2 Corintios 8:2 - Quiché Bible

² Pune' c'o nimalaj c'axc'olil paquiwi', nim ri qui quicotemal; pune' sibalaj e mebayib, qui yo'm c'u q'ui sipanic chque niq'uiaj chic, je ta ne e k'inomab.

RI KꞌAKꞌ TESTAMENTO PA TZIJOBꞌAL KꞌICHEꞌ

² We e komontyox riꞌ pune iꞌkꞌowinaq pa sibꞌalaj nimaq taq kꞌaxkꞌolal xuqujeꞌ e mebꞌa, sibꞌalaj nim sipanik xkiyaꞌo je ta ne chi qas e qꞌinomabꞌ.

K'iche'

² Ri e are', pune sibalaj qui rikom c'äx, sibalaj c'ut xeboc il rumal, nim ri quicotemal c'o pa canima'. Pune sibalaj e meba', qui yo'm q'uia sipanic ri xpe pa canima' je' ta ne e k'inomab.

K'iche' (New Orthography)

² Ri e are', pune sib'alaj ki riqom k'äx, sib'alaj k'ut xeb'ok il rumal, nim ri kikotemal k'o pa kanima'. Pune sib'alaj e meb'a', ki yo'm k'ia sipanik ri xpe pa kanima' je' ta ne e q'inomab'.

2 Corintios 8:2 ပူးပေါင်းရင်းမြစ်များ

E C'ambal tak Tzij 11:25

Ri yanel cäpax u wäch ri jastak rech; ri cäyanic, xukuje' cäc'amanic.

Ri Matey 20:15

¿La ma ta cuya' quinbano jas ri quinwaj che ri jastak we? o ¿la itzel cawil wi at chi ri in in utz?’

Romanos 12:8

Ri u c'amom ri sipanic che u ya'ic chajin anima'aj, chucojo' ri u k'ij che u ya'ic chajin animaj. Ri cäyanic chyan ruc' ronojel animaj; ri yo'm rekle'n utz ruc'axic ri rekle'n chubana'; ri cuya' to'banic chque ri e c'o qui rajawaxic chubana' ruc' quicotemal.

Romanos 2:4

At cawetzelaj u wäch ri rutzil ri man q'uisel taj ri u cuyunic, xukuje' ri u coch'onic ri Dios, man c'u cach'ob taj chi kas are' ri rutzil cätajin catc'amow bic che a k'axexic ruc'.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

2 Corintios 2:9

Rumal c'u ri' xintz'ibam chiwe, rech kas quinwetamaj jas ri quibano, we quinimaj ronojel ri nu tzij.

2 Corintios 6:10

Je ta ne ri cujbisonic, cujquicot c'u ne amak'el; je ta ne ri uj ta mebayib, e q'ui c'u ne ri e ka k'inomarisam; je ta ne ri ma ta c'o jas c'o kuc', c'o c'u ne ronojel kuc'.

2 Corintios 9:11

Jeri' ri ix quec'oji' na ronojel qui wäch k'inomal iwuc' quixcuin c'u ri' quixyan ruc' telechinic. Are c'u ri cuchuj ri quitak bic ix, cux na wa' chi rumal kech uj chi ri achalaxic tak quequiya' na maltioxinic che ri Dios.

2 Corintios 9:13

Ri e are' xek'ijilan che ri Dios, are c'u we to'banic ri' cuc'ut na chquiwäch chi ri ix quixniman che ri utzalaj tzijol ri xuc'am ulok ri Crist xukuje' ri e are' nim cäquil wi na ri Dios rumal ri telechimalaj i cuchuj chque xukuje' chque conojel.

U Camulixic ri Pixab 15:4

We je cäban wa' man e c'o ta mebayib ri' chixo'l, are c'u ri Ajawaxel ri a Dios catutewichi'j na chupam ri ulew ri cuya' na chawe che awechbal.

1 Tesalonicenses 1:6

Ri ix c'ut xiban iwe jas ri xkaban uj xukuje' jas ri xuban ri Ajawaxel. Xic'am ri tzij ruc' c'axc'olil xukuje' ruc' quicotemal ri yo'm chiwe rumal ri Ruxlabal ri Dios.

1 Tesalonicenses 2:14

Ri ix c'ut, kachalal, xiban iwe jas ri xquiban ri e u comon cojonelab ri Dios ri e c'o pa Judey, ri e re ri Crist Jesus. Xukuje' ri ix xa' junam xirik c'ax cumal ri e i winakil, jas ri e are' xquirik c'ax cumal ri aj judeyib.

Santiago 2:5

Lok'alaj tak wachalal, chitatabej ri nu tzij: Ri Dios e u cha'om ri mebayib re we uwächulew ri', chi e are' ri k'inomab che cojonic, cäquechbej na ri ajawibal ri u bim ri Dios chi cuya' na chque ri winak ri cäquilok'ok'ej ri are'.

Apocalipsis 2:9

Weta'm chi at c'o pa c'axc'olil, at meba', pune' c'ut at k'inom. Weta'm chi quixyok' cumal ri cäquibij quib chi e aj judeyib. Man e je ta c'ut, xane' e jun u comon ri Satanas.