2 Corintios 8:10 - Quiché Bible

¹⁰ Quinya' c'u ri nu chomanic chrij wa', chi utz chiwe. Junabir xichaplej ulok u banic we sipanic ri'. Xiban wa' ruc' ronojel iwanima'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Kinya jun inoꞌj puꞌwiꞌ we jastaq riꞌ. Ix xixnabꞌej chuyaꞌik ri isipanik junabꞌir, man xwi ta xiya ri isipanik, xane xibꞌan rukꞌ ronojel iwanimaꞌ.

K'iche'

¹⁰ Chubanic utzil chiwe quinya ri nu chomanic chrij ronojel wa'. Ri ix junabir utz xibano xichap lok u banic we utzil ri'. Man xak tä c'u xichap u banic wa', xane ruc' nimalaj quicotemal xiban wa'.

K'iche' (New Orthography)

¹⁰ Chub'anik utzil chiwe kinya ri nu chomanik chrij ronojel wa'. Ri ix junab'ir utz xib'ano xichap loq u b'anik we utzil ri'. Man xaq tä k'u xichap u b'anik wa', xane ruk' nimalaj kikotemal xib'an wa'.

2 Corintios 8:10 ပူးပေါင်းရင်းမြစ်များ

E C'ambal tak Tzij 19:17

Jun jalomal che ri meba' jun jalomal wa' che ri Ajawaxel, kas are c'u ri Ajawaxel cätojow na ri c'asaj.

Ri Matey 10:42

Apachin ta ne ri cayo'w xak xuwi jun lak joron che jun chque we ch'utik ri' ri e nu tijoxelab, kastzij quinbij chiwe, man cutzak ta ri tojbal re.”

Ri Xuan 11:50

Man c'o ta ri i chomanic, chi are c'o cäkechbej na, chi jun winak cäcäm che qui q'uexwäch conojel ri winak, rech man are ta ronojel ri nim tinimit cäsach u wäch.”

Ri Xuan 16:7

Ri in c'ut quinbij ri kastzij chiwe: Are c'o quiwechbej na chi quinbec. We ta c'u ma ta quinbec, ri Cucu'bisaj i C'u'x man cäpe ta ri' iwuc'. We c'u quinbec, quentaka ulok ri are' iwuc'.

Ri Xuan 18:14

Are c'u ri Caipas yowinak qui no'j ri aj judeyib, chi are c'o quechbex na chi jun winak cäcämic che qui q'uexwäch conojel ri winak.

1 Corintios 10:23

Ronojel ya'tal u banic wumal, man ronojel ta c'ut c'o quechbex che. Ronojel cuya' quinbano, man ronojel ta c'ut cuya' ka chuk'ab pa ri ka cojonic.

1 Corintios 16:2

Ronojel nabe tak k'ij re ri seman, chijujunal chitasa' jubik' ri i ch'äcom, chimulij apanok, rech aretak quinopanic, man c'äte ta ri' quemol ri cuchuj.

1 Corintios 6:12

Ronojel ya'tal chwe quinbano, man ronojel ta c'ut c'o quechbex che. Ronojel ya'tal chwe quinbano, man c'o ta c'u jun jasach quinya' ta wib pa u k'ab.

1 Corintios 7:25

Chquij ri k'apojib, man c'o ta u takanic ri Ajawaxel wuc'. Xuwi quinya' pixbenic chque jas jun jicalaj winak, rumal rech chi xel u c'u'x ri Ajawaxel chwe.

1 Corintios 7:40

Quinchomaj chi are cäquicot na ri ixok malca'n we cäcanaj can chi jeri'. Quinchomaj c'ut chi c'o ri Uxlabal re ri Dios wuc', aretak je quinbij wa'.

2 Corintios 12:1

Rajawaxic quinnimarisaj wib, pune' man c'o ta quechbex che. Quinchaplej c'u qui tzijoxic ri c'utwächinic xukuje' ri niq'uiaj jastak chic ri e c'utum chnuwäch rumal ri Ajawaxel.

2 Corintios 8:6

Rumal ri' ka bochi'm ri Tit chi chutakej u mulixic ri cuchuj ri quiya' ri xuchaplej u mulixic nabe.

2 Corintios 8:8

Man quinbij ta wa' chiwe jas jun takanic chi je quibana'. Xak xuwi quinwaj chi quiwetamaj jas cäquiban ri niq'uiaj chic, cäquicoj qui chuk'ab, rech ri ix quic'utu we kastzij c'o lok'ok'ebal i c'u'x.

2 Corintios 9:2

rumal rech chi weta'm chi ri ix sibalaj quiwaj quiban ruc' ronojel iwanima'. Nu bim chque ri e aj Masedon chi quinquicot iwuc', rumal rech chi ri ix aj Acay i chomam ulok u banic wa' junabir, xa' c'u co'l man conojel ri aj Masedon quichajim anima' che u banic quech ri quiban ix rumal ri utzalaj i chomanic.

Filipenses 4:17

Man quinbij ta wa' xa' rech cäya' jun sipanic chwe. Xane' are quinwaj chi quiban q'ui utzalaj tak chac rech c'o na cajilax chiwij.

Hebreos 13:16

Chibana' utzil. Chijachala' ri jastak iwech chbil iwib. Mäsach wa' pa i jolom. Je tak sipanic wa' quekaj chuwäch ri Dios.