2 Corintios 7:14 - Quiché Bible

¹⁴ Aretak xinbij che ri Tit chi sibalaj quinquicot iwuc', man xel ta nu q'uixbal. Ronojel c'u ri xkatzijoj chiwe, are kastzij, je xukuje' ronojel ri utz ri xkabij chiwij che ri Tit, kas je xelic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Nubꞌim chiꞌwe chi nimal kinnaꞌo rumal iwe, man iniyaꞌom ta kꞌut pa nukꞌixibꞌal. Xane ronojel ri xqabꞌij chiꞌwe, qas tzij wi, xuqujeꞌ qas tzij qas xinya wi iqꞌij cho ri Tito.

K'iche'

¹⁴ Man xak tä c'u lok' ri xinbij che ri Tito chi sibalaj quinquicot iwumal. Xane ronojel ri ka bim chiwe ix are kas tzij, je' c'ut xukuje' ri xkabij chiwij che ri Tito are kas tzij. Are la' chi sibalaj cujquicot iwumal.

K'iche' (New Orthography)

¹⁴ Man xaq tä k'u loq' ri xinb'ij che ri Tito chi sib'alaj kinkikot iwumal. Xane ronojel ri qa b'im chiwe ix are qas tzij, je' k'ut xuquje' ri xqab'ij chiwij che ri Tito are qas tzij. Are la' chi sib'alaj kujkikot iwumal.

2 Corintios 7:14 ပူးပေါင်းရင်းမြစ်များ

Ri Xuan 17:19

Rumal quech ri e are' nu tasom wib chbil wib, rech xukuje' ri e are' quetastaj rumal ri kastzij.

2 Corintios 10:8

Pune' quinnimarisaj jubik' nu k'ij rumal ri takanic ri u yo'm ri Ajawaxel pa ka k'ab, man quel ta nu q'uixbal, rumal rech chi yo'm ri takanic pa ka k'ab che i yaquic, man che ta u sachic i wäch.

2 Corintios 12:6

We ta quinwaj quinnimarisaj wib, ma ta in con ri', kastzij c'u ri' ri quinbij. Man quinban ta c'ut, rech c'o jun muchomaj chi nim na nu banic chuwäch ri nu chac ri cärilo, o ri nu tzij ri cuto.

2 Corintios 2:13

Man xuxlan ta c'u ri wanima', rumal rech chi man xinrik ta ri Tit ri kachalal. Rumal wa', xinbij can chque chi quinbe na pa Masedon.

2 Corintios 7:13

Rumal c'u ri', ka cu'bisam ka c'u'x. Man xuwi ta wa' ri cu'bisabal ka c'u'x, xane' xukuje' xujquicot rumal ri u quicotemal ri Tit, chi xuxlan ri ranima' rumal iwech iwonojel.

2 Corintios 7:4

Sibalaj nim ri cu'lbal nu c'u'x chiwij, xukuje' quinquicot iwuc'. Sibalaj cu'bisam nu c'u'x xukuje' nim ri nu quicotemal pa ronojel ri ka c'axc'olil.

2 Corintios 7:6

Are' c'u ri Dios ri cucu'bisaj qui c'u'x ri sachinak qui c'u'x, xucu'bisaj ka c'u'x ruc' ri ropanem ri Tit.

2 Corintios 8:24

Rech c'u cäquetamaj ri e comon tak cojonelab, chebic'utu chquiwäch ix chi sibalaj quebiwaj chi c'o c'u rumal ka cuban ka c'u'x chiwij.

Filipenses 1:26

Jeri' sibalaj quixquicot na pa ri u bi' ri Crist Jesus rumal ri nu c'olem jumul chic iwuc'.

2 Tesalonicenses 1:4

Jeri' chi cäkabij chque ri e u comon cojonelab ri Dios chi sibalaj cujquicotic rumal rech ri i banom. Rumal rech chi quich'ij ri c'ax ri cäban chiwe, xukuje' co ix tac'al pa ri i cojonic aretak quirik ri c'axc'olil.