2 Corintios 8:1 - Quiché Bible

¹ Kachalal, cäkabij chiwe ri u tok'ob ri Dios ri yo'm chque ri e comon cojonelab pa Masedon.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Wachalal, kamik kꞌut kaqaj kiwetaꞌmaj ri utoqꞌobꞌ ri Dios ri xuya chike ri komontyox ri e kꞌo pa Macedonia.

K'iche'

¹ Cämic c'ut, kachalal, cäkaj cäkabij chiwe jas u banom ri nimalaj u tok'ob ri Dios pa qui wi' ri kachalal cojonelab pa tak ri tinimit re Macedonia.

K'iche' (New Orthography)

¹ Kämik k'ut, qachalal, käqaj käqab'ij chiwe jas u b'anom ri nimalaj u toq'ob' ri Dios pa ki wi' ri qachalal kojonelab' pa taq ri tinimit re Macedonia.

2 Corintios 8:1 ပူးပေါင်းရင်းမြစ်များ

Ri Matey 25:22

Xukuje' ri xuc'am quieb rakan nimak tak puak xkeb ruc' ri rajaw, xubij: ‘Wajaw, quieb rakan nimak tak puak xjach la chwe. Chilampe' la, quieb rakan nimak tak puak chic nu ch'äcom.’

Hechos 11:23

Aretak xopanic, xrilo chi c'o ri u tok'ob ri Dios cuc' ri cojonelab chila', xquicotic. Xebupixbej conojel chi cäquiterenej ri Ajawaxel ruc' ronojel canima', chi jic chetaken che ri Ajawaxel.

Hechos 16:9

Chak'ab xuc'ut rib jun c'utwächinic chuwäch ri Pawl. Xril jun achi aj Masedon xutac'aba' rib chuwäch, xubochi'j: “Chatk'ax ulok pa Masedon che ka to'ic.”

Hechos 24:17

E oc'owinak chi c'u q'ui junab, xinopan pa ri nu tinimit che u ya'ic cochinic xukuje' tak sipanic.

Romanos 15:26

E are' tak c'ut ri e aj Masedon xukuje' ri e aj Acay cäquiya' jun cuchuj chque ri mebayib kachalal ri e c'o pa Jerusalen.

1 Corintios 15:10

Rumal c'ut ri u tok'ob ri Dios ri in je nu banic wa' camic; are c'u ri u tok'ob ma ta c'o xubej chwe. Xane' sibalaj in chacuninak na chquiwäch conojel e are'; pune' c'u man in taj, xane' are' ri Dios, ri chupam ri rutzil in u to'm.

2 Corintios 11:9

Aretak xinc'oji' iwuc', man xinux ta eka'n che jachin jun, c'o c'u rajawaxic chwe. Xane' e are ri kachalal ri xepe' pa Masedon e are' xeyo'w ri rajawaxic chwe. Kas xinchajij wib pa ronojel, rech man xinux ta eka'n chiwe. Xukuje' camic quinchajij na wib.

2 Corintios 9:12

Aretak xc'am bic we to'banic, man xuwi ta quiya' ri rajawaxic chque, xane' xukuje' quiban chque chi sibalaj cäquimaltioxij che ri Dios.

2 Corintios 9:2

rumal rech chi weta'm chi ri ix sibalaj quiwaj quiban ruc' ronojel iwanima'. Nu bim chque ri e aj Masedon chi quinquicot iwuc', rumal rech chi ri ix aj Acay i chomam ulok u banic wa' junabir, xa' c'u co'l man conojel ri aj Masedon quichajim anima' che u banic quech ri quiban ix rumal ri utzalaj i chomanic.

2 Corintios 9:4

We ne e c'o jujun chque ri aj Masedon quebe wuc', quixelquirika' c'ut man i suc'umam ta iwib. We jeri', quel na ka q'uixbal, rumal rech chi ka jiquibam ka c'u'x chiwij, xukuje' ri ix quel na i q'uixbal.

Efesios 3:8

In ri man nim ta nu banic chuwäch ri man nim ta u banic chquixo'l ri e aj u tinimit ri Dios, are' c'ut ri are' yowinak we nimarisabal ib ri' chwe chi quinya' u tzijoxic chque ri man aj judeyib taj ri utzalaj tzijol che qui k'alajisaxic tak ri e u k'inomal ri Crist ri man e ch'obel taj.

Colosenses 1:29

Rumal ri' sibalaj quinchacunic, quintij nu chuk'ab. Ri cuinem ri cuya' ri Crist chwe, are cächacun pa ri wanima' ruc' chuk'ab.

1 Tesalonicenses 4:10

Je c'u quiban cuc' conojel ri achalaxelab ri e c'o pa ronojel Masedon. Quixkabochi'j c'ut, kachalal, chi quitakej na telechinic;