic man rumal ta ri u nimaxic ri pixab, xane' rumal rech chi xincojon che ri Crist. Are suq'uil wa' cuya' ri Dios rumal ri cojonic.

2 Timoteo 1:5

Cänataj chwe chi kastzij c'o a cojonic, man xa' ta quieb u wäch. Ri cojonic ri' nabe xc'oji' ruc' ri awati't Loid, xukuje' ruc' ri a nan Eunis. Elinak chi sak chnuwäch chi xukuje' c'o awuc'.

Ri Tit 1:1

Ri in Pawl, in rajchac ri Dios xukuje' takom re ri Jesucrist, rech quecojon na ri winak ri e cha'tal rumal ri Dios, rech cäquetamaj ri kas k'ijilanic che ri Dios,

Ri Tit 1:4

Quintz'ibaj we wuj ri' chawe, Tit, kas at nu c'ojol pa ri cojonic, xa' junam c'ut ri ka cojonic uj quieb. Are ta ri Dios Tataxel xukuje' ri ka Colonel Jesucrist cuban tok'ob chawe, cuya' jamaril chixo'l ruc'.

Ri Tit 2:13

chi cäkeyej na ri juluwemalaj u petic ri nimalaj ka Dios xukuje' ri ka Colonel Jesucrist, nim u k'ij cäpetic. Are wa' ri ka quicotemal xukuje' ri cu'lbal ka c'u'x.

Santiago 1:1

In Santiag, u lok'om pataninel ri Dios xukuje' rech ri Ajaw Jesucrist, quinya' rutzil qui wäch ri cablajuj ramak' ri Israel ri qui jabum quib pa ronojel ri uwächulew.

1 Pedro 1:1

Ri in Lu', in takom re ri Jesucrist, quintz'ibaj we wuj ri' chque ri e jabuninak pa Pont, pa Galas, pa Capados, pa Asiy, xukuje' pa Bitin, ri man chila' taj ri qui tinimit,

1 Pedro 1:7

Are c'u ri i cojonic ix xak junam ruc' ri k'an puak: ri cätijtobex rumal ri k'ak'. Ri cojonic ri cuch'ijo cac'ambejexic pakal na rajil chuwäch ri k'an puak, ri cäsach u wäch. Je c'u ri' we ri i cojonic ix, we je u tijtobexic wa' curik na juluwem xukuje' cäya' na u k'ij aretak cuc'utunisaj rib ri Jesucrist.

1 Pedro 2:7

Chiwe ix ri quixcojonic: pakal rajil. Chque c'u ri man quecojon taj: “Ri abaj ri xquixutuj ri yacanelab, are wa' ri abaj ri xux nim u k'ij, ri cächapow ri yacom;”

1 Pedro 5:1

Quebenpixbej ri tatayib ri e c'o chixo'l ri quetakan chque ri comon cojonelab. In c'u cach tata', in xinwil ri c'ax ri xurik ri Crist, xukuje' junam cuc' ri e are' quinc'am na we ri juluwem ri quilitaj na.

2 Pedro 1:4

Rumal ri u juluwem xukuje' ri rutzil ri e u sipam chke ri e nimak tak e u chi'nic ri sibalaj e pakal cajil, rech ri ix quixcuinic quebic'am iwech ri u binibal ri Dios rech ri ix quixcuinic man quixkaj ta pa u k'ab ri etzelal ri c'o cho ri uwächulew ri cäpe cumal ri e itzel tak rayibal.

Ri Juds 1:1

In Juds, lok'om pataninel re ri Jesucrist, rachalal ri Santiag, quintz'ibaj we wuj ri' chque ri e siq'uim xukuje' e lok'ok'em rumal ri Dios Tataxel, xukuje' e c'olom rumal ri Jesucrist.